Jahon yangiliklari dayjesti
Rossiyada Navalniyni qo‘llab-quvvatlash uchun mitinglar, Suriyada prezident saylovlarida ilk bor ayol kishining qatnashayotgani, Apple’dan yangi modellar va boshqa yangiliklar — “Gazeta.uz"ning jahon yangiliklari dayjestida.
5 ta OTM vaqtinchalik masofaviy ta’limga o‘tdi
Samarqand davlat universiteti, Jismoniy tarbiya universiteti, Jahon tillari universiteti, Sharqshunoslik universiteti va Samarqand chet tillar instituti masofaviy ta’lim tizimiga o‘tdi. O‘qituvchi va talabalar orasida COVID-19 infeksiyasi aniqlanmoqda.
Kitobdagi bolalar uyini bir yil avval yopish rejalashtirilgan bo‘lgan
Kitob tumani hokimiyati bolalar yomon sharoitda yashayotgan 5-sonli mehribonlik uyini bir yil avval yopish rejalashtirilganini ma’lum qildi. Xalq ta’limi vaziri Sherzod Shermatov bolalarni boshqa muassasalarga o‘tkazish va bu yerda bolalar shaharchasini tashkil etishni taklif qilgan.
Aholi dasturlar doirasida kredit olish uchun qayerga murojaat qilishi kerak? Qo‘llanma
1 apreldan oilaviy tadbirkorlikni rivojlantirish dasturlari doirasida kredit olish uchun aholi va tadbirkorlar yagona platforma orqali murojaat qilishlari talab etiladi. «Gazeta.uz» obunachilarining ko‘plab murojaatlaridan kelib chiqib, onlayn platforma orqali kreditga ariza to‘ldirishga oid qo‘llanmani ishlab chiqdi.
Yanvar-mart oylarida tashqi savdo hajmi kamaydi
Birinchi chorakda tashqi savdo aylanmasi 2020 yilning shu davriga nisbatan 11,6 foizga kamayib, 7,1 mlrd dollarni tashkil etdi. Eksport chorak baravardan ko‘proqqa kamayib, 2,4 mlrd dollarni, import esa 1,3 foizga kamayib, 4,7 mlrd dollarni tashkil etdi.
Garvard universiteti talabasiga aylangan o‘zbek qizining hikoyasi
O‘zbekistonlik Aziza Izamova fevral oyida san’at va arxitektura tarixi yo‘nalishi bo‘yicha doktorantura qilish uchun Garvard universitetiga qabul qilindi. Aziza o‘qishga hujjat topshirish jarayoni qanday kechgani, o‘qishga topshirishda nimaga e’tibor bergani, tadqiqot sohasini qanday tanlagani va kelajakdagi rejalari haqida gapirib berdi. «G‘arb akademik doiralariga Markaziy Osiyosi haqida ko‘proq bilim olib kelib, O‘zbekistondagi tadqiqot sohasini boyitmoqchiman», — deydi u.
Ichki ishlar vaziriga yangi o‘rinbosarlar tayinlandi
Azizbek Ikramov Ichki ishlar vazirining o‘rinbosari — kadrlar bilan ishlash departamenti boshlig‘i lavozimiga tayinlandi. Milliy gvardiya qo‘mondonining birinchi o‘rinbosari B.Abdullayev IIV jamoat xavfsizligi departamenti boshlig‘i, vazir o‘rinbosari etib tayinlandi.
Dollarning rasmiy kursi ketma-ket yettinchi bor ko‘tarilmoqda
Dollarning rasmiy kursi 14,25 so‘mga qimmatladi va jami 10 552,01 so‘m etib belgilandi. Shuningdek, yevro va rubl kurslari biroz pasaydi.
Namanganda yuk mashinasi haydovchisi piyodani urib yuborib, voqea joyidan yashirindi
Namangan viloyatida MAN avtomashinasi haydovchisi piyodani urib yuborib, voqea joyidan yashiringan. Jabrlanuvchi vafot etdi.
Xorazmda «samosud» uyushtirgan ayollarga jazo tayinlandi
Xorazm viloyati Qo‘shko‘pir tumani «Oqdarband» qishlog‘i hududida to‘rt ayol ulardan birining oilali o‘g‘li bilan yashab kelayotgan boshqa bir ayolning kiyimlarini yirtib, qaychi bilan sochlarini kesib «samosud» uyushtirgan edi. Ularga jazo tayinlandi.
Talabalarga ijara to‘lovining 50 foizi — BHMning 1 baravaridan oshmagan taqdirda qoplanadi
Talabalarga ijara to‘lovining 50 foizini davlat tomonidan qoplab berish tartibiga oid prezident farmoni qabul qilindi. Unga ko‘ra, ijara to‘lovining qoplab beriladigan qismi Toshkent shahrida — BHMning 1 baravaridan, boshqa hududlarda 0,5 baravaridan oshmasligi kerak.
Qo‘y podasini olib ketayotgan yuk mashinasi ag‘darildi
Jizzax viloyatining Paxtakor tumanida qo‘ylarni olib ketayotgan yuk mashinasi ag‘darilib ketdi. Qutqaruvchilar mashinadan 130 bosh zotdor qo‘yni qutqara olishgan, hayvonlarning bir qismi nobud bo‘lgan. Mashina haydovchisi jabrlanmagan.
Paxtachi tumanida fizika-matematikaga ixtisoslashgan maktab tashkil etiladi
Prezident Shavkat Mirziyoyev o‘tgan haftada Samarqandga tashrifi chog‘ida Paxtachi tumanida fizika-matematikaga ixtisoslashgan maktab tashkil etish bo‘yicha topshiriq bergan edi. Xalq ta’limi vaziri Sherzod Shermatov mazkur tumanga borib, mavjud imkoniyatlarni o‘rgandi. Maktab sobiq Paxtachi avtomobil va yo‘llar kasb-hunar kolleji o‘rnida tashkil etiladi.
«Ro‘zalarni tutib, davolanib yotibdilar» — Otabek Umarovning sog‘lig‘i haqida ma’lumot berildi
Sportchi Murod Xonto‘rayev prezidentning kuyovi Otabek Umarov haqidagi turli xabarlarga ishonmaslikni va hozirda uning salomatligi yaxshi ekanligini aytdi. «Kayfiyatlari zo‘r. Lecheniye olib, Ramazonni o‘tkazib keladilar», — dedi u.
Superliga rasman to‘xtatildi. Bunga ingliz klublari musobaqadan chiqib ketgani sabab bo‘ldi
Angliyaning «Chelsi», «Arsenal», «Liverpul», «Manchester Yunayted», «Manchester Siti» va «Tottenxem» klublari Superligada qatnashishdan bosh tortgandan keyin musobaqa rasman to‘xtatildi. Keyinroq loyiha qaytadan ko‘rib chiqilishi ma’lum qilindi.
Qaynonasi, homilador xotini va ikki nafar bolani o‘ldirgan shaxs umrbod qamaldi
Yakkabog‘da 30 yoshli erkak xotini, qaynonasi va ikki nafar yosh bolani pichoqlab o‘ldirgan edi. Mazkur shaxsga umrbod ozodlikdan mahrum qilish jazosi tayinlandi.
Sobiq politsiyachi Derek Shovin Jorj Floydning o‘limida aybdor deb topildi
Sobiq politsiyachi Derek Shovin afroamerikalik Jorj Floydni o‘ldirishda aybdor deb topildi. Uning o‘limi AQSHda irqchilikka qarshi noroziliklarni keltirib chiqargan edi. Shovinga 40 yilgacha qamoq jazosi tayinlanishi mumkin.
“Bir tilni barcha uchun majburiy “xalq tili"ga aylantirishdan tiyilaylik” — Rasul Kusherbayev
“Milliy tiklanish” fraksiyasi raisi Alisher Qodirov davlat tili to‘g‘risidagi qonun loyihasi hech qaysi millat vakilini kamsitmasligini, “lekin bu mehribonlik o‘zimizni kamsitish hisobiga bo‘lmasligi kerak"ligini ta’kidladi. Deputat Rasul Kusherbayev masala faqatgina davlat tilida ish yuritish haqida ketayotganligini eslatdi. “Ko‘p millatli mamlakatda davlat tili masalasini faqat qaysidir millat taqdiri bilan bog‘layverish noto‘g‘ri”, — deydi u.
O‘zbekiston futzal terma jamoasi Jahon chempionatida ishtirok etadi
O‘zbekiston futzal terma jamoasi Litvadagi jahon chempionatiga yo‘llanma oldi. Jahon chempionati 2021 yil 12 sentyabr — 3 oktyabr kunlari Litva mamlakatida bo‘lib o‘tadi.
Allamjonov OAV faoliyati bilan shug‘ullanuvchi biznesga bosim haqida fikr bildirdi
«Nomi matbuot bo‘lgani, uning ustiga minib olsa ham bo‘ladi degani emas», — deb yozdi Komil Allamjonov. Davlat idorasi xodimlarining OAV faoliyati bilan shug‘ullanuvchi tadbirkorlarga bosim o‘tkazishi noqonuniy, deya ta’kidladi u.
Qo‘shimcha imkoniyatlarga ega bulish uchun saytda ro‘yxatdan o‘ting