24 aprel kuni bo‘lib o‘tgan yalpi majlisda Oliy Majlis Senati Ma’muriy javobgarlik to‘g‘risidagi kodeksga ba’zi yo‘l harakati qoidalarini buzganlik uchun jarima miqdorini kamaytirishni nazarda tutuvchi o‘zgartirishlar kiritish to‘g‘risidagi qonunni ma’qulladi.
Ma’muriy javobgarlik to‘g‘risidagi kodeksga kiritilgan o‘zgartishlarga ko‘ra, 128−6-moddasi (transport vositalari haydovchilari tomonidan to‘xtash yoki to‘xtab turish qoidalarini buzganlik) qoidalarini buzganlik uchun jarima miqdori birinchi qismi sanksiyasidagi «uch» degan so‘z «ikki» degan so‘z bilan almashtirildi va ikkinchi, uchinchi va to‘rtinchi qismlari chiqarib tashlandi. Bundan tashqari, qonundan 2, 3 va 4-qismlar chiqarib tashlandi, ya’ni «jarimalar zanjiri» bekor qilinadi, uning miqdori takroran (ikki, uch yoki undan ortiq) buzilishi bilan ko‘payadi (3 yildan 15 yilgacha). Endi (prezident hali ham qonunni imzolashi kerak) bitta jarima bo‘ladi — 2 BHM (490 ming so‘m).
Avvalroq, Qonunchilik palatasi deputatlari yo‘l harakati qoidalarini buzganlik uchun jarimalar fuqarolarning daromadlari va yo‘llar va ko‘chalardagi sharoitlarga mutanosib emasligini ta’kidlagandilar. Vaqtinchalik transportni to‘xtatish uchun sharoitlarning yo‘qligi, ya’ni taqiqlash belgilarining ko‘pligi to‘xtash yoki to‘xtab turish qoidalarini buzish sabablaridan biri deb ta’kidlashgan.
Qonunda ba’zi yo‘l harakati qoidalarini buzganlik uchun jarimalar miqdorini ham birlashtirildi, chunki tuzatishlar ishlab chiquvchilari ta’kidlaganidek, «ichki va tashqi qoidalar mavjudligi korrupsiya uchun imkoniyat yaratdi».
123-moddada (transport vositalaridan axlat yoki boshqa narsalarni tashlash) sanksiyasidagi «beshdan bir qismidan bir baravarigacha miqdorda» degan so‘zlar «ikkidan bir qismi miqdorida» degan so‘zlar bilan almashtirilgan.
137-modda (YTH yuz bergan joydan ketib qolish) esa quyidagicha bayon etilgan:
«Yo‘l-transport hodisasi qatnashchilarining belgilangan qoidalarni buzgan holda hodisa yuz bergan joydan ketib qolishi bazaviy hisoblash miqdorining o‘n besh baravari miqdorida jarima solishga sabab bo‘ladi.
Yo‘l-transport hodisasi qatnashchilarining belgilangan qoidalarni buzgan holda hodisa yuz bergan joydan ketib qolishi jabrlanuvchiga yengil tan jarohati yoki ancha miqdorda moddiy zarar yetkazilishiga olib kelsa bazaviy hisoblash miqdorining o‘ttiz baravari miqdorida jarima solishga yoki transport vositalarini boshqarish huquqidan bir yil muddatga mahrum etishga yoxud o‘n besh sutkagacha muddatga ma’muriy qamoqqa olishga sabab bo‘ladi"
137-moddaning amaldagi holati bir qismdan iborat bo‘lib, unda 30 BHM miqdorida jarima yoki transport vositalarini boshqarish huquqidan 2 yil muddatga mahrum qilish yoki 15 kun muddatga ma’muriy qamoqqa olish ko‘zda tutilgan.
141-moddaning (transport vositalaridan shaxsiy boylik orttirish maqsadida foydalanish) sanksiyasidagi ikki baravaridan besh baravarigacha miqdorda" degan so‘zlar «ikki baravari miqdorida» degan so‘zlar bilan almashtirildi.
147-modda birinchi qismida (yo‘llarga, yo‘l inshootlariga, yo‘l harakatini tartibga solib turuvchi texnik vositalarga shikast yetkazish, ularni saqlash qoidalarini buzish) BHMning 1−3 baravarigacha deb ko‘rsatilgan jarimalar 2 baravarga o‘zgaradi.
Bundan tashqari, 54-moddaning 2-qismi (epidemiyaga qarshi kurashish qoidalarini buzish) uchun jazo yengillashtirilgan — fuqarolarga BHMning 20 baravari, mansabdor shaxslarga esa — 30 baravari miqdorida jarima solishga sabab bo‘ladi.
