Klaster usulida mebel ishlab chiqarish yo‘lga qo‘yiladi
Hududlarda klaster usulida mebel ishlab chiqarishga ixtisoslashgan kichik sanoat zonalari tashkil etiladi. Tadbirkorlar mahsulot eksportini yo‘lga qo‘ygan taqdirda bir qator imtiyozlarga ega bo‘ladi, qolaversa, homashyo va ehtiyot qismlar importi uchun bojxona bojidan ozod qilinadi.
Dollarning rasmiy kursi pasaydi
Dollarning rasmiy kursi 5,49 so‘mga pasaydi va jami 10 581,36 so‘m etib belgilandi. Shuningdek, yevro va rubl ham biroz pasaydi.
Navoiyda to‘rt nafar tilla qazuvchi vafot etdi, uch kishi shifoxonaga yotqizildi
Navoiy viloyatida noqonuniy ravishda tilla qumlarini qazib olish bilan shug‘ullangan to‘rt kishi «elektrodvijok»dan chiqqan yoqilg‘i tutunidan zaharlanib, vafot etgan. Yana uch nafar fuqaro shifoxonaga yotqizilgan.
Surxondaryoda tez yordam mashinasini o‘tkazmagan YPX xodimlari lavozimidan ozod etildi
Surxondaryo viloyatida o‘tkazilgan «Yoshlar festivali» sababli YPX xodimlari yo‘lning harakatlanish vaqtincha cheklangan qismida chaqiruv bo‘yicha manzilga ketayotgan tez yordam mashinasini o‘tkazmagan. Ma’lum bo‘lishicha, 21 iyun kuni ushbu xodimlar lavozimidan ozod etilgan.
Qashqadaryoda 2 nafar piyoda Nexia urib yuborishi natijasida halok bo‘ldi
Qashqadaryo viloyatining G‘uzor tumanida Nexia 2 nafar piyodani urib yubordi. Piyodalar olgan tan jarohatlaridan voqea joyida vafot etdi.
Gruziya va Turkiyada komendantlik soati bekor qilinadi
Gruziya va Turkiya huqumatlari koronavirus pandemiyasi sababli joriy etilgan komendantlik soatini 1 iyuldan boshlab bekor qilmoqda. Bundan tashqari, Gruziyada tibbiy niqoblarni taqish majburiy bo‘lmaydi, Turkiyada esa jamoat transportidan foydalanishda yosh bo‘yicha cheklovlar bekor qilindi.
Kun.uz rahbari saytdagi diniy mavzuda e’lon qilingan maqolalar uchun jarimaga tortildi
Saytda e’lon qilingan diniy mazmundagi materiallar uchun Kun.uz asoschilaridan biri va rahbari 12,2 mln so‘m miqdorida jarimaga tortildi. Sud qaroridan keyin nashr yangiliklarni e’lon qilishni to‘xtatdi.
TIV O‘zbekistonda maxfiy biologik qurol ishlab chiqarilayotganini rad etdi
Tashqi ishlar vazirligi O‘zbekistonda maxfiy biologik qurol ishlab chiqarilayotganini rad etdi. Ma’lum qilinishicha, ushbu laboratoriyalar faqat diagnostik tadqiqotlar o‘tkazish va tinchlik maqsadlaridagina foydalanish uchun mo‘ljallangan.
21 iyun kuni O‘zbekistonda 2 nafar koronavirus bemori vafot etdi, 395 ta yangi kasallanish holatlari qayd etildi
Kecha O‘zbekistonda 395 nafar fuqaroda koronavirus aniqlandi. Shuningdek, so‘nggi kun ichida 383 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.
Koronavirus sababli O‘zbekiston Afg‘oniston bilan chegarani yopdi
Afg‘onistonda epibemiologik vaziyatning keskinlashayotganligi sababli o‘zbek-afg‘on chegarasida fuqarolarning harakatlanishi vaqtincha to‘xtatiladi.
50 yoshdan oshgan fuqarolar hamda OTM professor-o‘qituvchilarini emlash boshlanadi
O‘zbekistonda COVID-19ga qarshi emlanadiganlar guruhi kengaytirildi. Endi 50 yoshdan oshgan fuqarolar va OTM professor-o‘qituvchilarini emlash boshlanadi. So‘nggi kunlarda infeksiya bilan kasallanish holatlari biroz ortganligi sababli hududlarda koronavirus bemorlarini davolashga yo‘naltirilgan tibbiyot muassalarining tayyorgarlik holatini tahlil qilish va zarur dori vositalari zaxirasini shakllantirish bo‘yicha topshiriqlar berildi.
O‘zbekiston 2021 yilda «Gazprom»dan 1,5 mlrd kub gaz sotib oldi
2021 yilning birinchi choragida O‘zbekiston «Gazprom»dan Xitoyga (0,54 mlrd kub metr) eksport qilganidan ham ko‘proq gaz sotib oldi. 2020 yilda mamlakat «Gazprom»ga gaz yetkazib berishni to‘xtatgan edi.
Senatning 16-yalpi majlisi 25 iyun kuni chaqiriladi
Senat 16-yalpi majlisda vijdon erkinligi va diniy tashkilotlar to‘g‘risidagi, davlat tili to‘g‘risidagi va boshqa qator qonunlarni ko‘rib chiqib, Toshkent viloyatining tuman va shaharlari chegaralarini o‘zgartirish masalasini muhokama qiladi.
Qanday uylar boshqaruvchi kompaniyalarga biriktiriladi?
O‘zbekistonning 15 ta hududidagi 1227 ta ko‘p qavatli uy, shu jumladan, Toshkentning Yunusobod tumanidagi ikkita mavzeda joylashgan uylar boshqaruvchi tashkilotlarga biriktiriladi. Ular ochiq tanlov orqali tanlanadi. Hujjatning ayrim bandlari Uy-joy kodeksiga va «Ko‘p qavatli uylarni boshqarish to‘g‘risida"gi qonunga zid bo‘lishi mumkin.
Andijonda Spark haydovchisi YPX xodimini kapot ustida sudrab ketdi
Andijonda Spark avtomashinasi haydovchisi YPX xodimining to‘xtash haqidagi talabiga bo‘ysunmadi va uni kapot ustida 50−60 metrcha sudrab ketdi. Huquqbuzarga nisbatan jinoyat ishi qo‘zg‘atildi.
Jahon yangiliklari dayjesti
Yevropa Ittifoqining Belarusga qarshi to‘rtinchi sanksiyalar to‘plami, Shvetsiya parlamentining ilk bor bosh vazirga ishonchsizlik votumini bildirgani, G‘arbiy Afrikada 2027 yilda umumiy pul birligi joriy etilishi va boshqa yangiliklar — «Gazeta.uz»ning jahon yangiliklari dayjestida.
21 iyun kuni O‘zbekistonda sodir bo‘lgan eng muhim xabarlar dayjesti
Prezidentning ushbu haftadagi ish grafiki, 19 yoshli qizning zo‘rlanishi, davlat ro‘yxatidan o‘tkazilmagan partiya, Toshkentda koreyalik taekvondo murabbiyi vatandoshi tomonidan pichoqlanishi — “Gazeta.uz"ning 21 iyundagi eng muhim xabarlari dayjestida.
Aqlvoy bolalar telekanali multfilmlardagi ikkita sahna bo‘yicha izoh berdi
Aqlvoy bolalar telekanalida efirga uzatilgan multfilmlarda italyan rassomi Sandro Bottichellining «Veneraning tug‘ilishi» kartinasi va malika Jinan hamda Olovudiinning o‘pishish sahnalari ijtimoiy tarmoqlar foydalanuvchilarining noroziligiga sabab bo‘ldi. Kanal ushbu holatlar bo‘yicha izoh berdi.
XMK O‘zbekiston kimyo sanoatini modernizatsiya qilishga yordamlashadi
Xalqaro moliya korporatsiyasi kimyo sanoatini modernizatsiya qilish va o‘g‘itlar ishlab chiqarishda O‘zbekistonga ko‘maklashadi.
Chirchiq pedinstituti o‘qituvchisi OTMga kiritib qo‘yish uchun $6000 olayotganda ushlandi
Toshkentda Chirchiq davlat pedagogika instituti o‘qituvchisi ikki fuqarodan ushbu OTM yoki ToshDPUga o‘qishga kiritib qo‘yishga va’da berib, 6000 dollar olayotganda ushlandi.
Qo‘shimcha imkoniyatlarga ega bulish uchun saytda ro‘yxatdan o‘ting