«Martgacha yaxshi ishlayotgandi». Yangilangan Soliq mobil ilovasida texnik kamchiliklar kuzatilmoqda
Yangilangan Soliq mobil ilovasida texnik kamchiliklar, jumladan, keshbekni ro‘yxatdan o‘tkazish, tasdiqlash, uni yechib olish va kartani kiritishda muammolar kuzatila boshladi. Buni bir qancha iste’molchilar qayd etishdi, shu jumladan, «Gazeta.uz» ham bu kabi qiyinchiliklar mavjudligini aniqladi. Davlat soliq qo‘mitasi mazkur holatni «foydalanuvchilar sonining oshishi bilan ayrim holatlarda texnik kamchiliklar kuzatilishi mumkin» deya izohladi.
Saylov qonunchiligining buzilishi: Navoiy viloyati hokimi matbuot kotibi deputatlik ham qilmoqda
Navoiy viloyati hokimi matbuot kotibi hamda Xatirchi tumani hokimi o‘rinbosari bir vaqtning o‘zida xalq deputatlari viloyat kengashida deputat sifatida ham faoliyat yuritmoqda. Saylov qonunchiligiga ko‘ra, ijro hokimiyati vakili bir vaqtning o‘zida deputat sifatida faoliyat ko‘rsatishi mumkin emas. Avvalroq Karmana tumani hokimining birinchi o‘rinbosari va viloyat hokimligi kotibiyat mudiri ham deputatlik qilib kelayotgani haqida ham yozgandik.
ITSV — bosh vazir o‘rinbosari rafiqasi va qaynotasi nomining «Pandora arxivida» keltirilgani haqida
Ofshor kompaniyalar xizmatidan foydalanish bo‘yicha «Pandora arxivi»da bosh vazir o‘rinbosari Sardor Umurzakovning rafiqasi Nodira Umurzakova va qaynotasi Marlen Azizovning ham nomlari borligi ma’lum bo‘ldi. ITSVning bildirishicha, Azizov 1990-yillarning boshidan buyon biznes bilan shug‘ullangan, Umurzoqova esa hech qachon xorijda hech qanday aktiv yoki mulkka egalik qilmagan yoki benefitsiar bo‘lmagan.
Toshkentning qayerida maysazorda dam olish mumkin? — qo‘llanma
Toshkentda chim ustida yurish va maysalar ustida dam olishga haligacha sovetcha ruhda javob beriladi: “Mumkin emas”. Lekin baribir shaharda bunga ruxsat berilgan joylar paydo bo‘lmoqda. “Gazeta.uz” maysa ustida dam olish mumkin bo‘lgan joylarni qidirib, poytaxtni aylanib chiqdi. Biz o‘zimiz bilan mashhur arxitektor Kristofer Aleksandrning “Shablonlar tili” kitobini ham oldik — undagi g‘oyalar rasmiylar odamlarga maysazorda dam olishni nima uchun taqiqlamasligi kerakligini tushunishga yordam beradi.
Daun sindromi bo‘lgan bolalar o‘qiy oladi va mehnat qilish huquqiga ham ega!
Tibbiy-ijtimoiy xizmatlarni rivojlantirish agentligining direktori Alisher Inakov matbuot anjumanida Daun sindromi bo‘lgan bolalar «o‘qiy olmasligini» aytdi. Bunday so‘zlar ota-onalar va jamoatchilik faollari noroziliga sabab bo‘lib, agentlikni ular bilan uchrashuv tashkil qilishiga undadi. «Gazeta.uz» kolumnisti Dilmurod Yusupov mazkur vaziyat yuzasidan bolalarning o‘qishga huquqi va amaldorlar so‘zining kuchi yuzasidan shaxsiy fikrini bildirdi.
O‘zbekistonda oq qog‘oz narxi keskin qimmatlashdi. Sabab — Rossiyada narxlarning oshishi
O‘zbekistonda oq qog‘oz narxi o‘rtacha 2 barobarga oshdi. Bu Rossiya zavodlaridagi oqartirgich importi bilan bog‘liq cheklovlar tufayli qog‘oz narxining oshishi fonida sodir bo‘lmoqda. O‘zbekistonda qog‘oz va karton importining deyarli yarmi Rossiya korxonalariga to‘g‘ri keladi.
Kirill Altman: Qanday qilib futbol muxlisiga aylandim?
O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Jurnalist Kirill Altman “Qanday qilib futbol muxlisiga aylandim?” loyihasi doirasida nega O‘zbekistonda mahalliy klublarga muxlislik qilinmasligi va futbolda oddiy hisobdan ko‘ra nima jozibaliroq ekanligi haqida gapirdi.
O‘zbekiston koinotni o‘rganishga qanday hissa qo‘shgan?
Insonning koinotga birinchi parvozi bundan 61 yil avval amalga oshirilgan. Kosmonavtika kuni munosabati bilan «Gazeta.uz»ning O‘zbekistonning koinotni o‘rganishga qo‘shgan hissasi haqidagi maqolasini eslaymiz. Yutuqlar qatoridan «TAPOiCh»da kosmonavtlarni sinovdan o‘tkazish uchun samolyotlar ishlab chiqarilgani, Toshkent muhandislik byurosida Oy tuprog‘ini Yerga olib tushgan qurilmaning yaratilgani, Oyni tadqiq qilish uchun Toshkentda ishlab chiqilgan asbob-uskunalar Nevich posyolkasida sinovdan o‘tkazilgani kabilar o‘rin olgan.
Bizning OAVlarimiz jim turgan paytda, xorij OAVlari odamlarimiz ongini egallamoqda
Qanday qilib o‘zbekistonliklar ongiga o‘nlab kanallari bor va 500 mlrd so‘mdan ko‘proq budjetga ega Milliy teleradiokompaniya emas, xorijiy mamlakat telekanallari ta’sir ko‘rsatadigan bo‘ldi? Komil Jalilov maqolasi.
Amir Temur va temuriylar qabrining ochilishi tarixi — video
1941-yilning 16−22-iyun kunlarida Sovet Ittifoqi hukumati qarori bilan Go‘ri Amir maqbarasidagi Temuriylar sulolasi qabrlari ochiladi. Ekspeditsiya davomida Amir Temur, uning o‘g‘illari va nabiralarining jasadlari o‘rganilgan. Tadqiqot natijasida antropolog Mixail Gerasimov Amir Temur qiyofasini yaratadi.
Ayollardan iborat qo‘shinlar, tutingan o‘g‘il, «begunoh» sarbador — Amir Temur hayoti haqidagi qiziqarli tarixiy faktlar
Insoniyat tarixida eng katta imperiyalardan biri (qariyb 4,4 mln kv km maydon) — Temuriylar imperiyasi asoschisi Amir Temur 9 aprel kuni 686 yoshga kirdi. «Gazeta.uz» uning hayoti va harbiy yurishlari bo‘yicha tarixiy ahamiyatga ega ma’lumotlarni to‘pladi. Maqolada uning tutingan o‘g‘li, ayollardan iborat qo‘shinlari, 40 ga yaqin ayollari, u asrab qolgan sarbador, tiriklik vaqtida hali hayot bo‘lgan 50 nafardan ortiq avlodlari haqida ham so‘z boradi.
Dmitriy Povarov: Qanday qilib futbol muxlisiga aylandim?
O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Jurnalist Dmitriy Povarov “Qanday qilib futbol muxlisiga aylandim?” loyihasi doirasida ushbu sport turiga qanday mehr qo‘ygani, nega Markaziy Osiyoda Yevropa futboli ishqibozlari ko‘pligi va futbol dunyoni qanday birlashtirgani haqida gapirib berdi.
O‘zbekiston Afg‘onistonda ko‘knori yetishtirishga qo‘yilgan taqiqni olqishlaydi — Ismatulla Irgashev
O‘zbekiston prezidentining Afg‘oniston bo‘yicha maxsus vakili Ismatulla Irgashev qo‘shni mamlakatning muvaqqat hukumati tomonidan ko‘knori yetishtirishni taqiqlanishini qo‘llab-quvvatlashini bildirdi. U «Gazeta.uz»ga bergan intervyusida bu qarorni Afg‘onistondagi giyohvandlik moddalari muammosini ildizi bilan yo‘q qilishdagi muhim qaror deb atadi. Bu esa mamlakat xalqaro terrorchilar panohiga aylanmasligiga aniq signal ekanligi ta’kidlandi.
O‘zbekiston qayerda joylashgan? — Ukrainada urush boshlanganidan so‘ng Rossiya va Belarus internet foydalanuvchilarining O‘zbekistonga bo‘lgan qiziqishi qanday o‘zgardi
24 fevral kuni Rossiyaning Ukraina hududida harbiy operatsiya boshlashi ortidan Rossiya va Belarus internet foydalanuvchilari orasida O‘zbekistonga bo‘lgan qiziqish keskin ortib ketdi. Google`da 1000 rubl o‘zbek so‘mida qancha bo‘lishi, Moskvadan O‘zbekistongacha bo‘lgan biletlar, O‘zbekistonga kirish qoidalari va boshqa so‘rovlar keskin ortgan.
Kosmonavtlar maydoni rekonstruksiyasi: nima noto‘g‘ri qilindi?
Toshkentda Kosmonavtlar maydonini rekonstruksiya qilish ishlari deyarli yakunlanib qoldi. Bu yerdagi granit plitalar almashtirildi va yangi o‘simliklar ekildi. Biroq, san’at va arxitektura tarixchisi Boris Chuxovich «rekonstruktorlar mualliflarning asl badiiy g‘oyalariga yetarlicha e’tibor bermagan va yodgorlikning yaxlitligini buzgan», deb hisoblaydi. U shu kabi ishlarni qilishdan avval aholi va mutaxassislar bilan maslahatlashuvlar o‘tkazish zarurligini ta’kidladi.
Shuhrat G‘aniyevning yopiq bayonnomasi klaster va fermerlarda savollarni tug‘dirmoqda
Namangan viloyatining Norin tumanida mahalliy hokimiyat Iftihor Kiyim Sanoat klasterini boshqa bir klaster — Uztex Uchkurgan bilan uch yildan buyon ishlab kelayotgan fermer xo‘jaliklariga biriktirmoqchi bo‘lmoqda. Klasterlarni o‘zgartirish bosh vazir o‘rinbosari Shuhrat G‘aniyev tomonidan imzolangan yig‘ilish yopiq bayonnomasida ko‘zda tutilgan. Uztex 2022 yil uchun fermerlar bilan tuzilgan shartnomalarning bir qismini moliyalashtirgani, biroq viloyat hokimi yon berishni istamaganini ma’lum qildi. Fermerlarning aytishicha, ular joriy klasterdan mamnun. Iftihor Kiyim Sanoat esa «bu yerlarni so‘ramaganliklarini» bildirdi.
Qishloq xo‘jaligi vazirligi mart oyidagi yog‘ingarchilikning hosilga ta’sirini baholadi
Qishloq xo‘jaligi vazirligi mutaxassislari mart oyidagi noqulay ob-havo sharoitining qishloq xo‘jaligi mahsulotlariga ta’sirini o‘rgandi. Sovuq havo va yog‘ingarchiliklar ayrim hududlarda mevali bog‘larning kurtak novdalariga qisman salbiy ta’sir ko‘rsatgan. Uzumzorlar, ertaki ekilgan kartoshka va sabzavot ekinlari zarar ko‘rmagan.
O‘zbekistonning savdo balansi defitsiti nega o‘sib bormoqda va uni qanday bartaraf etish mumkin?
So‘nggi yillarda O‘zbekistonda savdo balansi defitsiti ortib bormoqda. Mehnat migrantlarining pul o‘tkazmalari hajman qisqarishi xavfi kuchaymoqda, O‘zbekistonning asosiy hamkorlaridan biri Rossiyada makroiqtisodiy ko‘rsatkichlarning pasayishi kutilmoqda, bu esa, o‘z navbatida, O‘zbekistonning ushbu mamlakatga eksportiga salbiy ta’sir ko‘rsatishi mumkin. Iqtisodiyot fanlari doktori, JIDU professori Nishonboy Sirojiddinov O‘zbekistonning yaqin kelajakdagi makroiqtisodiy barqarorligini ta’minlash imkonini beruvchi iqtisodiy siyosat yo‘nalishlarini tahlil qiladi.
DJ Piligrim: Qanday qilib futbol muxlisiga aylandim?
O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Musiqachi Ilhom Yo‘lchiyev (DJ Piligrim) “Qanday qilib futbol muxlisiga aylandim?” loyihasi doirasida nega “Barselona” ishqibozi ekanligi va “Real Madrid” muxlislari orasida “Barsa” kiyimida o‘tirish qandayligi haqida gapirib berdi.
Kelgusi oylarda o‘simlik yog‘i narxlarining o‘sishi asosiy muammolardan biriga aylanishi mumkin
O‘zbekistonda o‘simlik yog‘i yillik iste’molining taxminan teng yarmi import hisobidan qoplanadi. Bunday sharoitda global bozorda yuz berayotgan har qanday tebranishlar ichki bozordagi narxga jiddiy ta’sir ko‘rsatadi. Dunyo bo‘yicha jami o‘simlik yog‘i eksportining 64% ini ta’minlovchi Ukraina va Rossiyadagi siyosiy-iqtisodiy vaziyat jahon bozorida, shu jumladan, O‘zbekistonda o‘simlik yog‘i narxlarining keskin o‘sishiga olib kelishi mumkin, deydi iqtisodchi, «Gazeta.uz» kolumnisti Mirkomil Xolboyev.
ENG KO‘P O‘QILGAN XABARLAR
- Dekabr oyida qanday ob-havo kuzatiladi?
- Toshkentda “yuqori martabali noma’lum shaxslar” tashrifi ortidan Karim Benzemaning qo‘riqchilari ko‘paytirildi
- Hafta o‘rtasida harorat pasaya boshlaydi
- Toshkent hayvonot bog‘iga jirafa va zebralar olib kelindi (video)
- Elektr kabelidagi tutashuv sabab “Kosmonavtlar” metro bekati yaqinini tutun qopladi (video)
Qo‘shimcha imkoniyatlarga ega bulish uchun saytda ro‘yxatdan o‘ting