Pokiston bosh vaziri Imron Xon Toshkentda bo‘lib o‘tgan brifingda Turkiyani Afg‘oniston mojarosini hal etishga jalb qilish hamda Afg‘oniston qo‘shnilari sammitini o‘tkazish taklifini bildirdi.
Shavkat Mirziyoyev va Imron Xon O‘zbekiston va Pokiston o‘rtasida strategik sheriklik aloqalarini o‘rnatish to‘g‘risidagi Qo‘shma deklaratsiyani imzoladi. Shuningdek, tranzit va savdo to‘g‘risidagi hamda ishbilarmonlar va sayyohlar uchun viza tartiblarini soddalashtirish to‘g‘risida hukumatlararo bitimlar, qolaversa, 500 mln dollarlik kelishuvlar ham imzolandi.
Shavkat Mirziyoyevning boshqa mamlakatlar yetakchilar bilan uchrashuvi, bloger Otabek Sattoriy ishi, Toshkentda Markaziy Osiyo xalqaro instituti ochilishi — “Gazeta.uz"ning 15 iyuldagi eng muhim xabarlari dayjestida.
O‘zbekiston prezidenti Shavkat Mirziyoyev va Afg‘oniston rahbari Ashraf G‘ani Toshkentdagi uchrashuvda afg‘on mojarosini harbiy yo‘l bilan hal qilishning imkoni yo‘qligi ta’kidlandi. Shavkat Mirziyoyev O‘zbekiston Afg‘onistonda barqaror tinchlikka erishilishiga faol ko‘maklashishga tayyorligini tasdiqladi.
Toshkentda Markaziy Osiyo xalqaro institutining tantanali ochilish marosimi bo‘lib o‘tdi. Ushbu muassasa mintaqaviy hamkorlik istiqbollarini ekspertlar muhokama qiladigan maydonga aylanadi.
«Milliy tiklanish» partiyasi rahbari Alisher Qodirov ta’kidlashicha, tashkilotlarda majburiy emlash tizimini yo‘lga qo‘yish mumkin. Bundan tashqari, u vaksina olmagan fuqarolarning erkini cheklash kerakligini aytdi. «Bizning ishonchimiz bilan vakolatli bo‘lgan hukumat, epidemiologik xavfsizlikni ta’minlash maqsadida, emlanmaganlarning erkini cheklashi kerak», — deydi Alisher Qodirov. Avvalroq, deputat Rasul Kusherbayev ham «ommaviy emlashni ixtiyoriylikdan majburiylikka o‘tkazish kerakligi»ni ta’kidlagan edi.
AQSh Afg‘onistondagi tinchlik bo‘yicha muzokaralarni qo‘llab-quvvatlashda va Afg‘oniston mudofaa kuchlariga yordam berishda davom etadi, deya ma’lum qildi AQSh prezidentining maslahatchisi Elizabet Shervud-Rendall Toshkentdagi yig‘ilishda. «Biz Qo‘shma Shtatlarga va ittifoqchilarimiz hamda sheriklarimiz xavfsizligiga tahdid soluvchi terrorchilarga qarshi agressiv harakatlarimizni davom ettiramiz», — dedi u.
O‘zbekiston prezidenti Xitoy tashqi ishlar vaziri Van Ini qabul qildi. Uchrashuvda Afg‘onistondagi vaziyat yuzasidan fikr almashilgan.
«Markaziy Osiyo Mamlakatlari — AQSh» formati mintaqada hamkorlikni rivojlantirishning noyob modeli hisoblanadi. U iqtisodiyot, energetika va savdo sohasidagi aloqalarni yaxshilashga, xavfsizlikka tahdidlarga birgalikda javob berishga yordam berdi, deya ta’kidladi O‘zbekiston TIV rahbari Abdulaziz Kamilov.
Amir Temur xiyobonidagi ommaviy to‘planish, Buyuk Britaniyaning “oltin vizasi"ni olgan o‘zbekistonliklar, noqonuniy yer sotish bilan bog‘liq holatlar, Yangi O‘zbekiston universitetining kontrakt narxi, Andijonda IIB xodimlari fuqaroning qo‘lini sindirgani rad etilishi — “Gazeta.uz"ning 14 iyuldagi eng muhim xabarlari dayjestida.
Shanxay hamkorlik tashkilotiga a’zo davlatlar Afg‘onistondagi mojaro ishtirokchilarini ShHTga a’zo davlatlar bilan chegaradosh tumanlarda beqarorlik va kutilmagan oqibatlarga olib keluvchi kuch va harakatlarni qo‘llashdan tiyilishga chaqirdi.
Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov fikriga ko‘ra, rossiyalik bloger Subxan Mamedov (Subo) bilan profilaktik suhbat emas, balki «unga nisbatan yolg‘on ma’lumot tarqatib, jamoat tartibi va sog‘ligiga xavf tug‘dirgani, yig‘ilishlar o‘tkazish tartibini buzgani» nuqtai nazaridan huquqiy baho berilishi kerak.
Prezident farmoni bilan, avgust oyida «Temir daftar»ga kiritilgan oilalarning 18 yoshgacha bo‘lgan har bir farzandlari uchun 500 ming so‘mdan bir martalik moddiy yordam ko‘rsatiladi. Shuningdek, farmon bilan yoshlarni qo‘llab-quvvatlash bo‘yicha boshqa qator choralar e’lon qilindi.
O‘zbekistonning qo‘shni davlatlar bilan yaxshi qo‘shnilik va o‘zaro manfaatli munosabatlarni mustahkamlash iqtisodiy va investitsiyaviy hamkorlikni, shuningdek, mintaqa mamlakatlari o‘rtasida transport logistikasi sohasidagi aloqalarni kengaytirish uchun ishonchli zamin yaratdi, deb yozadi Iqtisodiy tadqiqotlar va islohotlar markazi direktori Obid Hakimov.
Moliya vazirligi G‘aznachiligi boshlig‘ining o‘rinbosari — Davlat xaridlari departamenti direktori sifatida ishlagan Gulnora Rahimova moliya vazirining o‘rinbosari etib tayinlandi.
Toshkentning 11 tumanida koronavirusga chalingan bemorlarni davolash uchun tashkil etilgan maxsus poliklinikalar, O‘zbekistonning London fond birjasiga $635 mln va 2,5 trln so‘mlik yevrobondlarni joylashtirish, Kosonsoy tumanida sel kelishi — «Gazeta.uz»ning 13 iyuldagi eng muhim xabarlari dayjestida.
Har bir davlat rahbari o‘ziga ortilgan mas’uliyatdan tashqari, katta xavf ostida yurishi tabiiy hol. Siyosiy hayotdagi turli qarama-qarshiliklar va noroziliklar to‘ntarishlardan tashqari, eng radikal oqibatlarga, ya’ni yetakchilarga nisbatan uyushtirilgan suiqasdlarga olib kelgan. Avraam Linkoln, Indira Gandi, Jon Kennedi kabi mashhur davlat rahbarlarining o‘limiga olib kelgan hujumlar haqida «Gazeta.uz» maqolasida.
Tez tibbiy yordam uchun sotib olinayotgan Damas`lar, prezidentning joriy haftadagi ish grafiki, Jahongir Otajonovning siyosatdan ketishi — «Gazeta.uz»ning 12 iyuldagi eng muhim xabarlari dayjestida.
Afg‘onistonning Hayraton shahridagi konsullik muassasida faoliyat ko‘rsatayotgan diplomatlar O‘zbekistonga olib kelindi. Ushbu ehtiyot chorasi «Tolibon» kuchlarining Afg‘onistonning shimoliy hududlariga kirib kelishi ortidan qo‘llanildi.
Prezident matbuot kotibi Sherzod Asadov KXSHT tomonidan O‘zbekiston hududiga harbiy bazani joylashtirish bo‘yicha taklif kelib tushmaganligini ma’lum qildi. Shuningdek, uning ta’kidlashicha, AQSh tomonidan afg‘on hukumati askarlarini vaqtincha O‘zbekiston hududiga qabul qilish bo‘yicha taklif ham kelib tushmagan.
Qo‘shimcha imkoniyatlarga ega bulish uchun saytda ro‘yxatdan o‘ting