Тошкент шаҳри Яшнобод туманида 9 та хонадон 39 кишига сотилгани айтилаётгани, прокуратура ишни ўрганаётгани ҳақида хабар бергандик. Бош прокуратуранинг маълум қилишича, ҳолат юзасидан жиноят иши қўзғатилди.
Аниқланишича, Z.G. МЧЖ раҳбари А.А. хонадон сотиб олиш истагини билдирган 23 нафар фуқаро билан сохта олди-сотди шартномалари тузган. Фуқароларнинг жами 4 млрд сўмдан ортиқ пул маблағларини фирибгарлик йўли билан қўлга киритган.
Сўнг қурилишни тугатмасдан, хонадонларни фуқароларга расмийлаштириб бермай, ўзганинг жуда кўп миқдордаги пул маблағларини талон-торож қилган.
Ҳолат юзасидан Жиноят кодексининг 168-моддаси (Фирибгарлик) ва бошқа моддалар билан жиноят иши қўзғатилиб, дастлабки тергов ҳаракатларини олиб бориш учун ички ишлар органига юборилди.
