«фирибгарлик» тегли мақолалар
Тошкентда 80 дан ортиқ фуқаро номига кредитга техника харид қилган аёл ва унинг 2 шериги қамалди
Чилонзор тумани суди 40 ёшли аёлни фирибгарлик билан 80 дан ортиқ кишининг номига кредит эвазига техника маҳсулотларини харид қилиб келгани учун 5 йилу 2 ойга озодликдан маҳрум этди. У бунгача ҳам 12 марта судланган. Шунингдек, бу ишда аёлга ёрдам берган икки йигит 5 йилу 6 ой муддатга қамалди.
Қорақалпоғистонда фуқарони 11 минг долларга ДХХга ишга киритиб қўймоқчи бўлган шахс қўлга олинди
Нукусда фуқаронинг ишончига кириб, 11 минг долларга ДХХ органларига ишга киритиб қўйишни ваъда қилган шахс ушлангани айтилмоқда. Аниқланишича, у аввал ҳам 4 кишини фирибгарлик билан ДХХга ишга жойлаш эвазига 65 минг доллар олган. Беш марта судланган фуқарога яна фирибгарлик бўйича жиноят иши очилди.
«Она, аварияга учрадим, мени қамаб қўйишмоқчи». Пойтахт ИИББ фирибгарликнинг янги туридан огоҳлантирди
Тошкент ИИББ фирибгарликнинг янги туридан огоҳ этди. Бунда номаълум шахс қарияларга қўнғироқ қилиб, уларга ўзини қизи ё невараси деб таништиради ва ЙТҲга учраганини айтади. Телефонни сохта терговчи олиб, ҳодисага қариянинг яқини сабабчилигини билдиради ва қамоққа олмаслик учун пул сўрайди. Батафсил.
Логопед Дилором Жабборовага нисбатан жиноят иши қўзғатилди
Логопед Дилором Жабборованинг дудуқланган болани сўкиниш ва қўрқитиш усулида даволашга уринган ҳолати ўрганилиб, усул «илмий асосланмаган ва педагогика қоидаларига зид» деб топилди. Шунингдек, у алдаш ва одамлар ишончини суиистеъмол қилишда айбланиб, фирибгарлик бўйича жиноий иш очилди.
Қашқадарёда 606 нафар фуқарони жами 6,5 млрд сўмини ўзлаштирган шахслар қидирилмоқда
ИИВ Қашқадарёда алдов йўли билан юзлаб фуқароларнинг салкам 6,5 млрд сўмини ўзлаштирган шахслар қидирилаётганини маълум қилди. Уларга нисбатан сиртдан қамоқ эҳтиёт чораси тайинланган.
Тошкентда фоиз эвазига қарз бериб, уни тўлолмаганларнинг уй ва машиналарини тортиб олиш билан шуғулланган шахс ушланди
Тошкент шаҳрида товламачилик ва фирибгарликда гумонланган шахс ушланди. У фуқароларга фоиз эвазига пул бериб, қарздорнинг номида бўлган уй ва автомобилни гаров эвазига ўзининг номига расмийлаштириб олган. Гаровга қўйилган мулк миқдори фоиз эвазига берилган пул маблағидан 3−4 баробар кўп бўлган.
Фирибгарликда айбланиб, қидирувда бўлган аёл Туркиядан Ўзбекистонга депортация қилинди
Кўп миқдордаги пулларни ўзлаштиришда айбланиб, 8 йилдан буён қидирувда бўлган аёл Туркиядан Ўзбекистонга депортация қилинди. Унинг ҳаракатларидан жабр кўрган фуқаролардан Истанбулдаги бош консулхонага ёки ИИВга мурожаат қилишлари сўралди.
Тошкент вилоятидаги колония маҳкуми йирик миқдордаги фирибгарликда гумонланиб ушланди
Оҳангарон туманидаги манзил колонияси маҳкуми 28,5 минг доллар олаётганда қўлга олинди. Унга шерикликда гумонланган икки шахс аввалроқ 29 минг доллар олаётганида ушланган. Улар қурилиш компаниясига Хоразмда 72,5 млрд сўмлик сув тармоғи тортиш лойиҳасини тендерсиз олиб беришини айтган.
Тошкентда фирибгарликда гумонланган ака-ука ушланди
Тошкент шаҳар Тергов бошқармаси томонидан икки шахс фирибгарликда гумонланиб ушланди. ИИББ ушбу шахслардан жабр кўрган фуқаролар тегишли жойларга мурожаат қилишини сўради.
Марказий банк регулятор номидан фойдаланиб, фирибгарлик қилиш ҳолатлари кузатилаётганидан огоҳлантирди
Марказий банк Telegram`да регулятор номидан сохта канал очилиб, фуқароларга кредит таклиф этилаётгани ва банк карталарига оид маълумотларни олиш орқали пуллар ўзлаштирилаётганидан огоҳлантирди. Шунингдек, ўзини МБ ходими сифатида таништириш ҳолатлари ҳам кузатилган.
Taftish.uz собиқ раҳбари сиртдан қамоққа олинди
Taftish.uz интернет нашри собиқ раҳбари Ғайрат Абераев фирибгарлик, хусусан, фуқароларни алдаш орқали жами 33,3 минг долларни талон-торож қилганликда айбланмоқда. Унга нисбатан сиртдан қамоққа олиш эҳтиёт чораси қўлланган.
3 нафар прокуратура ходими пора ва фирибгарликда гумонланиб ушланди
ДХХ Андижонда гумонланувчига ёрдам бериш эвазига $5 минг олган терговчи ва бунга кўрсатма берган прокурор ўринбосарини ушлаганини маълум қилди. Самарқандда эса прокурор ёрдамчиси айбланувчини қамоқдан чиқариш учун 3 минг доллар сўрагани айтилмоқда.
Тошкентда уй олмоқчи бўлган фуқароларнинг 4 млрд сўмдан ортиқ пули талон-торож қилинган — Бош прокуратура
Яшнобод туманида қурилиш компанияси раҳбари хонадон сотиб олмоқчи бўлган 23 киши билан сохта олди-сотди шартномасини тузиб, уларнинг 4 млрд сўмдан ортиқ пулини қўлга киритгани аниқланди. Ҳолат юзасидан Жиноят кодексининг фирибгарлик ва бошқа моддалари бўйича жиноят иши қўзғатилди.
Ўзбекистонда карта тўловларини бекор қилиш билан боғлиқ фирибгарлик кенг тарқалмоқда
Ҳуқуқни муҳофаза қилиш академияси чаржбэк — карта эгаларининг амалга оширилган тўловларни қайтариб олиши билан боғлиқ фирибгарликнинг янги кўриниши ҳақида маълумот берди. Тадбиркорлар орасида харидорлар сотиб олинган товар ёки хизматлар учун пул маблағларини қайтариб олишидан зарар кўрганлар бор.
Марказий банк регулятор номидан одамларни алдашга уриниш ҳолати кузатилаётганидан огоҳлантирди
Марказий банк Telegram`да регулятор номидан сохта канал очиб, фуқароларни алдашга уриниш ҳолатлари кузатилаётганини маълум қилди. «Марказий банк тижорат фаолияти билан шуғулланмайди, шу жумладан, жисмоний шахсларга кредит ажратмайди ёки молиявий ёрдам кўрсатмайди», дейилади регулятор хабарида.
Фуқароларнинг банк карталаридан фирибгарлик йўли билан пул ечиб олган шахслар ушланди
ИИВ Киберхавфсизлик маркази ўзини Сlick тўлов тизимининг хавфсизлик хизмати ходимлари сифатида таништириб, фуқароларнинг банк карталаридан пул ечиб олган бир неча шахсни аниқлади.
Жиззахда сохта Green Card тайёрлаш билан шуғулланган шахс 9 йилга қамалди
Жиззах вилоятида 3 нафар шахс сохта Green Card ҳужжатларини тайёрлаб, 103 кишининг 2 млрд 597 млн сўмини фирибгарлик билан қўлга киритгани аниқланди. Уларнинг бири 9 йилга қамалди, 2 нафарига қидирув эълон қилинди.
Бухорода бир гуруҳ шахслар 42 нафар непалликни 124,5 минг долларга алдаб кетгани айтилмоқда
Бухоро шаҳрида яшовчи аёл бир гуруҳ шахслар билан бирга 42 нафар Непал фуқаросининг 124,5 минг долларини олиб, алдаб кетгани айтилмоқда. Ҳолат юзасидан жиноят иши қўзғатилди.
Бухорода эркак бошқанинг дўконини 51 минг долларга сотмоқчи бўлди
Бухорода эркак сохта паспорт ва шартномани кўрсатиб, бировнинг дўконини икки аёлга 50,8 минг долларга сотмоқчи бўлди.
Самарқандда 14 ёшли боладан $4,5 минг олиб, эвазига PUBG профилини бермаган ўсмирга жиноят иши қўзғатилди
Каттақўрғон туманида яшовчи 16 ёшли бола PUBG профилини сотишини айтиб 14 ёшли боладан 4,5 минг доллар олган. Бироқ профилни унга бермай, пулларни шахсий эҳтиёжлари учун ишлатиб юборган. Ҳолат юзасидан жиноят иши очилган.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
- «Боғнинг менежери давлат бўлиши нотўғри». Тошкент ҳокими ижарага берилган Абдулла Қодирий ва Дўстлик боғлари ҳақида
Қўшимча имкониятларга эга булиш учун сайтда рўйхатдан ўтинг