Жаҳон
Украинада авиафалокат оқибатида ИИВ раҳбарияти ҳалок бўлди
Киев вилоятида юз берган вертолёт қулаши оқибатида Украина ички ишлар вазири, унинг биринчи ўринбосари ва давлат котиби ҳалок бўлди. Ҳозиргача 17 кишининг, жумладан, икки нафар боланинг вафот этгани маълум — вертолёт болалар боғчасининг олдига қулаган.
Видео: Молдовада терроризмда айбланган Ўзбекистон фуқароси қўлга олинди
Молдовада Ўзбекистон фуқароси ушланди. У терроризмда айбланмоқда. Илгари қотиллик қилишга уриниб, қамоқ жазосини ўтаган эркак Ўзбекистонга экстрадиция қилиниши кутилмоқда.
Қирғизистон мамлакатдан нақд валюта олиб чиқилишини чеклади
Қирғизистон ҳукумати мамлакатдан нақд доллар олиб чиқишни вақтинча чеклади. Тақиқ «молиявий-иқтисодий хавфсизликни таъминлаш, ички валюта бозоридаги вазиятни барқарорлаштириш, миллий манфаатларни ҳимоя қилиш» мақсадида жорий этилди.
ЖССТ «Док-1 Макс» ва «Амбронол» дорилари хавфидан огоҳлантирди
ЖССТ «Док-1 Макс» ва «Амбронол» сиропларининг сифат стандартларига мос келмаслиги ҳақида огоҳлантириш эълон қилди. Бу Ўзбекистонда камида 20 нафар боланинг ўлими билан боғлиқ бўлиб, ишлаб чиқарувчи компания — Marion Biotech ташкилотга ҳали сифат кафолати бўйича ҳужжат тақдим этмаган.
NOTAM тизимидаги носозлик туфайли АҚШда минглаб рейслар кечиктирилди
АҚШда учувчиларга маълумот тарқатувчи NOTAM тизимидаги носозлик туфайли барча ички рейсларга тақиқ жорий этилди. 6000 дан ортиқ рейслар кечиктирилди, 1000 га яқин рейслар бекор қилинди. Ҳозирда тақиқ олиб ташланган.
Marion Biotech компанияси лицензияси тўхтатилди. Унинг дориси Ўзбекистонда болалар ўлимига сабаб бўлган
Ҳиндистонда Ўзбекистонда болаларнинг оммавий ўлимига алоқадор йўтал сиропини ишлаб чиқарган компания — Marion Biotech лицензияси тўхтатилди. Ҳозиргача «Док-1 Макс» сиропидан Ўзбекистонда 20 дан ортиқ бола вафот этган.
Саудия Арабистони Ҳаж зиёратига қўйилган коронавирус чекловларини бекор қилди
Саудия Арабистони Ҳаж ва умра ишлари вазирининг маълум қилишича, коронавирус сабаб қўйилган чекловлар бекор қилинди. «Ҳаж зиёратига келувчилар сони пандемиягача бўлган даражага қайтади, ёш чекловлари бўлмайди», — деди вазир.
Бразилияда тартибсизликлар сабаб фавқулодда ҳолат эълон қилинди
Январь охиригача Бразилия пойтахтида собиқ президент тарафдорлари уюштирган тартибсизликлар сабаб фавқулодда ҳолат жорий этилди. Воқеа фонида штат губернатори ишдан бўшатилди. Намойишчилар ҳукумат биноларига бостириб кирди, юзлаб одамлар ҳибсга олинди. Президент намойишчилар жазоланишини айтди.
Путин Рождество байрами муносабати билан Украинадаги бутун фронт чизиғида ўт очишни тўхтатишни буюрди
РФ президенти Мудофаа вазирлигига 6 январь соат 12:00 дан 7 январь соат 24:00 гача Украинадаги бутун жанговар тўқнашувлар чизиғи бўйлаб ўт очишни тўхтатиш режимини жорий этиш бўйича топшириқ берди. Аввалроқ Патриарх Кирилл шундай мурожаат билан чиққан эди.
McDonald’s Қозоғистонни тарк этмоқда
McDonald’s бренди етказиб беришдаги муаммо сабабли Қозоғистонни тарк этмоқда. Bloomberg маълумотларига кўра, McDonald’s Қозоғистондаги франшиза эгасига котлет учун гўштни россиялик етказиб берувчидан олишни тақиқлаган. Маҳаллий ва европалик етказиб берувчилар билан ишлаш зарарга учратиши мумкин.
ОАВ: Қирғизистон президентининг гардероби нархи унинг йиллик даромадидан 2,5 баравар қимматроқ
2022 йилда жамоатчилик Қирғизистон президенти Садир Жапаров гардеробидаги деярли 2,5 млн сомлик (қарийб $29,2 минг) ёки унинг йиллик даромадининг 2,5 баробарига тенг кийимларига эътибор қаратди. Мисол учун, ўтган йилнинг октябрида президент $15,3 минглик итальян курткасида кўриниш берди.
2022 йилда дунё бўйича қандай китоблар энг яхши деб топилди?
Ҳар йили жуда кўп китоблар дунё юзини кўради, аммо уларнинг маълум бир қисмигина китобхонлар эътиборини қозонади. 2022 йилда дунё бўйлаб қандай китоблар бестселлерга айланди ва йилнинг энг яхши китоблари деб топилди? «Газета.uz» бу саволга жавоб излади.
Дунё тартибини ўзгартирган уруш: Украина — Россия можаросида ким ютиб, ким ютқизади?
Россиянинг Украинага босқинчилик уруши қачон тугаши ноаниқ. Экспертлар фронт воқеаларидан тахминий хулосани чиқармоқда: баъзилар урушни қаҳратон қиш ҳал этади дейди, айримлар эса мутлақо бошқа фикрда. «Газета.uz» The Guardian нашрида эълон қилинган хулосаларни ўзбек тилига ўгирди.
Уруш, пандемия, иқтисодий, сиёсий ва иқлим инқирозлари — 2022 йилнинг энг муҳим воқеалари «Газета.uz» шарҳида
Икки йиллик оғир пандемиядан сўнг ковиднинг чекиниши, Украинадаги уруш, барқарорликка дахл қилувчи иқтисодий инқироз ва сиёсий тартибсизликлар, экстремал об-ҳаво шароитлари, ҳаяжонларга бой мундиал — 2022 йилнинг энг муҳим воқеалари «Газета.uz»нинг йил якунларига бағишланган шарҳида.
«Футбол қироли» Пеле вафот этди
Афсонавий бразилиялик футболчи Пеле 82 ёшида вафот этди. У уч карра жаҳон чемпиони бўлган ягона футболчи эди.
Олмаотада январь воқеалари қурбонлари хотираси учун ёдгорлик ўрнатилди
Олмаотада январь воқеалари қурбонлари хотираси учун ўрнатилган «Тағзим» ёдгорлиги очилди. Маросимда Қозоғистон президенти қатнашди. У фожиали ҳодисаларни доимо ёдда тутиш лозимлигини, шу боис ёдгорлик ўрнатиш ҳақида кўрсатма берганини таъкидлади. Воқеалар давомида 238 киши ҳалок бўлганди.
Афғонистон олий таълим вазири нима сабабдан ОТМларда аёллар ўқиши тақиқланганини айтди
Афғонистон Олий таълим вазири аёлларнинг ОТМга эркак ҳамроҳсиз келгани, ҳижоб масаласи, аралаш дарс ўтилгани ва «исломга зид» факультетда ўқигани учун уларга таъқиқ қўйилганини айтди. Вазир бу ҳақда халқаро ҳамжамиятнинг фикларига нисбатан мамлакатнинг ички ишларига аралашмасликни сўради.
Афғонистонда хотин-қизларга университетларда ўқиш тақиқланди
Афғонистон муваққат ҳукумати Олий таълим вазирлиги мамлакатда мавжуд университетларга мактуб йўллаб, талаба қизларнинг таълим муассасаларидаги ўқиш жараёнларида иштирок этишини тўхтатиб қўйиш ҳақида буйруқ берди.
Ёппасига ўққа тутилганидан сўнг Украина энергетика тизимида фавқулодда ҳолат режими жорий этилди
Украина энергетика объектларига оммавий ракета ҳужуми уюштирилиши оқибатида мамлакат ягона энергетика тизимининг 50 фоизи йўқотилди. Шунингдек, Кривой Рогдаги турар-жой биноси ҳам ўққа тутилди.
Қозоғистонда электр энергияси истеъмоли ортгани сабабли чекловлар жорий этилмоқда
Қозоғистонда электр энергияси истеъмоли рекорд даражада ошгани сабабли йирик саноат корхоналари учун чекловлар жорий этилмоқда. Электр тақчиллиги Россиядан импорт қилиш ҳисобига қопланяпти.
Қўшимча имкониятларга эга булиш учун сайтда рўйхатдан ўтинг