TBC Bank aksiya bo‘yicha kvartira yutib olgan ayol haqida gapirib berdi
Muiba Ergasheva TBC Bank «Orzudagi kvartira» aksiyasida ishtirok etib, Toshkentda uch xonali kvartira yutib oldi. Ushbu yutuq haqida TBC Bank va g‘olibning o‘zi aytib berdi.
«Yana bilvosita ota-ona aybdormi?». Toshkentda 12 yoshli qizning o‘ldirilganiga jamoatchilik munosabatlari
Toshkentda bedarak yo‘qolgan 12 yoshli qiz murdasi jinsiy zo‘rlash belgilari bilan topilgani odamlarni junbishga keltirdi. Jamoatchilik bunday jinoyatlar uchun jazo kuchaytirilishi lozim, degan fikrda. Ayni vaqtda, faollar «bolaning xavfsizligini ota-onaning bo‘yniga yuklashni mas’uliyatsizlik» deb baholamoqda.
Angliyada o‘qituvchilarning so‘nggi 10 yildagi eng yirik ish tashlashi kuzatildi
1 fevral kuni Angliyadagi maktablarning yarmidan ko‘pida davomat pasayib ketdi yoki o‘qituvchilarning ish tashlashi davomida yopildi. 200 mingdan ortiq ta’lim xodimlari mehnat sharoitlarini yaxshilash va maoshlarni oshirishni talab qilib, ko‘chalarga chiqdi.
Nukusdagi portlashda halok bo‘lgan marhuma — Nurzada Utambetova
«Gazeta.uz» qutqaruv ishlari davomida Nukusdagi uy vayronalari ostidan jasadi topilgan yana bir insonning shaxsiga aniqlik kiritdi. U Nurzada Utambetova bo‘lib, uzoq yillar «Hududiy elektr tarmoqlari» kompaniyasining Qoraqalpog‘istondagi filialida faoliyat yuritgan va nafaqaga chiqqan bo‘lgan.
Dauletmurat Tajimuratovning qiynoqlar haqidagi bayonoti tekshirilishi kerak — HRW
Human Rights Watch tashkiloti Dauletmurat Tajimuratovning hibsda qiynoqqa solingani haqidagi da’volari tekshirilishi kerakligini bildirdi. Inson huquqlari tashkiloti, shuningdek, «huquq-tartibot organlari asossiz o‘qotar quroldan foydalangani uchun» hanuz hech kim jazolanmaganini eslatib o‘tdi.
O‘zbekistonda o‘tgan yili qariyb 70 mln dollarlik elektromobil import qilingan
O‘zbekistonga 2022 yilda xorijdan 69,8 million AQSh dollari evaziga 2180 dona elektromobil olib kelingan. Import 2021 yilgiga nisbatan 1371 taga oshgan.
Shimoliy So‘x yerosti gaz saqlash inshooti yana qayta ishga tushirilishi mumkin — prezident
Shavkat Mirziyoyev bir vaqtlar yopilgan, hajmi 2,5−3 mlrd kub metr bo‘lgan Shimoliy So‘x yerosti gaz saqlash inshooti yana qayta ishga tushishini ma’lum qildi. Inshootning asosiy gaz saqlash qismi Qirg‘izistonda, kompressorlar esa O‘zbekiston hududida. Inshootdan umumiy foydalanish borasida muzokaralar olib boriladi.
Uzbekistan Airways Rossiyaga parvozlar sonini ko‘paytirmoqda
Uzbekistan Airways Express 26-martdan Toshkent-Omsk, 28-martdan Toshkent-Nijniy Novgorod, 27-martdan Namangan-Orenburg hamda 31-martdan Namangan-Nijnevartovsk yo‘nalishi bo‘yicha yangi qatnovlarni yo‘lga qo‘yadi.
«Qizil kitob»ga kiritilgan saqoqushni o‘ldirganlarga qonuniy chora ko‘riladi — Tabiat resurslari vazirligi
Jizzax viloyati Arnasoy tumanidagi ko‘lda «Qizil kitob»ga kiritilgan saqoqushni tutib, o‘ldirgan shaxsning ma’lumotlari qonuniy chora ko‘rish uchun prokuraturaga yuborildi. U «Hayvonot dunyosini muhofaza qilish va undan foydalanish to‘g‘risida»gi va «Ov qilish to‘g‘risida»gi qonunlarni buzgan.
«Hammani larzaga keltirdi». Senator Toshkentda vafot etgan 12 yoshli qiz voqeasiga munosabat bildirdi
Senator Gulnora Marufova Yangihayotda murdasi zo‘rlik va qotillik alomatlari bilan topilgan 12 yoshli qiz voqeasiga munosabat bildirdi. Uning so‘zlariga ko‘ra, normal holatdagi odam bu qotillikni, albatta, qoralaydi. «Qizchaning ota-onasiga ham to‘zim bersin, bu juda og‘ir holat», — dedi Marufova.
Banklarda dollar kursi ikki kunlik tushishdan so‘ng yana ko‘tarildi
Tijorat banklari 2 fevral kuni aholidan 1 AQSh dollarini 11 215 — 11 305 so‘mdan sotib olmoqda, sotish kursi esa aksariyat banklarda 11 340 so‘m.
Olmaota va Al-Kuvaytdan Samarqandga to‘g‘ridan-to‘g‘ri reyslar yo‘lga qo‘yiladi
FlyArystan aviakompaniyasi 18 martdan Olmaotadan Samarqandga parvozlarni tiklaydi. Jazeera Airways aviakompaniyasi esa Al-Kuvayt va Samarqandni 15 fevraldan to‘g‘ridan-to‘g‘ri reyslar bilan bog‘laydi.
AQSh O‘zbekiston fuqarosiga qarshi sanksiyalar kiritdi
AQSh Moliya vazirligi sanksiyalariga tushgan 10 nafar shaxs ro‘yxatida O‘zbekiston fuqarosi Maks Piflaks ham bor. U «Rossiya harbiy-sanoat kompleksini qo‘llab-quvvatlash bo‘yicha cheklovlardan qochayotgan» shaxs sifatida qayd etilgan.
DXX Samarqandda 10 kg giyohvand moddalarning noqonuniy aylanmasiga chek qo‘ydi
Samarqandda fuqaro 2 kg opiy giyohvandlik moddasini sotayotgan vaqtda qo‘lga olindi. Uning xonadoni tekshirilganda yana 8 kg shunday modda topildi. Holat yuzasidan jinoyat ishi qo‘zg‘atilib, tergov olib borilmoqda.
O‘zbekistonda erta turmush va erta tug‘ruq masalasi dolzarbligicha qolayotgani aytildi
«Oila va xotin-qizlar» ilmiy-tadqiqot instituti direktori Nodira Egamberdiyevaga ko‘ra, O‘zbekistonda erta turmush haligacha dolzarb muammo bo‘lib qolmoqda. Ba’zan 18 yoshga to‘lmaganlar o‘rtasida tug‘ruq holatlari ham kuzatilmoqda. «Bu muammolarni o‘rgandik va hududlarga mos rejalar ishlab chiqdik», — dedi u.
1 fevral kuni O‘zbekistonda sodir bo‘lgan eng muhim xabarlar dayjesti
Yangihayotda o‘ldirib ketilgan 12 yoshli qiz, ota-onalarga bolalarini maktabdan o‘zlari olib ketishini so‘ragan Oila boshqarmasi, Afg‘onistonga temir yo‘l qatnovi vaqtincha to‘xtatilgani, «zapravka»lar ochilishi,Kusherbayevga yangi tayinlov, onlayn maktab shahodatnomasi va boshqalar — «Gazeta.uz»ning kun dayjestida.
Xotin-qizlarga jinsiy zo‘ravonlik holatlari kamaygan, ammo ruhiy va iqtisodiy zo‘ravonlik ortmoqda — senator
Senator Gulnora Marufova O‘zbekistonda xotin-qizlarga nisbatan jinsiy zo‘ravonlik holatlari kamaygani, ammo ruhiy va iqtisodiy zo‘ravonlik ortganini ma’lum qildi. «Bunda, albatta, qonun bo‘yicha ishlar olib borilyapti, jamiyatimiz ham befarq bo‘lmay, nafrat bilan munosabat bildiryapti», — dedi u.
Prezident — O‘zbekistonda muqobil energiyadan foydalanishni qanday oshirishi haqida
Shavkat Mirziyoyev energiya resurslari taqchilligi sharoitida qayta tiklanadigan energiya manbalaridan foydalanishni ko‘paytirish bo‘yicha takliflarni sanab o‘tdi. Davlat aholidan elektr energiyasini bir kVt/soatiga 1000 so‘mdan sotib olishni boshlaydi, issiqxonalar va g‘isht zavodlarini ko‘mirga o‘tkazadi va hokazo.
Rasul Kusherbayev tabiat resurslari vaziri maslahatchisi bo‘ldi
Qonunchilik palatasining sobiq deputati Rasul Kusherbayev O‘zbekiston Tabiat resurslari vazirligida ish boshladi. U vazir Aziz Abduhakimovning maslahatchisi bo‘ladi. Bu lavozim unga prezident administratsiyasi tomonidan taklif qilingan.
«Adolatsiz hukm chiqarildi» — Dauletmurat Tajimuratovning ukasi
Nukus voqealari ishi bo‘yicha 16 yilga qamalgan Dauletmurat Tajimuratovning ukasi Rinat Tajimuratov «Gazeta.uz»ga bergan intervyusida sud ishi va apellyatsiya berish rejalari haqida gapirdi. Uning aytishicha, ayblov «to‘liq yutqazdi», akasining aybi va tashqi kuchlarning ehtimoliy ta’sirini isbotlay olmadi.
Qo‘shimcha imkoniyatlarga ega bulish uchun saytda ro‘yxatdan o‘ting