Qarshi va Jizzaxdagi 2 ta oliygohda 22,5 mlrd so‘m mablag‘ o‘zlashtirilgani aniqlandi
Hisob palatasi tomonidan o‘tkazilgan tekshiruvlar natijasida 2 ta oliygohda 22,5 mlrd so‘m mablag‘ o‘zlashtirilganligi aniqlandi. Qarshi muhandislik-iqtisodiyot instituti buxgalteriya xodimlari tomonidan 21 mlrd so‘m naqd pul, Jizzax politexnika institutida esa 1,5 mlrd so‘m plastik kartochkaga o‘tkazilib o‘zlashtirilgan.
Oliy Majlis Senatida yangi qo‘mita tashkil etildi
O‘zbekiston Oliy Majlisi Senatining o‘n oltinchi yalpi majlisida Senatning Axborot siyosati va davlat organlarida ochiqlikni ta’minlash masalalari qo‘mitasini tashkil etish to‘g‘risidagi masala ko‘rib chiqildi. Majlisda senator Farxod Boqiyevni mazkur Qo‘mita raisining o‘rinbosari etib saylandi.
Kirish imtihonlariga 30 mlrd so‘mdan ortiq mablag‘ sarflanadi
Davlat test markazi rahbari Majid Karimov kirish imtihonlari xarajatlari 30 mlrd so‘mdan oshishini ma’lum qildi. Moddiy-texnik baza uchun sarflanadigan xarajatlar bunga kirmasligi aytildi. Karimovning so‘zlariga ko‘ra, DTMga o‘tgan yilgi qabul jarayonlarida 90 mlrd so‘m atrofida pul tushgan.
Nogironligi bor shaxslar ish topishi uchun Ishplus.uz platformasi ishga tushirildi
“Sharoit Plus” nogironlar jamoat birlashmasi nogironligi bo‘lgan shaxslarni munosib ish bilan ta’minlash uchun onlayn platformani ishga tushirdi. Loyihaning hamkorlari — Bandlik va mehnat munosabatlari vazirligi, Madaniyat va san’atni rivojlantirish jamg‘armasi va YeXHT, loyiha BMTning ijtimoiy himoyani mustahkamlash Qo‘shma dasturi tomonidani qo‘llab-quvvatlanmoqda.
O‘zbekistonda yil boshidan birinchi marotaba eng ko‘p koronavirus holatlari qayd etildi
Kecha O‘zbekistonda 476 nafar fuqaroda koronavirus aniqlandi. Shuningdek, so‘nggi kun ichida 535 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
«Yangi O‘zbekiston» bog‘i va «Istiqlol» majmuasi qurilishi kimga topshirildi?
Toshkent yaqinida barpo etilayotgan «Yangi O‘zbekiston» bog‘i va «Istiqlol» majmuasi qurilishining pudratchisi, davlat xaridlari portali ma’lumotlariga ko‘ra, Mimar Group hisoblanadi.
«Osiyo Shengeni» — Silk road visa amalda 2022 yildan boshlab qo‘llanilishi mumkin
Qozog‘iston madaniyat va turizm vazirining so‘zlariga ko‘ra, 2022 yildan boshlab Silk road visa amalda qo‘llanila boshlashi mumkin. Avvaliga ushbu yagona viza faqat Qozog‘iston, Qirg‘iziston va O‘zbekistonda amal qilishi reja qilingan edi. Qozog‘iston vakilasining so‘zlariga ko‘ra, viza Buyuk Ipak yo‘li mamlakatlari uchun «Osiyo Shengeni» vazifasini o‘tashi kutilmoqda.
O‘zbekiston mebel mahsulotlari bozori 2,5 mlrd dollarga teng — Shavkat Mirziyoyev
O‘zbekiston prezidenti videoselektorda qo‘shnilarni hisobga olganda, mamlakat mebel mahsulotlari bozori 2,5 mlrd dollarga tengligini ta’kidladi. Shu bois, 15 ta hududda klaster shaklidagi mebelchilik kichik sanoat zonalarini tashkil etish bo‘yicha topshiriq berildi. Qolaversa, yana 10 ta hududda charm mahsulotlari ishlab chiqarish bo‘yicha KSZlar yaratilishi aytildi. «Har bir dollar davlatimizga foyda keltirishi kerak», — dedi u.
Chiroqchida elektr ta’minotidagi muammo sababli «Afrosiyob» poyezdi yo‘lini to‘sganlar sudga chaqirildi
Chiroqchi tumanida elektr ta’minotidan norozi bo‘lib, «Afrosiyob» poyezdi yo‘lini to‘sganlarning 13 nafari sudga chaqirildi. Mazkur ish doirasida 50 nafar fuqaroga chora ko‘rilayotgani aytildi.
Jahon yangiliklari dayjesti
JSSTning bolalar va o‘smirlarni koronavirusga qarshi emlashga ruxsat bergani, Qozog‘istonda majburiy emlanishdan bosh tortganlarning jarimaga tortilishi, Efiopiyada havo hujumi natijasida 80ga yaqin kishining halok bo‘lgani va boshqa yangiliklar — «Gazeta.uz»ning jahon yangiliklari dayjestida.
24 iyun kuni O‘zbekistonda sodir bo‘lgan eng muhim xabarlar dayjesti
“Shahidlar xotirasi” majmuasi hududidagi obyektlar qurilishi qanday moliyalashtirilishi, 2021−2022 o‘quv yili uchun OTMlarga qabul kvotasi tasdiqlanishi, O‘zbekistonda koronavirusning “hindcha” shtammi aniqlanishi, Afg‘oniston chegarasidan 53 nafar afg‘on harbiylari va mahalliy qurolli guruhlar O‘zbekiston hududiga o‘tishi — “Gazeta.uz"ning 24 iyundagi eng muhim xabarlari dayjestida.
Mudofaa vazirligi O‘zbekiston armiyasining jangovar shayligini tekshirmoqda
O‘zbekiston mudofaa vazirligi harbiy okruglarida qo‘shinlarni jangovar shaylikka keltirish bo‘yicha amaliy mashg‘ulotlar boshlandi. Mudofaa vaziri Bahodir Qurbonov rahbarligida Toshkent va Janubi-g‘arbiy maxsus harbiy okruglari hamda rejaga asosan qo‘qqisdan tekshiruvlar bo‘lib o‘tmoqda.
Daxlsizlik huquqidan mahrum etilgan Andijon shahar deputati qamoqqa olindi
Daxlsizlik huquqidan mahrum qilingan Andijon shahar xalq kengashining deputati Shuhrat Karimov qamoqqa olindi. U ta’sis etgan kompaniya mansabdor shaxslariga nisbatan jinoiy ish ochildi. Uning hamkasbi Jahongir Jiyanov buni «deputatlarga ochiqdan-ochiq bosim» deb atadi.
2017 yildan beri O‘zbekistonda jami 83 mlrd dollarlik investitsiyalar o‘zlashtirilgan
Prezident Shavkat Mirziyoyev 2017 yildan beri mamlakatda o‘zlashtirilgan investitsiyalar 83 mlrd dollarni tashkil etganligini ta’kidladi. Bu oldingi davrga nisbatan 2 baravar ko‘proq.
Dilshod Choriyev 4 yilga diskvalifikatsiya qilindi
O‘zbekistonlik sambochi Dilshod Choriyev 4 yilga barcha milliy va xalqaro sport musobaqalarida ishtirok etish huquqidan mahrum etildi.
«O‘zbekiston hududiga noqonuniy kirishga qilingan har qanday urinishlar qat’iy bartaraf etiladi» — TIV
23 iyun kuni Afg‘oniston chegarasidan 53 nafar afg‘on harbiylari va mahalliy qurolli guruhlar O‘zbekiston hududiga o‘tganligi yuzasidan Tashqi ishlar vazirligi bayonot bilan chiqdi. O‘zbekiston Afg‘oniston bilan do‘stona munosabatlarni asrash tarafdori, biroq mamlakat hududiga noqonuniy kirishga qilingan har qanday urinishlar qat’iy bartaraf etiladi, deyiladi bayonotda.
Deputat — «Shahidlar xotirasi» majmuasidagi qurilishlar haqida
Deputat Doniyor G‘aniyev Vazirlar Mahkamasining qarorida ko‘rsatilgan Toshkentdagi «Shahidlar xotirasi» yodgorlik majmuasi hududida obyektlar qurilishi bo‘yicha ishlarni moliyalashtirish manbalari prezident farmoyishida belgilanganlariga mos kelmayotganiga e’tibor qaratdi. U loyihaga maishiy xizmat binolari, savdo do‘konlari, WiFi hududlari yoki amfiteatr qurish ko‘zda tutilmaganini qayd etdi.
Dollarning rasmiy kursi qatorasiga uchinchi kun pasaydi
Dollarning rasmiy kursi 6,92 so‘mga pasaydi va jami 10 564,96 so‘m etib belgilandi. Shuningdek, yevro kursi biroz pasaydi, rubl kursi esa biroz ko‘tarildi.
Rossiyadagi qurilishda 22 yoshli O‘zbekiston fuqarosi balandlikdan yiqilib, vafot etdi
Rossiyaning Leningrad viloyati Vsevolojsk tumanidagi qurilish obyektida ishlayotgan 22 yoshli o‘zbekistonlik balandlikdan yiqilib tushib, shifoxonada vafot etdi. Hozirda holat yuzasidan tekshiruv ishlari olib borilmoqda.
O‘zbekistonliklar «Al-Azhar» universitetida faqatgina Din ishlari bo‘yicha qo‘mita tavsiyasi asosida o‘qiy oladi
2021 yildan boshlab O‘zbekiston fuqarolari Misrda joylashgan «Al-Azhar» universitetining barcha muassasalariga faqatgina Vazirlar Mahkamasi huzuridagi Din ishlari bo‘yicha qo‘mitaning tavsiyasi asosida qabul qilinadi. Ta’lim olish yuzasidan murojaatlar 25 iyundan — 15 iyulgacha Din ishlari bo‘yicha qo‘mita huzurida tashkil etilgan Maslahat kengashi tomonidan ko‘rib chiqiladi.
Qo‘shimcha imkoniyatlarga ega bulish uchun saytda ro‘yxatdan o‘ting