Iqtisodiyot
“Biz bozorning 25 foizini egallamoqchimiz” — ADM Jizzakh avtomobil zavodi rahbari
ADM Jizzakh avtomobil zavodi O‘zbekiston bozorining kamida 25 foizini egallash niyatida, deya ma’lum qildi kompaniya bosh direktori Doniyor Davletyarov. Uning so‘zlariga ko‘ra, kelajakda milliy avtomobil ham yaratish reja qilinmoqda.
Martda sezilgan inflyatsiya darajasi 12,7 foiz bo‘ldi. Eng ko‘p yonilg‘i va meva-sabzavot narxlari oshgani sezildi
O‘zbekistonda mart oyida aholi tomonidan sezilgan inflyatsiya darajasi 12,7 foizni tashkil etdi (fevralga nisbatan o‘zgarishsiz). Aholi eng ko‘p yonilg‘i, meva-sabzavotlar, go‘sht va sut narxi oshganini sezdi. Shakar va qandolat narxi oshganini qayd etgan respondentlar ko‘paydi.
Martda aholi va biznesning inflyatsion kutilmalari biroz pasaydi. Valyuta kursi o‘zgarishidan xavotirlar kuchaydi
Mart oyida O‘zbekiston aholisining kelgusi 12 oylik inflyatsion kutilmalari 12,8 foizgacha (-0,2 foiz), tadbirkorlarning kutilmalari esa 12,2 foizgacha (-0,5 foiz) pasaydi. Aholining valyuta kursi o‘zgarishi va narxlarning sun’iy oshirilishi bilan bog‘liq xavotirlari kuchaydi.
Jahon banki 2024-yilda O‘zbekiston yalpi ichki mahsuloti o‘sishi prognozini biroz pasaytirdi
Jahon banki O‘zbekistonda 2024-yilda YAIM o‘sishi prognozini 5,5 foizdan 5,3 foizga qayta ko‘rib chiqdi. JB keltirgan xavf-xatarlar orasida Rossiya va Xitoyda iqtisodiy o‘sish sur’atlarining pasayishi, shuningdek, davlat korxonalari hamda banklarining potensial moliyaviy majburiyatlarining oshishi kiradi.
O‘zbekistonda Hyundai Rotem tezyurar poyezdi dizayn loyihasi uchun tanlov e’lon qilindi
“O‘zbekiston temir yo‘llari” Hyundai Rotem tezyurar poyezdi dizayn loyihasi uchun tanlov e’lon qildi. G‘olib 100 mln so‘m mukofot oladi va uning ismining bosh harflari poyezdda aks ettiriladi.
Qozog‘istonda xorijliklar uchun benzin narxini oshirish reja qilinmoqda
Qozog‘iston Energetika vazirligi qo‘shni davlatlarga yonilg‘i chiqib ketishi va “kulrang” eksportning oldini olish maqsadida xorijliklar uchun benzin va dizel narxini oshirish bo‘yicha buyruq loyihasini tayyorladi.
O‘zbekistonda BYD avtomobil zavodini ishga tushirish iyun oyiga rejalashtirilgan
2024-yilning iyun oyida Jizzax viloyatidagi BYD avtomobil zavodini ishga tushirish rejalashtirilgan. Birinchi bosqichda ushbu brend ostida ikkita model ishlab chiqarish mo‘ljallangan.
UzAuto Motors`ning O‘zbekiston avtomobil bozoridagi ulushi 81 foizni, ADM Jizzakh`niki 5,5 foizini tashkil etmoqda
2023-yilda UzAuto Motors 4,85 mlrd dollarlik 369,99 ming dona avtomobil ishlab chiqarib, O‘zbekiston avtomobil bozorining 81 foizini egalladi. ADM Jizzakh ulushi 5,5 foizni tashkil etgan, bozorning qolgan ulushi import, jumladan, 291 mln dollarlik 8948 ta BYD avtomobili hissasiga to‘g‘ri keldi.
ADM Jizzakh 2027-yilgacha O‘zbekistonning top-5 soliq to‘lovchisi qatoriga kirishni reja qilmoqda
ADM Jizzakh zavodi 2027-yil o‘rtalaridan gibrid avtomobil va elektromobillar ishlab chiqarishni rejalashtirmoqda. Investitsiyalar hajmi 550 mln dollarga, budjet to‘lovlari esa 700 mln dollarga oshirilishi kutilmoqda, bu kompaniyaga mamlakatning eng yirik 5 soliq to‘lovchisi qatoriga kirish imkonini beradi.
Namunali savdo nima va chakana savdo madaniyatini qanday rivojlantirish mumkin?
Shahar savdosi aholi va uning madaniyati haqida axborot berishda muzeylardan kam emas. Chakana savdo formatlarining turfaligi shahar hayoti va iqtisodiyoti qanchalik boyligini ko‘rsatadi. Xo‘sh, riteyldagi qanday biznes-qarorlar bu formatlarni rivojlantirishga yordam beradi? Denis Sokolov maqolasi — shu haqda.
Toshkentda “Paxtakor” stadioni yonidagi avtoturargoh o‘rnida biznes markazi quriladi
Rossiyaning “Stroyproyekt” kompaniyasi Toshkentda 10 million dollarga biznes markazi quradi. U Alisher Navoiy nomidagi kino saroyi va “Paxtakor” stadioni o‘rtasidagi avtoturargoh o‘rnida joylashadi. Savdo-sanoat palatasi qurilish vaqtida birorta daraxtga zarar yetkazilmasligiga ishontirdi.
Prezident Jizzaxda sanoat zonasi va quyosh elektr stansiyasi qurilishini boshladi
Shavkat Mirziyoyev Jizzax viloyatida metallurgiyaga ixtisoslashgan sanoat zonasi va quyosh elektr stansiyasi qurilishini boshlashda ishtirok etdi.
Martda O‘zbekistonning oltin-valyuta zaxiralari salkam 2 mlrd dollarga ko‘paydi. Zaxiradagi oltin hajmi kamaydi
Mart oyida oltin narxining ko‘tarilishi fonida O‘zbekiston oltin-valyuta zaxiralari deyarli 2 mlrd dollarga ko‘paydi. Zaxiradagi oltin miqdori salkam 1,3 mlrd dollarga oshganiga qaramay, uning fizik hajmi 12 tonnaga kamaygan.
Mehnat migratsiyasidan qaytganlarni ishga olganlarga 12 oy davomida subsidiya to‘lanadi
O‘zbekistonda 1-iyundan mehnat migratsiyasidan qaytib kelgan shaxslarni ishga qabul qilgan ish beruvchilarga har bir ishga olingan xodim uchun 12 oy davomida oyiga 500 ming so‘mdan subsidiya to‘lanadi. Shuningdek, ushbu shaxslarni hamda ularning oila a’zolarini bepul tibbiy ko‘rikdan o‘tkazish yo‘lga qo‘yiladi.
Valyuta kursi “to‘g‘rilandimi”?
2024-yilda nominal kurs nisbatan tez qadrsizlanmoqda (2023-yil bilan taqqoslaganda ham). “Lekin, menimcha, bu hali real kursning to‘g‘rilanishi emas. Nominal kursning hozirgi qadrsizlanishi asosiy hamkorlarimizda kuzatilayotgan tendensiyaga monand kechmoqda”, — deb yozadi iqtisodchi Mirkomil Xolboyev.
O‘zbekistonning davlat budjeti defitsiti birinchi chorakda rekord daraja — 19,8 trln so‘mga yetdi
Birinchi chorak yakuni bo‘yicha O‘zbekiston budjeti defitsiti 19,8 trln so‘m (1,56 mlrd dollar)ni tashkil etdi. Bu kamida oxirgi 12 yildagi rekord ko‘rsatkichdir. budjet daromadlari o‘tgan yilning shu davriga nisbatan 6,8 foizga, xarajatlari esa 19,3 foizga o‘sdi.
O‘zbekiston va YI muhim xomashyo sohasida strategik hamkorlik o‘rnatdi
O‘zbekiston va YI o‘rtasida muhim xomashyo sohasida barqaror qiymat zanjirlarini rivojlantirish bo‘yicha o‘zaro anglashuv memorandumi imzolandi. Bu O‘zbekistonning tog‘-kon sanoatini rivojlantirishga yordam beradi hamda YIga mis va molibden kabi foydali qazilmalarga yo‘l ochish imkoniyatini yaratadi.
O‘zbekiston va Qozog‘iston rahbarlari temiryo‘l ma’muriyatlari o‘rtasida qo‘shma korxona tashkil etishni ma’qulladi
O‘zbekiston va Qozog‘iston prezidentlari Markaziy Osiyoda xavfsizlik masalalarini muhokama qildi. Bundan tashqari, ular ikki davlat temiryo‘l ma’muriyatlari o‘rtasida qo‘shma korxona tashkil etish tashabbusini qo‘llab-quvvatladi. Qo‘shma korxona Transafg‘on yo‘nalishini rivojlantirishda ishtirok etadi.
2023-yilda O‘zbekistonga to‘g‘ridan-to‘g‘ri investitsiyalar 16 foizga kamaydi
2023-yilda O‘zbekistonga to‘g‘ridan-to‘g‘ri investitsiyalar hajmi 16 foizga — 2,6 mlrd dollardan 2,2 mlrd dollargacha qisqardi. Joriy operatsiyalar hisobi taqchilligining YAIMga nisbati tarixiy maksimum — 8,6 foizga yetdi (7,8 mlrd dollar).
Toshkentda bir qator loyihalar konsepsiyasini ishlab chiqish uchun 825 mln so‘m ajratildi
Toshkent shahri hokimligi prezidentning poytaxtdagi ikki tumanga tashrifi yakunlari bo‘yicha loyiha konsepsiyalarini ishlab chiqishga 825 mln so‘m ajratdi. “Chorsu” va “Eski jo‘va” bozorlari rekonstruksiyasi, “turizm halqasi”da yo‘laklar, mahallalarda mikro bog‘lar qurish va boshqalar shular jumlasidan.
Eng ko‘p o‘qilgan xabarlar | So‘nggi yangiliklar
- Elektrning tannarxi qariyb 1000 so‘m, tabiiy gazniki esa qariyb 2000 so‘mni tashkil qiladi — Iqtisodiyot vazirligi
- 1-maydan elektr va gaz uchun tariflar oshiriladi, ijtimoiy norma joriy etiladi
- Demokratiya, qancha qusuri bo‘lsa ham, baribir avtokratiyadan yaxshiroq
- Kiyevda urushdan zarar ko‘rgan Ukraina korxonalarini O‘zbekistonga ko‘chirish bo‘yicha takliflar muhokama qilindi
Qo‘shimcha imkoniyatlarga ega bulish uchun saytda ro‘yxatdan o‘ting