Iqtisodiyot
O‘zbekistonda sakkiz oyda qancha gaz, elektr energiyasi, ko‘mir va benzin ishlab chiqarildi?
O‘zbekistonda dastlabki sakkiz oyda gaz qazib olish o‘tgan yilning shu davriga nisbatan 9,5 foizga yoki 3,26 mlrd kub metrga kamaygan. Avgustda ishlab chiqarish 3,92 mlrd kub metrni tashkil etdi (o‘tgan yilning avgustiga nisbatan -9 foiz). Elektr energiyasi ishlab chiqarish 5,7 foizga, ko‘mir — 10,4 foizga o‘sdi.
Uch davlat prezidentlari Rossiyadan Qozog‘iston orqali O‘zbekistonga gaz yetkazishga start berdi
Shavkat Mirziyoyev Moskvada Qosim-Jomart Toqayev va Vladimir Putin bilan birgalikda Rossiya tabiiy gazini Qozog‘iston hududi orqali O‘zbekistonga yetkazib berishni boshlab berdi. Ikki yillik shartnoma yiliga 2,8 mlrd kub metr gaz yetkazishni nazarda tutadi.
Yandex Go O‘zbekistonda soliq rezidentiga aylanishini ma’lum qildi
Yandex Go O‘zbekistonning soliq rezidentiga aylanadi va 1-dekabrdan keyin ham o‘z faoliyatini davom ettiradi, deya bayonot berdi kompaniya Soliq qo‘mitasining ro‘yxatdan o‘tish talabiga javoban.
Terminallar Humo kartalarini qabul qiladi, sotuvchilarning rad etishlari asossiz — kompaniya
So‘nggi kunlarda Humo kartasi foydalanuvchilari ilova orqali to‘lovni amalga oshirish va pul o‘tkazishda qiyinchiliklarga duch kelmoqda. Ba’zi do‘konlar bu kartalarni qabul qilishdan bosh tortgan. Kompaniya muammo terminallarga ta’sir qilmaganini ta’kidlab, xizmat ko‘rsatish rad etilganda, shikoyat qilishni so‘radi.
O‘zbekiston avgust oyida Xitoyga 75,27 million dollarlik gaz eksport qildi
Avgust oyida O‘zbekiston Xitoyga 75,27 million dollarlik gaz yetkazib berdi. Yil boshidan buyon gaz eksporti 370,57 million dollarni tashkil etdi, bu 2022-yilning shu davriga nisbatan 1,6 barobarga kam.
Soliq qo‘mitasi Yandex Go`dan O‘zbekistonda ro‘yxatdan o‘tib, soliqlar to‘lashni talab qildi
Soliq qo‘mitasi Yandex Go xizmatlarini taqdim etuvchi Ridetech International B.V kompaniyasidan 1-dekabrgacha O‘zbekistonda soliq rezidenti sifatida ro‘yxatdan o‘tish, soliqlarni to‘lash va mijozlarga fiskal chek taqdim etishni talab qildi. Talablar bajarilmasa, platforma bloklanadi.
Davlat daromadiga olingan mol-mulklar E-auksion shop orqali sotiladi
O‘zbekistonda davlat daromadiga olingan mol-mulklarni soddalashtirilgan auksion tamoyillari asosida E-auksion shop elektron savdo do‘koni orqali sotish tartibi belgilandi.
Putin — O‘zbekistonga Rossiya gazini yetkazib berishni boshlash muddati haqida
Rossiya prezidenti Vladimir Putin Rossiya gazining O‘zbekistonga yetkazib berilishi kutilayotgan muddatga izoh berdi. Uning aytishicha, to‘liq yetkazib berish oktabr oyidan hozircha “kichik hajmda” boshlanadi. “Biz yiliga 3 mlrd kubometr yetkazib beramiz, keyin esa ko‘paytirishimiz mumkin”, — deya qo‘shimcha qildi u.
Jahon banki O‘zbekiston YAIM o‘sishi bo‘yicha prognozini yaxshiladi
Jahon banki O‘zbekiston yalpi ichki mahsuloti o‘sishi 2023-yilda 5,5 foiz atrofida, 2024-yilda esa 5,6 foiz darajasida bo‘lishini prognoz qilmoqda. Rossiyadan pul o‘tkazmalari kamayishi tufayli iste’mol darajasi o‘sishi sekinlashadi. Qashshoqlik darajasi biroz pasayishi kutilmoqda.
O‘zbekiston ilk bor 4,25 trln so‘mlik yashil suveren xalqaro obligatsiyalarni London fond birjasida joylashtirdi
O‘zbekiston birinchi marta 4,25 trln so‘m miqdoridagi yashil suveren xalqaro obligatsiyalar hamda 660 mln dollar miqdoridagi xalqaro obligatsiyalarni London fond birjasida joylashtirdi.
1-noyabrdan 1000 kVtdan ziyod elektr energiyasi sarflagan aholi 2−4 baravar ko‘proq pul to‘laydi
1-noyabrdan o‘zbekistonliklar oyiga 1000 kVtdan ko‘p elektr energiyasi sarflagani uchun tarifdan 2−4 baravargacha qimmatroq to‘lov qiladi. Bu tartib hukumatning yopiq qarori bilan tasdiqlandi. Energetika vazirligi esa o‘suvchan koeffitsiyent “aholining 98 foiziga umuman ta’sir qilmasligini” aytmoqda.
O‘zbekiston va Rossiya o‘rtasida 3 ta mintaqalararo va 7 ta tijoriy shartnomalar imzolandi
Qozon shahrida bo‘lib o‘tgan forumda O‘zbekiston va Rossiya o‘rtasida Toshkent viloyatida Wildberries logistika xabini qurish, Rossiyadan metro vagonlarini yetkazib berish, suv ta’minoti bo‘yicha tajriba almashish, shuningdek, Ozon marketpleysi bilan elektron tijoratni rivojlantirish bo‘yicha hujjatlar imzolandi.
Behzod Hoshimov: 1991-yil dunyo bozoriga qo‘shilish uchun eng zo‘r fursat edi, keyingi eng zo‘r fursat — aynan hozir
Iqtisodchi Behzod Hoshimov O‘zbekiston dunyoga ochilishi va savdo erkinlashtirilishi tarafdorlaridan biri sanaladi. Mifonomikaning navbatdagi sonida u bilan O‘zbekistonga xalqaro bozorlarda o‘rin bor yo yo‘qligi, nima uchun erkin savdo muhimligi va hukumat kabinetlaridagi savdodan qo‘rquv haqida gaplashildi.
Tataristonning Atom elektromobili O‘zbekistonda yig‘ilishi mumkin
Kama kompaniyasining Atom elektromobilini O‘zbekistonda yig‘ish, keyinchalik ishlab chiqarishni mahalliylashtirish rejalashtirilmoqda. Bu haqda Rossiya iqtisodiy rivojlanish vaziri o‘rinbosari Dmitriy Volvach ma’lum qildi.
Ustyurtda yangi quduqdan kuniga 1 mln kubometr miqdorida gaz olish boshlandi
Ustyurtda “Quyi Sharqiy Berdaq” konidagi yangi 5-izlov-qidiruv qudug‘idan kuniga 1 mln kub metr gaz olinmoqda. “O‘zbekneftgaz” kompaniyasi mazkur hududda yil oxiriga qadar yana 36 ta yangi gaz qudug‘ini ishga tushirishni rejalashtirmoqda.
O‘zbekistonda elektr energiyasini hisoblash bo‘yicha yangi billing tizimi 2024-yil oxirigacha joriy etiladi
O‘zbekiston prezidenti 2024-yil oxirigacha “Hududiy elektr tarmoqlari” korxonalarida aholiga yetkazib beriladigan elektr energiyasini hisobga olishning yangi billing tizimini ishlab chiqish va joriy etish bo‘yicha topshiriq berdi.
Sentabrda 111,4 mlrd so‘mlik elektr energiyasi va tabiiy gazdan noqonuniy foydalanilgani aniqlandi
O‘zbekistonda sentabr oyi davomida 111 mlrd 428 mln so‘mlik elektr energiyasi va tabiiy gazdan noqonuniy foydalanish holatlari aniqlandi. Bunday holatlarning eng ko‘pi Samarqand, Farg‘ona va Toshkent viloyatlari hissasiga to‘g‘ri keladi.
Qozog‘iston Rossiya gazini O‘zbekistonga yetkazib berish nega ortga surilganini tushuntirdi
Qozog‘iston Rossiyadan O‘zbekistonga gaz tranzitini rejalashtirilganidek 1-oktabrdan emas, oktabr oxirida boshlashni rejalashtirmoqda. Qozog‘iston energetika vazirining ma’lum qilishicha, gaz quvurida ta’mirlash ishlari davom etmoqda, yetkaziladigan gaz hajmi ham kelishib olinmoqda.
Markaziy bank AVO bank`ga kredit berish va boshqa operatsiyalarni amalga oshirishni taqiqladi
Markaziy bank Bank nazorati qo‘mitasi AVO bank`ga (sobiq “O‘zagroeksportbank”) ustav kapitalini talab qilingan darajaga — 200 mlrd so‘mga yetkazmagani uchun kreditlash va boshqa xarajatlarni moliyalashtirish hamda depozit operatsiyalarini amalga oshirishni taqiqladi.
O‘zbekistonda quyosh energiyasidan foydalangan holda amalga oshiriladigan mayning faoliyatiga ruxsat beriladi
Yangi tartibga ko‘ra, mayning faqat yuridik shaxs tomonidan quyosh fotoelektr stansiyalari orqali ishlab chiqarilgan elektr energiyasidan foydalangan holda amalga oshirishga ruxsat beriladi.
Eng ko‘p o‘qilgan xabarlar | So‘nggi yangiliklar
- UzAuto Motors Gentra, Damas va Labo uchun kontraktatsiyani ochadi
- Gaz va elektr tariflarining oshishi inflyatsiyaga qanday ta’sir qiladi?
- “Hozir Yangi Toshkent ustuvorlikda turibdi”. Alstom vitse-prezidenti — poytaxtda tramvay qurilishi haqida
- Yilning dastlabki 4 oyida davlat budjet defitsiti 25 trln so‘mdan oshdi
Qo‘shimcha imkoniyatlarga ega bulish uchun saytda ro‘yxatdan o‘ting