Toshkentdan Dehliga parvozlar soni ko‘paytiriladi
Uzbekistan Airways 24 dekabrdan Toshkent — Dehli — Toshkent yo‘nalishi bo‘yicha parvozlar haftasiga 2 marotaba amalga oshirilishini ma’lum qildi.
Boks. Isroil Madrimov raqibi Mishel Soroni mag‘lub etdi
Toshkentda o‘tkazilgan professional boks kechasida Isroil Madrimov fransiyalik raqibi Mishel Soroni texnik nokautga uchratdi, biroq hakamning harakatlari tufayli jang yakuni baxslarga sabab bo‘ldi. Bundan tashqari, kechada Iqboljon Xoldorov, Hasanboy Do‘smatov va Elnur Abduraimov o‘z raqiblarini nokautga uchratgan bo‘lsa, Shahram G‘iyosov, Bektemir Meliqo‘ziyev va Dilshodbek Ro‘zmetov ochkolar hisobiga g‘alabaga erishdi.
Odil Ahmedov futboldagi faoliyatini yakunladi
O‘zbekiston milliy terma jamoasida 108 ta o‘yin o‘tkazib, 21 ta gol urishga muvaffaq bo‘lgan Odil Ahmedov futboldagi faoliyatiga yakun yasadi. «Sizlarning ko‘z oldilaringizda butsilarimni mixga ilib, futbolchilik faoliyatimni tugatganimni e’lon qilaman», — dedi u.
Senator Toshkentdagi G‘afur G‘ulom bog‘i bo‘yicha shartnomalar tuzilmaganini ma’lum qildi
Senator Tolibjon Madumarov Toshkentdagi G‘afur G‘ulom bog‘i yuzasidan shartnomalar tuzilmaganini ma’lum qildi. Senator Baxtiyor Sayfullayev esa mazkur masala yuzasidan o‘rganish olib borilishini bildirdi. «Bundan keyin shahar hokimligining obyektlarni investorlarga berilishi bo‘yicha o‘ylab ish qilishini nazoratimizga olamiz», — dedi u.
Qirg‘iziston prezidenti futzal turnirida to‘purar bo‘ldi
Qirg‘iziston futbolining 100 yilligiga bag‘ishlangan futzal bo‘yicha o‘rtoqlik turnirida mamlakat prezidenti Sadir Japarov ham qatnashib, jami 9 ta gol urib, turnir to‘purari bo‘ldi. Biroq davlat rahbarining jamoasi uchinchi o‘rinni qo‘lga kiritdi.
Burger & Lounge restoranida burgerlarni yarim narxga xarid qilish mumkin
Burger & Lounge restoranining yangi filialida 2022 yil 31 yanvargacha ayrim burgerlarni «TOCHKA» promokodi bilan yarim narxga xarid qilish mumkin.
Antimonopoliya qo‘mitasi tadbirkorga tayinlangan 1,75 mlrd so‘mlik qarzdorlikni asossiz deb topdi
Monopoliyaga qarshi kurashish qo‘mitasi «Toshkent ETK» tomonidan DSS kompaniyasiga hisoblangan 1,75 mlrd so‘m qarzdorlikni asossiz deb topib, uni bekor qildi. Ushbu holat bo‘yicha elektr tarmoq korxonasining shikoyati sud tomonidan ko‘rib chiqilib, rad qilingan va qo‘mita qarori o‘z kuchida qolgan.
«Hozirda bozorning ko‘chirilishi haqida hech qanday gap-so‘z yo‘q» — senator «Qo‘yliq» bozori haqida
Senator Tolibjon Madumarov «Qo‘yliq» bozori ko‘chirilishi bo‘yicha hali biror qonuniy asos yo‘qligini hamda bu boradagi shov-shuvlar o‘sha yerdagi bozorchilarning asossiz tashviqoti ekanini ta’kidladi. Avvalroq bozor ko‘chirilishi haqida 2017 yildayoq qaror qilingani aytilgandi.
O‘zbekistonning bir necha hududlarida zilzila sezildi
Toshkent shahri va O‘zbekistonning boshqa hududlarida kuchli bo‘lmagan zilzila sezildi. Uning epitsentri Qirg‘izistonning Botken viloyati hududida bo‘lgan.
Nima tayyorlaymiz: Yangi yil dasturxoni uchun salatlar
«Yangi yil gulchambari», shuba ostidagi seld balig‘i ruleti, «Bayram torti», «Sezar», assorti va steyk bilan tayyorlangan salat — Zira.uz yangi yil dasturxoni uchun salatlar retseptlari ro‘yxatini taqdim etadi.
Davlat statistika qo‘mitasi Orginfo.uz sayti asoschisi ustidan ariza berdi
Dasturchi Boburmirzo Hamroqulov Davlat statistika qo‘mitasining yuridik shaxslar to‘g‘risidagi ochiq ma’lumotlarini o‘z ichiga olgan Orginfo.uz saytini ishlab chiqdi. Davlat organining saytidan farqli ravishda, ushbu sayt kompaniyalarni nomi bo‘yicha qidirish, affillangan shaxslar va boshqa ma’lumotlarni ko‘rish imkonini beradi. Qo‘mita talabiga binoan dasturchiga nisbatan ma’muriy ish qo‘zg‘atildi. «Gazeta.uz» vaziyatni o‘rgandi.
Jahon yangiliklari dayjesti
Yevropa Ittifoqi yetakchilarining Rossiyaga qarshi sanksiyalarni uzaytirishga qaror qilgani, Yaponiyadagi kasalxonada chiqqan yong‘inda 24 kishining halok bo‘lgani, Xitoy AQShni savdo qoidalarini buzganlikda ayblagani, Janubiy Koreya koronavirus tufayli cheklovlarini kuchaytirishi va boshqa yangiliklar — «Gazeta.uz»ning jahon yangiliklari dayjestida.
17 dekabr kuni O‘zbekistonda sodir bo‘lgan eng muhim xabarlar dayjesti
O‘zbekistonga 400 mln ajratgan Jahon banki hamda 162 mln dollar qarz bergan Osiyo taraqqiyot banki, Shavkat Mirziyoyev va Mun Chje In qabul qilgan qo‘shma bayonot, korrupsiyaviy jinoyatni sodir etgan 14 mingdan ortiq mansabdor, narxi arzonlashgan «AI-80» benzini, 2022 yilda kutilayotgan xavf-xatarlar, yangi 50 ming so‘mlik banknotadagi xatoni tan olgan MB va boshqa xabarlar — «Gazeta.uz» ning 17 dekabrdagi eng muhim xabarlari dayjestida.
O‘zbekistonda kapitalizatsiyasiga ko‘ra eng qimmat banklar ma’lum qilindi
Kapitalizatsiyasiga ko‘ra O‘zbekistonning eng qimmat banklari ma’lum qilindi. Trastbank eng qimmat bank deya topildi. Undan keyingi o‘rinlarda O‘zsanoatqurilishbank va Ipoteka-bank qayd etilgan.
Turkiyada O‘zbekiston yoshlari forumi o‘tkaziladi
18 dekabr kuni Istanbulda «O‘zbekiston yoshlari forumi — Turkiya» o‘tkaziladi. Forum ishtirokchilarining loyihalarini yoshlarga doir qabul qilinishi kutilayotgan O‘zbekiston hukumati qarori uchun taklif sifatida kiritish mo‘ljallangan.
Jahon banki O‘zbekistonga bozor iqtisodiyotiga o‘tishni tezlashtirish maqsadida $400 mln kredit ajratadi
Jahon bank O‘zbekiston bozor iqtisodiyotiga o‘tishini tezlashtirish maqsadida 400 mln dollar kredit taqdim etadi. Bunda O‘zbekistonga 30 yildan ortiq muddatga past foizli 250 mln dollarlik imtiyozli kredit, shuningdek, qaytarish muddati 12 yildan ortiq bo‘lgan 150 mln dollar miqdoridagi kredit bozor foiz stavkasida taqdim etiladi.
Dollarning rasmiy kursi pasaydi
Dollarning so‘mga nisbatan rasmiy kursi 18,90 so‘mga pasayib, 10 821,32 so‘m etib belgilandi. Shuningdek, yevro kursi ko‘tarildi, rubl kursi esa pasaydi.
OTB pandemiya davrida Korzinka faoliyatini qo‘llab-quvvatlash uchun $12 mln kredit ajratdi
Osiyo taraqqiyot banki ilk bor davlat kafolatisiz O‘zbekiston qishloq xo‘jaligi va oziq-ovqat sanoati korxonasi — Korzinka supermarketlar tarmog‘iga 12 mln dollar miqdorida kredit ajratdi.
Toshkent viloyati Ekologiya boshqarmasi boshlig‘i ishdan bo‘shatildi
Toshkent viloyatida ekologiya sohasiga oid masalalarni ko‘rib chiqishda tizimli ravishda kamchiliklarga yo‘l qo‘ygani uchun viloyat Ekologiya boshqarmasi boshlig‘i lavozimidan ozod etildi. Qolaversa, murojaatlarni ko‘rib chiqishda sustkashlikka yo‘l qo‘ygani uchun 14 nafar mas’ulga «xayfsan» berildi.
Markaziy bank yangi namunadagi 50 ming so‘mlikda xato borligini tan oldi
Markaziy bank 50 ming so‘mlik banknot namunasining old tomonida «Al-Hakim at-Termiziy» maqbarasi tasviri tushirilgani, ammo maqbara nomi «Abu Iso at-Termiziy» deb yozilganligini tan oldi va befarq bo‘lmagan barchaga minnatdorchilik bildirdi. MB ushbu yangi ko‘rinishdagi pullar emissiya qilinmagani, hozirda xatolik bartaraf etilayotganini qo‘shimcha qildi.
Qo‘shimcha imkoniyatlarga ega bulish uchun saytda ro‘yxatdan o‘ting