Toshkentda elektrobus haydovchilari quvvatlashdagi muammolardan shikoyat qilmoqda
Internetda elektrobus haydovchilarining mashinalarni quvvatlashdagi muammolardan shikoyat qilgan videomurojaati tarqaldi. Ularning so‘zlariga ko‘ra, kechikishlar tufayli rejani bajarib bo‘lmayapti, shuningdek, harakat muntazamligi buzilgan.
Yoshlar ishlari agentligi volontyorlik sohasida maxsus vakolatli organ etib belgilandi
Prezident Yoshlar ishlari agentligini volontyorlik sohasidagi maxsus vakolatli organ etib belgilashni nazarda tutuvchi qonunni imzoladi. Tashkilot sohada normativ-huquqiy hujjatlar loyihalarini ishlab chiqadi, shuningdek, qonunchilikni takomillashtirish bo‘yicha takliflar kiritadi.
“Yunusobod” va “Turkiston” metro bekatlari 4 oyga yopiladi
Toshkent metropolitenining “Yunusobod” va “Turkiston” bekatlari 26-avgustdan boshlab 4 oyga profilaktik ishlar sababli yopiladi. Bekatlar o‘rtasida bepul harakatlanadigan avtobuslar qatnovi amalga oshiriladi.
O‘zbekistondan Ukrainaga 10,5 tonna gumanitar yordam jo‘natildi
O‘zbekistondagi jamoat tashkilotlari va o‘zbek ishbilarmonlari tomonidan yig‘ilgan 10,5 tonna gumanitar yuk Ukrainaga yetkazildi. Ulardan kiyim-kechak hamda tibbiy buyumlar o‘rin olgan. Avvalroq Ukrainadan dam olish va reabilitatsiya uchun 45 nafar boladan iborat guruh Toshkentga yetib kelgandi.
Xitoyda qayd etilgan o‘lat O‘zbekistonga xavf solmaydi — Sanepidqo‘mita
Xitoyning shimoliy qismidagi Ichki Mo‘g‘uliston hududida bubonli o‘latga chalinish holatlari aniqlandi. O‘zbekiston Sanitariya-epidemiologiya qo‘mitasi kasallik mamlakatga xavf solmasligi va xavotirga o‘rin yo‘qligini bildirdi. 50 dan ortiq chegara kesib o‘tish joylarida sanitariya punktlari tashkil etilgan.
Nima tayyorlaymiz: Avokadodan yeguliklar
Avokadoli salat, vegan sendvichlar, guakamole, sushi tort, avokado hamda tuxumli tost va boshqalar — Zira.uz o‘zbek oshxonasida kam uchraydigan avokadodan turli salat va yeguliklarni tayyorlab ko‘rdi. Avokado O‘zbekistonda juda mashhur bo‘lmasa-da, uning etida ko‘plab vitamin va minerallar bor.
Qamashi tumaniga hokim tayinlandi
“Qashqadaryo suv ta’minoti” MCHJ direktori lavozimida ishlab kelgan Xurshid Usmonov Qamashi tumani hokimi etib tayinlandi.
Shifoxonada hamkasblarini kaltaklagan hamshira bir yil muddatga qamaldi
Samarqand viloyatining Payariq tumanida ikki hamkasbiga hujum qilgan tibbiyot xodimi bir yil muddatga ozodlikdan mahrum etildi.
18-avgust kuni O‘zbekistonda sodir bo‘lgan eng muhim voqealar dayjesti
Shavkat Mirziyoyevning tadbirkorlar bilan ochiq muloqotidan muhim yangiliklar, bekor qilingan Tax Gap amaliyoti, Afg‘oniston orqali o‘tadigan temiryo‘l haqida gapirgan Mirziyoyev, Qibray tumanidagi rahbarlarni yoppasiga ishdan olgan Zoyir Mirzayev va boshqalar — “Gazeta.uz"ning kun dayjestida.
Paxta xomashyosi narxlaridagi farq tufayli klasterlar 6 trln so‘m zarar ko‘rdi — prezident
2022-yilda paxta xomashyosining ichki va jahon narxlari o‘rtasidagi katta farq tufayli O‘zbekiston klasterlari 6 trln so‘m zarar ko‘rdi, dedi prezident. Davlat rahbari qo‘llab-quvvatlash choralarini ma’lum qildi.
“Ularga 40 mln dollar to‘lashga imkonimiz yo‘q”. Sadir Japarov — Issiqko‘ldagi pansionatlar O‘zbekistonga berilish haqida
Qirg‘iziston prezidenti Sadir Japarov mamlakat Issiqko‘ldagi pansionatlarni milliylashtirish evaziga O‘zbekistonga 40 mln dollar tovon puli to‘lay olmasligini, shu bois tomonlar uni ijaraga berishga kelishib olganini aytdi. “Yaqin 15−20 yil ichida ularni modernizatsiya qilishga sarmoya kirita olmaymiz”, — dedi u.
O‘zbekiston prezidenti amaliy tashrif bilan Vengriyaga boradi
O‘zbekiston prezidenti Shavkat Mirziyoyev 19−20-avgust kunlari amaliy tashrif bilan Vengriyada bo‘ladi. U faxriy mehmon sifatida Vengriya davlat bayrami — avliyo Ishtvan kuni tadbirlarida qatnashib, Budapeshtda o‘tayotgan yengil atletika bo‘yicha JCH yugurish musobaqalari finaliga tashrif buyuradi.
So‘nggi haftalarda COVID-19 bilan kasallanish ortmoqda — JSST
JSST ma’lumotlariga ko‘ra, 17-iyuldan 13-avgustgacha dunyoda COVID-19 bilan kasallanish holatlari 63 foizga oshgan. Tashkilot virusni “jiddiy tahdid” deb hisoblashda davom etmoqda va mamlakatlarni kasallikka qarshi kurashish uchun “o‘rnatilgan infratuzilmani demontaj qilmaslikka” chaqirmoqda.
Jo Bayden Shavkat Mirziyoyevni AQShda o‘tadigan birinchi “C5+1” sammitiga taklif qildi
AQSh prezidenti Jo Bayden O‘zbekiston prezidenti Shavkat Mirziyoyevni “Markaziy Osiyo — AQSh” (“C5+1”) formatidagi birinchi sammitga taklif qildi. U sentabr oyi oxirida Nyu-Yorkda BMT Bosh Assambleyasi sessiyasining ochilish kunlarida o‘tkazilishi rejalashtirilgan.
O‘zbekistondagi ko‘chmas mulk tarixini endi onlayn tarzda tekshirish mumkin
Ko‘chmas mulk tarixi to‘g‘risidagi ma’lumotlarni taqdim etish davlat xizmatidan endilikda DXMlar, YAIDXP yoki davreestr.uz sayti orqali foydalanish mumkin bo‘ladi. Xizmat narxi — BHMning 0,5 baravari.
Biznesga qarshi moliyaviy sanksiyalar ko‘rib chiqiladi, eskirgan hisobotlar bekor qilinadi — prezident
O‘zbekistonda jarimalar tadbirkorlar faoliyatini to‘xtatib qo‘ymasligi uchun ularga qo‘yilgan barcha moliyaviy sanksiyalar qayta ko‘rib chiqiladi, dedi prezident. Tadbirkor va soliq organlari o‘rtasidagi nizolar faqat ma’muriy sudda ko‘rib chiqiladi, 2024-yildan takroriy va eskirgan hisobotlar bekor qilinadi.
“Soliq to‘lamagan tadbirkorlar bizga do‘st emas” — Shavkat Mirziyoyev
Prezident O‘zbekistonda “xufiyona iqtisodiyot” ulushini 40 foizdan ortiq deb baholadi. Bu ko‘rsatkichni kamaytirish uchun tadbirkorlarni halol va ochiq ishlashga chaqirdi. “Soliq to‘lamaydigan tadbirkorlar bizga do‘st emas, u ham iqtisodiyotimizga, ham bizga dushman”, — dedi u.
“Dok-1 Maks” ishi: advokatlar yana jurnalistlarni suddan chiqarib yuborishni talab qildi
Hindistonning Marion Biotech kompaniyasi dorilarini iste’mol qilish oqibatida vafot etgan 65 bolaning o‘limi bo‘yicha navbatdagi sud majlisida advokatlar yana jurnalistlarni zaldan chiqarib yuborishni talab qildi. Sudya jarayonni noto‘g‘ri yoritayotgan jurnalistlar emas, turli Telegram kanallari ekanini aytdi.
Tadbirkorlardan kameral nazoratda hujjat taqdim etishi va soliq idorasiga borishi talab etilmaydigan bo‘ldi
Prezident kameral nazorat to‘laqonli soliq tekshiruviga aylanib ketganini bildirdi. Endilikda nazorat vaqtida tadbirkordan qo‘shimcha hujjatlar talab qilish yoki uni soliq idorasiga chaqirish taqiqlanadi. Tadbirkorlar soliq organlari xodimlari ishini yangi platforma orqali baholaydi, — dedi davlat rahbari.
Prezident: Tax Gap amaliyoti va QQS guvohnomasini to‘xtatib turish bekor qilinadi
Prezident 1-oktabrdan QQSni qaytarishda soliq uzilishi koeffitsiyenti (tax gap) bekor qilinishini bildirdi, so‘rovda qatnashgan tadbirkorlarning 70 foizi buni adolatsiz deb hisoblaydi. “Kudbiyev, bu senga va tizimingga baho”, — dedi u. QQS guvohnomasining amal qilishini to‘xtatib turish ham bekor qilinadi.
Qo‘shimcha imkoniyatlarga ega bulish uchun saytda ro‘yxatdan o‘ting