Siyosat
Navoiy viloyati hokimiga yangi o‘rinbosarlar tayinlandi
To‘lqin Atamurodov Navoiy viloyati hokimining iqtisodiyot va tadbirkorlik masalalari bo‘yicha birinchi o‘rinbosari bo‘ldi. Bundan tashqari, viloyat hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari vazifasiga Sa’dulla Mirzayev tayinlandi.
Samarqandda Qozog‘iston bosh konsulxonasi ochildi
Samarqandda Qozog‘iston bosh konsulxonasi ochildi. Samarqand, Buxoro, Jizzax, Surxondaryo, Qashqadaryo viloyatlari hamda Qoraqalpog‘iston uning konsullik okruglari sifatida belgilandi.
Shavkat Mirziyoyev Ashxobod shahridagi iftorlikda ishtirok etdi
O‘zbekiston prezidenti payshanba kuni Ashxobodda Turkmaniston prezidentining otasi — Malikguli Berdimuhamedov xotirasiga bag‘ishlab o‘tkazilgan iftorlikda ishtirok etdi. U aprel oyi o‘rtalarida vafot etgan edi.
Noshirlar va bosmaxonalarga nisbatan tabaqalashtirilgan QQSni qo‘llash taklif etilmoqda
Senat qo‘mitasi kitob savdosi bilan shug‘ullanuvchilarga QQS bo‘yicha tabaqalashtirilgan stavkalarni qo‘llash, shuningdek, sohaga manzilli subsidiyalar ajratish taklifini bildirdi. Qo‘mita raisining so‘zlariga ko‘ra, noshirlar va bosmaxonalar uchun soliq imtiyozlarining bekor qilinishi va QQSning qo‘llanishi aksariyat tadbirkorlarni kontrafakt mahsulotlar ishlab chiqarishga undaydi.
Shavkat Mirziyoyev Gurbanguli Berdimuhamedov bilan uchrashdi
Ashxobodda O‘zbekiston va Turkmaniston prezidentlari uchrashdi. Uchrashuvda Xalqaro transport va tranzit yo‘lagini yaratish to‘g‘risidagi Ashxobod bitimini bundan buyon ham birgalikda ilgari surish ta’kidlandi.
Narxini eshitib, hokim haydavorgandi — deputat baland bayroqlar o‘rnatilishi haqida
Deputat Doniyor G‘aniyev Qarshida balandligi 62,5 metrga teng 1,35 mlrd so‘mlik bayroq o‘rnatilishiga munosabat bildirib, 2 yil avval Farg‘onadagi shunga o‘xshash holatni yodga oldi. O‘shanda Farg‘onada o‘rnatilishi kerak bo‘lgan bayroqning sarf-harajatlari 1 mlrd so‘m atrofida bo‘lishi aytilgan. «Narxini eshitib, hokim haydavorgandi», — dedi u.
Investitsiyalar va tashqi savdo vaziriga o‘rinbosar tayinlandi
Davlat bojxona qo‘mitasining Toshkent viloyati bo‘yicha boshqarmasi boshlig‘i lavozimida ishlab kelgan Otabek Choriyev investitsiyalar va tashqi savdo vazirining o‘rinbosari lavozimiga tayinlandi.
O‘zbekiston va XXR yetakchilari vaksinatsiya va iqtisodiy masalalarni muhokama qilishdi
O‘zbekiston prezidenti Shavkat Mirziyoyev va XXR raisi Si Szinpin telefon orqali muloqot vaqtida aholini ommaviy emlash, iqtisodiy hamkorlik, qolaversa, Xitoy yetakchisining Toshkentga tashrifiga tayyorgarlik ko‘rish masalalarini muhokama qilishdi.
Kunlik ishchilar va o‘zini o‘zi band qilganlar uchun «Mening ishim» onlayn-maydoni ishga tushiriladi
Prezident qarori bilan joriy yilda 457 mingdan ortiq yangi ish o‘rinlari yaratiladi. Shuningdek, kunlik ishchilar va o‘zini o‘zi band qilgan shaxslar uchun «Mening ishim» onlayn-maydoni ishga tushiriladi. Ularning faoliyat turlari hamda xizmatlari to‘g‘risidagi ma’lumotlar platforma orqali bepul e’lon qilib boriladi.
Zoyir Mirzayev koronavirusga chalingani ma’lum qilindi
Qashqadaryo viloyati hokimi Zoyir Mirzayev COVID-19ga chalindi.
Ulug‘bek Toshxo‘jayev Davlat personallashtirish markazining direktori etib tayinlandi
Prezidentning huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha maslahatchisi o‘rinbosari lavozimida ishlagan Ulug‘bek Toshxo‘jayev Vazirlar Mahkamasi huzuridagi Davlat personallashtirish markazining direktori etib tayinlandi.
Qashqadaryo va Surxondaryo viloyati hokimlariga o‘rinbosarlar tayinlandi
Toshkent shahar davlat soliq boshqarmasi boshlig‘ining birinchi o‘rinbosari vazifasida ishlab kelayotgan Nodir Erkayev Qashqadaryo viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi. Shuningdek, Surxondaryo viloyati hokimining turizm va sport masalalari bo‘yicha maslahatchisi lavozimida faoliyat yuritayotgan Jo‘rabek To‘rayev viloyat hokimining turizm, sport, madaniyat va ommaviy kommunikatsiyalar masalalari bo‘yicha o‘rinbosari etib tayinlandi.
O‘zbekiston prezidenti amaliy tashrif bilan Turkmanistonda bo‘ladi
O‘zbekiston prezidenti Shavkat Mirziyoyev 29 aprel kuni amaliy tashrif bilan Turkmanistonda bo‘ladi. Davlat rahbarining Turkmaniston prezidentining otasi Malikguli Berdimuhamedov xotirasiga bag‘ishlangan tadbirlarda ishtirok etadi.
Pullar xalqqa borishi kerak, amaldorlarning cho‘ntagiga emas — Tanzila Norboyeva
«Byudjet puli, bu — xalqning puli. Bu xalqqa borishi kerak, qandaydir amaldorlarning cho‘ntagiga borishiga mutlaqo yo‘l qo‘ymaslik kerak. Agar shunday bo‘layotgan bo‘lsa, ularga ayovsiz qonuniy chora ko‘rishni ta’minlashimiz kerak», — dedi Senat raisi Tanzila Norboyeva
O‘zbekiston va Rossiya mudofaa vazirlari strategik hamkorlik dasturini imzoladilar
O‘zbekiston mudofaa vaziri Bahodir Qurbonov va Rossiya mudofaa vaziri Sergey Shoygu Buxoroda 2021−2025 yillarda harbiy sohada strategik hamkorlik dasturini imzoladilar. RF mudofaa vaziri O‘zbekistonga fashizm ustidan erishilgan g‘alabada o‘zbek xalqining hissasi to‘g‘risidagi arxiv hujjatlarini tortiq qildi.
Senat to‘xtash yoki to‘xtab turish qoidalarini buzganlik uchun jarimani kamaytirishni ma’qulladi
Senatorlar haydovchilar tomonidan to‘xtash yoki to‘xtab turish qoidalarini buzganlik uchun jarimalarni kamaytirishni hamda boshqa yo‘l harakati qoidalarini buzishni nazarda tutuvchi qonunni ma’qullashdi.
Erkin iqtisodiy va kichik sanoat zonalari infratuzilmasini yaxshilashga 1,6 trln so‘m ajratiladi
Prezident raisligida o‘tgan yig‘ilishda erkin iqtisodiy va kichik sanoat zonalarida asosiy e’tiborni importni qisqartirib, raqobatdosh mahsulotlarni ishlab chiqarishga qaratish lozimligi ta’kidlandi. Qolaversa, tadbirkorlarni qiynab kelayotgan mauammo — infratuzilma masalalarini hal etish kerakligi aytildi. Buning uchun esa 1,6 trln so‘m mablag‘ ajratilayotgani ma’lum qilindi.
Turizm va sport vaziriga yangi o‘rinbosar tayinlandi
Turizm va sport vazirining ma’naviy-ma’rifiy masalalar va davlat tili bo‘yicha maslahatchisi bo‘lib ishlab kelayotgan O‘tkir Saidov Turizm va sport vazirining ziyorat turizmi bo‘yicha o‘rinbosari etib tayinlandi.
Sadir Japarov — Kampir-Obod suv omborining bir qismi O‘zbekistonga berilishiga qarshi mitinglar to‘g‘risida
«Hozirda faqat muzokaralar boshlangan. Hech qanday hujjat imzolangani yo‘q. To‘rt bosqich o‘tadi, o‘shandan keyingina imzolanadi», — dedi Qirg‘iziston prezideni Sadir Japarov Kampir-Obod suv omborining bir qismi O‘zbekistonga berilishiga qarshi namoyishlar haqida. Uning so‘zlariga ko‘ra, chegaralarni delimitatsiya va demarkatsiya qilish komissiyasi tarkibiga mahalliy aholidan ham kiritish rejalashtirilmoqda.
Yusup Kabuljanov Tashqi ishlar vazirligining rasmiy vakili etib tayinlandi
O‘zbekistoninng Novosibirskdagi bosh konsuli bo‘lib ishlagan Yusup Kabuljanov Tashqi ishlar vazirligining matbuot kotibi va rasmiy vakili etib tayinlandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting