O‘zbekiston 10 ta davlat bilan xalqaro aviaqatnovlarni to‘xtatdi
Koronavirusning yangi «omikron» shtammi O‘zbekistonga kirib kelishining oldini olish uchun Janubiy Afrika Respublikasi, Botsvana, Namibiya, Zimbabve, Mozambik, Madagaskar, Lesoto, Esvatini, Tanzaniya va Gonkong xalqaro aviaqatnovlar to‘xtatildi. Mazkur davlat fuqarolari va so‘nggi 2 hafta ichida ushbu davlatlarda bo‘lganlar O‘zbekiston hududiga kiritilmaydi.
1-martdan boshlab haydovchilik guvohnomasi o‘rniga pasport ham o‘tadi
Haydovchilarning yonida pasport (ID-karta) mavjud bo‘lgan taqdirda, ulardan haydovchilik guvohnomasi, texpasport, ishonchnoma va sug‘urta polisini olib yurish talab etilmaydi. O‘zgartishlar 3 oydan keyin — 1-martdan kuchga kiradi.
Noyabr oyida inflyatsiya 1,2%ni tashkil qildi
Noyabr oyida inflyatsiya 1,2%ni tashkil qildi. Oziq-ovqat mahsulotlari oy davomida 1,9% ga, nooziq-ovqat mahsulotlari 0,8% ga, aholiga pullik xizmatlar narxlari 0,5% ga qimmatlashdi.
Ukraina fuqarosi moliyaviy piramida yaratganlikda gumonlanib, hisbga olindi
IIV huzuridagi Tergov departamenti Ukraina fuqarosi asos solgan Golden cash store xorijiy korxonasini moliyaviy piramida tashkil etganlikda ayblamoqda. Tergovga ko‘ra, gumondor oltin va kumush mahsulotlarni ishlab chiqarishga sarmoya kiritish orqali uning sotuvidan yillik 260 foiz daromad ko‘rishni taklif qilgan. Foizlar esa yangi mijozlar hisobidan to‘lab berilgan.
O‘zbekistonliklarga «Umra» safarini ado etishga ruxsat berilishi kutilmoqda
Shu kunlarda O‘zbekiston fuqarolariga «Umra» safarini ado etishga ruxsat berilishi kutilmoqda. Ushbu masalani hal etish uchun muftiy Nuriddin Xoliqnazarov boshchiligidagi delegatsiya Saudiya Arabistoniga jo‘nab ketdi.
Valyutani noqonuniy sotib olish va sotganlik uchun jazo yumshatildi
O‘zbekistonda valyuta boyliklarini noqonuniy ravishda sotib olish yoki o‘tkazish uchun belgilangan jazo choralari yumshatildi.
Haydovchilarga quloqchin yoki bluetooth orqali telefondan foydalanishga ruxsat etildi
O‘zbekistonda haydovchilarga harakat vaqtida quloqchin va qo‘l ishlatmasdan muloqot olib borish imkonini beruvchi boshqa qurilmalar orqali telefondan foydalanishga ruxsat berildi. O‘zgarishlar 1 dekabrdan kuchga kirdi.
5 yilda 21 ta yirik GES quriladi, yangi mini GESlar ham paydo bo‘ladi
2022−2026 yillarda 740 MVt quvvatga ega 21 ta yirik GES loyihalarini amalga oshirish rejalashtirilmoqda. Qishloqlarni elektr energiya bilan ta’minlash uchun esa 22 ta maydonda 5 MVtlik mini GESlarni qurish ko‘zda tutilgan.
Jahon yangiliklari dayjesti
Ukraina bosh vazirining Rossiyani davlat to‘ntarishiga tayyorgarlik ko‘rishda ayblagani, Turkiyada Fathulloh Gyulenning 137 nafar tarafdori hibsga olingani, Barbadosning respublikaga aylangani, Qozog‘iston 6 oy muddatga qoramol eksportini cheklagani va boshqa yangiliklar — «Gazeta.uz»ning jahon yangiliklari dayjestida.
30 noyabr kuni O‘zbekistonda sodir bo‘lgan eng muhim xabarlar dayjesti
Milliy gvardiyaning qonun va tartibni himoya qilish vakolatlari kengaytirilishi, noyabr-dekabr oylarida yetkazib berilishi kutilgan UzAuto Motors avtomobillari 2 oyga kechikishi, Adliya vazirligi Rasul Kusherbayevni “qora bozor"dan valyuta ayirboshlaganini qoralashi — “Gazeta.uz"ning 30 noyabrdagi eng muhim xabarlari dayjestida.
Qoraqalpog‘iston qo‘riqxonasida uch kun davom etgan yong‘in 35 gektar o‘rmonga zarar yetkazdi
27 noyabr kuni Qoraqalpog‘istonning quyi Amudaryo biosfera rezervatida boshlangan o‘rmon yong‘inlari 30 noyabrning tongiga kelib to‘liq o‘chirildi. Dastlabki ma’lumotlarga ko‘ra, o‘rmonning 30−35 gektar maydoni zarar ko‘rgan. Yong‘in boshlangan hududda chodirlar o‘rnatilgani ma’lum qilindi.
Toshkentda BMT Ayollar qo‘mitasining vakolatxonasi ochilishi mumkin
Mass-media fondi Vasiylik kengashi raisi o‘rinbosari Saida Mirziyoyeva BMT Ayollar qo‘mitasining Yevropa va Markaziy Osiyo bo‘yicha mintaqaviy direktori Aliya Al-Yosir bilan uchrashdi. Unda Toshkentda BMT Ayollar qo‘mitasining vakolatxonasi ochish taklifi ilgari surildi.
Dollarning rasmiy kursi pasaydi
Dollarning so‘mga nisbatan rasmiy kursi 8,05 so‘mga ko‘tarilib, 10 778,98 so‘m etib belgilandi. Shuningdek, yevro va rubl kurslari esa ko‘tarildi.
O‘zbekistonda uchta quyosh elektr stansiyasini qurishga 15 ta xalqaro kompaniya qiziqish bildirdi
Energetika vazirligi uchta quyosh fotoelektr stansiyasini qurish bo‘yicha tenderning ilk bosqichida 15 ta xalqaro kompaniyadan ariza kelib tushganini ma’lum qildi. Loyiha Namangan, Buxoro va Xorazm viloyatlarida umumiy quvvati 500 MVtgacha bo‘lgan stansiyalarni qurishni nazarda tutadi.
Noyabr-dekabr oylarida yetkazib berilishi kutilgan UzAuto Motors avtomobillari 2 oyga kechikadi
UzAuto Motors kompaniyasi noyabr-dekabr oylarida avtomobili yetkazib berilishini kutayotgan xaridorlarga transport vositalari 2 oydan keyin berilishini ma’lum qildi. Bunga sabab sifatida butlovchi qismlar yetishmovchiligi hamda global logistika muammolari ko‘rsatilgan.
Milliy gvardiyaning qonun va tartibni himoya qilish vakolatlari kengaytirildi
Endilikda Milliy gvardiya ommaviy tadbirlarni o‘tkazishda, shuningdek, jamoat joylarida jamoat tartibini mustaqil ravishda ta’minlaydi. Bundan tashqari, Milliy gvardiya jamoat tartibini saqlash sohasida sodir etiladigan ma’muriy huquqbuzarliklar to‘g‘risidagi ishlarni ko‘rib chiqish huquqini olishi mumkin.
1−2 dekabr kunlari havo harorati ko‘tarilishi va ayrim hududlarda changli bo‘ron kuzatilishi mumkin
O‘zgidromet xabariga ko‘ra, 1−2 dekabr kunlari O‘zbekiston hududiga Eron hududlaridan juda iliq va quruq havo kirib kelishi kutilmoqda. Respublika bo‘yicha shamol 17−22 m/s gacha, ba’zi joylarda 25−28 m/s gacha kuchayishi mumkin. Ayrim viloyat va tumanlarda changli bo‘ron hamda chang g‘uborlar ko‘tarilishi kuzatilishi aytildi.
Fuqarolardan Janubiy Koreya va Avstraliya davlatlariga yuborish evaziga pul talab qilgan shaslar qo‘lga olindi
Farg‘ona va Buxoro viloyatlarida fuqarolarning ishonchiga kirib, ularni Janubiy Koreya va Avstraliya davlatlariga yuborishni va’da qilgan va buning evaziga pul talab qilgan shaslar qo‘lga olindi. Ularga nisbatan firibgarlik moddasi bilan jinoiy ish qo‘zg‘atildi.
UzAuto Motors Captiva 5 avtomobili uchun to‘lovlar qaytarilishi bo‘yicha izoh berdi
UzAuto Motors kompaniyasi xabariga ko‘ra, hozirgacha Captiva 5 avtomobili uchun jami 461 ta shartnoma puli to‘langan bo‘lib, 207 nafar xaridor ushbu avtomobil o‘rniga boshqa transport vaositasini olishga, 161 nafari esa to‘langan mablag‘ni qaytarilishiga qaror qilgan. Shuningdek, 41 nafar mijoz kechadan boshlab kompensatsiya sifatida taqdim etilgan 5 foizlik to‘lov summasini olgan.
Adliya vazirligi Rasul Kusherbayevni «qora bozor»dan valyuta ayirboshlaganini qoraladi
Adliya vazirligi deputat Rasul Kusherbayevning valyutani bila turib «qora bozor»dan ayirboshlaganini amaldagi qonunlarni buzishga qaratilgan namoyishkorona harakat deb baholadi. «Rasul Kusherbayevning shaxsiy o‘rnak sifatida qonunlarni buzish orqali muammoni hal etish usulini tanlagani, shu orqali huquqiy nigilizmni targ‘ib qilishga olib kelayotganini oqlab bo‘lmaydi», — deyiladi xabarda. Vazirlik ushbu muammo mavjudligini tan olgan, biroq uni birgalikda hal qilishga chorlagan.
Qo‘shimcha imkoniyatlarga ega bulish uchun saytda ro‘yxatdan o‘ting