Akbar Tashkulov Toshkent davlat yuridik universitetiga rektor bo‘ldi
2017 yildan beri adliya vaziri o‘rinbosari lavozimida faoliyat yuritgan Akbar Tashkulov Toshkent davlat yuridik universiteti rektori etib tayinlandi.
290 dan ortiq jurnalist hibsda saqlanmoqda — JHQ
2021 yilda dunyo bo‘ylab qamoqxonalardagi jurnalistlar soni rekord darajaga yetdi — 293 nafar OAV xodimi qamoqqa olingan. Yana 24 nafar jurnalist halok bo‘lgan.
Shavkat Mirziyoyev YeOII doirasida savdodagi to‘siqlarni bartaraf etishga chaqirdi
Shavkat Mirziyoyev Oliy Yevroosiyo iqtisodiy kengashining navbatdagi yig‘ilishida nutq so‘zlab, YeOII doirasida o‘zaro savdodagi to‘siq va cheklovlarni bartaraf qilish, yangi transport yo‘laklarini barpo etish va «yashil» energetika loyihalarini amalga oshirish masalalariga to‘xtalib o‘tdi.
Toshkentda avtobus piyodani urib yubordi
Toshkent shahrining Yunusobod tumanida 72-sonli yo‘nalishda harakatlanayotgan Mercedes-Benz rusumli avtobus piyodani urib yubordi.
Nima tayyorlaymiz: yangi yil dasturxoni uchun shirinliklar
Shokoladli hamda limonli merenga ruletlari, apelsin sedrasiga ega shokoladli pryaniklar, asalli «Archa» va «Baunti» tortlari, ko‘rgazmali pechenelar — Zira.uz yangi yil dasturxoni uchun shirinliklar retseptlari ro‘yxatini taqdim etadi.
O‘zbekistonga 200 ming doza Sputnik Light vaksinasi keltirildi
O‘zbekistonga Rossiyadan 200 ming doza yangi turdagi vaksina — Sputnik Light keltirildi. Shu bilan O‘zbekistonda koronavirucga qarshi qo‘llanilayotgan vaksinalar turi yettitaga yetdi. Sputnik Light bir komponentli vaksina bo‘lib, u bilan to‘liq emlanish uchun bir dozasini olish kifoya.
Jahon yangiliklari dayjesti
AQShda inflyatsiya darajasining oxirgi 40 yillikdagi maksimumga yetgani, Pentagonning Afg‘onistonda «Al-Qoida» jangarilari ko‘payganini ma’lum qilgani, Meksikadagi avtohalokatda 50 ga yaqin kishining halok bo‘lgani, Xalqaro valyuta jamg‘armasi yangi COVID-19 shtammidan keladigan zararni 5,3 trln dollarga baholagani va boshqa yangiliklar — «Gazeta.uz»ning jahon yangiliklari dayjestida.
10 dekabr kuni O‘zbekistonda sodir bo‘lgan eng muhim xabarlar dayjesti
Bosh prokuraturaning yana bir xodimi pora olgani, To’palang HPD Platinum Surxondaryoda $138 mlnlik loyihani tendersiz amalga oshirayotgani, Qonunchilik palatasi majlisining jonli efirdan uzib qo‘yilishi, OTBning O‘zbekiston uchun ajratayotgan $100 mln krediti, O‘zbekiston iqtisodiyoti 30 yil mobaynida qanday o‘zgargani haqidagi maqola — «Gazeta.uz» ning 10 dekabrdagi eng muhim xabarlari dayjestida.
Davlat xizmatchilarining odob-axloq kodeksi loyihasi muhokamaga qo‘yildi
O‘zbekiston davlat xizmatchilarining odob-axloq kodeksi loyihasi jamoatchilik muhokamasi uchun e’lon qilindi. Unga ko‘ra, davlat xizmatchisining tashqi ko‘rinishi mehnat sharoitlari va xizmat turiga qarab, umumiy qabul qilingan ish uslubiga muvofiq bo‘lishi lozim. Davlat tashkilotlarida barcha xodimlarga ish joyida ularning siyosiy va mafkuraviy qarashlarini yoki dinga munosabatini aks ettiruvchi liboslarda bo‘lish yoki belgilarni taqib yurish taqiqlanadi.
Qarshi va To‘raqo‘rg‘on neft bazalari rahbarlari ishdan olindi
Qarshi neft bazasi rahbari 32,7 mlrd so‘mlik debitor qarzdorlikni o‘z vaqtida hisobotlarda aks ettirmagani uchun ishdan bo‘shatildi. To‘raqo‘rg‘on neft bazasida 2 mlrd so‘mning kirim qilinmagani uchun rahbar, uning o‘rinbosari va bosh hisobchisi lavozimdan ozod qilindi.
Dubayda bir tonnalik mega-palov tayyorlandi (foto,video)
Dubayda o‘zbekistonlik oshpaz Bahriddin Chustiy 1000 kilogrammlik mega-palov tayyorladi. Osh «EKSPO-2020» Butunjahon ko‘rgazmasida O‘zbekiston kuni doirasida tayyorlandi. Uni ikki mingdan ortiq kishi tatib ko‘rdi.
Peterburgda politsiyachilarni urib, bo‘limdan qochib ketgan o‘zbekistonlik MMA jangchisi qidirilmoqda
Rossiyaning Sankt-Peterburg shahrida QR-kodlar va migratsiya hujjatlari savdosi bilan shug‘ullanganlikda gumonlanayotgan o‘zbekistonlik MMA jangchisi politsiyachini urib, qochib ketgan. Sportchi qidirilmoqda.
Yer, suv resurslaridan foydalanganlik uchun hamda aksiz soliqlari o‘rtacha 10 foizga o‘sishi mumkin
Deputatlar muhokama qilayotgan Soliq kodeksiga o‘zgartish va qo‘shimchalar kiritish to‘g‘risidagi qonun loyihasiga muvofiq, yer solig‘i, suv resurslaridan foydalanganlik uchun soliq hamda aksiz solig‘i stavkalari o‘rtacha 10 foizga o‘sishi kutilmoqda.
Mahalla ayollar va bolalarga nisbatan zo‘ravonlik qilganlarni aniqlashda ishtirok etadi
Prezident fuqarolarning o‘zini-o‘zi boshqarish organlari va xotin-qizlarni tazyiq va zo‘ravonlikdan himoya qilish to‘g‘risidagi qonunlarga qo‘shimchalar kiritishga oid qonunni imzoladi. Unga ko‘ra, mahalla ayollar va bolalarga nisbatan zo‘ravonlik qilganlarni aniqlashda ishtirok etadi. Bundan tashqari, endi tazyiq va zo‘ravonlikdan jabrlangan shaxslar bepul davolanadi.
OTB O‘zbekistonda kichik va o‘rta biznesni rivojlantirish uchun $100 mln kredit ajratadi
Osiyo taraqqiyot banki O‘zbekistonda kichik va o‘rta biznes faoliyatini kengaytirish va ular uchun qulay muhitni yaratish maqsadida 100 mln dollar kredit ajratadi. Bunda kredit OTB maxsus dasturining birinchi kichik qismini moliyalashtirishga yo‘naltiriladi va 20 mln dollar ekvivalentidagi mablag‘ so‘mda taqdim etiladi.
Qonunchilik palatasi majlisining jonli efiri 50 daqiqadan kamroq davom etdi
Qonunchilik palatasi majlisining Uzreport TV telekanali orqali uzatilgan jonli efiri 48 daqiqa o‘tib to‘xtatildi. Palata buni kanalda boks bo‘yicha O‘zbekiston chempionati boshlanishi bilan izohladi. Prezident farmoniga asosan 1 dekabrdan quyi palata majlislari MTRK telekanallari va internet orqali jonli efirga uzatilishi kerak.
To’palang HPD Platinum Surxondaryoda $138 mlnlik loyihani tendersiz amalga oshirmoqda
To‘palang suv omboridan Surxondaryo viloyatigacha magistral suv quvurini yotqizish loyihasining qiymati 138 mln dollar deb baholanmoqda. Hukumatning yopiq qarori bilan bosh pudratchi sifatida To’palang HPD Platinum kompaniyasi tanlangan. Kompaniya «O‘zbekgidroenergo» rahbarining o‘g‘li direktori va ta’sischisi bo‘lgan To’palang HPD Holding tarkibiga kiradi.
Endi Toshkentdan Andijonga payshanba kunlari ham poyezd qatnaydi
«Toshkent-Andijon-Toshkent» yo‘nalishida har payshanba kunlari qo‘shimcha poyezd qatnovi yo‘lga qo‘yiladi. Qatnov Toshkent markaziy hamda Andijon temir yo‘l vokzallaridan amalga oshiriladi.
Samarqand aeroporti 10 dekabrdan ochiladi
Samarqand aeroporti 10 dekabrdan yana mintaqaviy va xalqaro reyslarga xizmat ko‘rsatishni boshlaydi. Aeroport majmuasi qurilishi esa hanuz davom etmoqda.
Bosh prokuraturaning yana bir boshqarma boshlig‘i o‘rinbosari pora olganlikda gumon qilinmoqda
Bosh prokuraturaning yana bir boshqarma boshlig‘ining o‘rinbosari fuqaroning jinoiy ishini tugatib berishni va’da qilib, undan 3 ming dollar pora olgani aytilmoqda. Unga nisbatan firibgarlik va pora berish moddalari bilan jinoyat ishi qo‘zg‘atildi. Bundan avval ham boshqa bir boshqarma boshlig‘i o‘rinbosari pora olgani aytilgandi.
Qo‘shimcha imkoniyatlarga ega bulish uchun saytda ro‘yxatdan o‘ting