Бухорода эркак сохта паспорт ва шартномани кўрсатиб, бировнинг дўконини икки аёлга 50,8 минг долларга сотмоқчи бўлди.
Каттақўрғон туманида яшовчи 16 ёшли бола PUBG профилини сотишини айтиб 14 ёшли боладан 4,5 минг доллар олган. Бироқ профилни унга бермай, пулларни шахсий эҳтиёжлари учун ишлатиб юборган. Ҳолат юзасидан жиноят иши очилган.
Ўзбекистонда халқ ёки давлатнинг миллиардлаб пулини ўғирлаганлар фирибгарлик айби билан 5−6 йилга қамалиб, муддатининг учдан бирини ўтаяпти ва озодликка чиқиб, «яширган пулини» сарфлашда давом этмоқда, деди сенатор Шуҳрат Чуллиев. Янги тузатишларга кўра, улар энди «қўнғироқдан қўнғироққача ўтиради».
Тошкентда 248 нафар фуқарога автомашина олиб беришни ваъда қилиб, 12 млрд сўм олган Uz Avto Premium ва Аvto Alo Group МТ компаниялари раҳбарларига нисбатан суд ҳукми ўқилди. Суд жараёни салкам бир йил давом этди.
Давлат хавфсизлик хизмати Тошкент шаҳри ва Фарғона, Наманган вилоятларида коррупция ва фирибгарликда гумонланган мансабдорларни қўлга олди. Улар фуқаролардан 5−10 минг доллар олаётган вақтларида ушлангани айтилмоқда.
ДХХ ходимлари прокуратура, суд, Миллий гвардия ва адвокатура ходимларини қўлга олди. Уларга фирибгарлик, пора олиш каби айбловлар қўйилган.
Сирдарё вилоятидаги бир оилани 40 минг доллар эвазига АҚШга юборишини ваъда қилган шахс қўлга олинди. Ўтказилган тезкор тадбир давомида у фуқародан 12 минг доллар олаётган вақтида ушланди. Ҳолат бўйича жиноят иши қўзғатилди.
Самарқанд вилоятида фуқароларни Мексика орқали АҚШга жўнатиш учун 40 минг АҚШ доллари талаб қилганликда гумонланган шахс қўлга олинди. Ўтказилган тезкор тадбирда эса 10 минг АҚШ долларни фуқародан олаётган вақтида ушланди. Ҳолат бўйича жиноят иши қўзғатилди.
Блогер Абдуқодир Мўминовга нисбатан фирибгарлик ва товламачилик моддалари билан жиноят иши қўзғатилди. ИИВ маълумотида унинг бир шахсдан 3800 доллар олгани, бошқа бир шахсдан эса 70 000 доллар сўрагани айтилмоқда. Блогер ҳибсга олинди.
Жарқўрғон туманида 2 шахс нодавлат университет очиб, 18 кишининг 152,9 млн сўмини олиб, ўз эҳтиёжига ишлатиб юборганликда гумонланмоқда. Деновда эса яна бир фуқаро ўқишга киритиб қўйиш учун пора олгани айтилмоқда. Уларга нисбатан жиноят иши очилди.
Тошкент, Жиззах ва Сирдарё вилоятларида яшовчи олти нафар шахс пойтахтнинг Чилонзор туманида жойлашган кўчмас мулк ҳужжатларини сохталаштириб, уни $150 минг эвазига харидор номига расмийлаштириб беришда гумонланмоқда. Ҳозирда ҳолат юзасидан ЖКнинг тегишли моддалар билан жиноят иши қўзгатилди.
Самарқандда фуқарони 30 минг доллар эвазига Мексика орқали АҚШга жўнатмоқчи бўлган шахс ушланди. У аванс учун 10 минг доллар олаётган пайтда ДХХ ва ИИБ ходимлари томонидан қўлга олинди.
Энди ахборот технологияларидан фойдаланиб фирибгарлик содир этган шахслар БҲМнинг 300−400 бараваригача жарима тўлаш ёки 5−8 йилгача озодликдан маҳрум қилиш билан жазоланади. Маданий мерос объектларига нисбатан ҳурматсизлик билан муносабатда бўлганлар эса БҲМнинг 20−30 бараваригача жарима тўлайди.
Янгийўл тумани ҳокимлиги фуқарога «Ёшлар меҳнат гузари ишлаб чиқариш цехлари» мажмуасини қуриш учун 2 гектар ер берган. Бошқа фуқаро шериклари билан унинг 1 гектарини $400 мингга сотиб олишга келишиб, 30 минг долларини олаётган вақтларида ушланган. Ҳозир ҳолат бўйча жиноят иши очилди.
Навоий вилоятида бир гуруҳ шахслар иссиқхона қуриш учун ажратилган 2,2 гектар ерни 200 минг долларга сотишга урингани айтилмоқда. Гумондорлар келишилган пулнинг 20 минг долларини олаётган вақтида ашёвий далиллар билан қўлга тушди.
Сенатда электрон фирибгарлик ва ўғрилик учун 5 йилдан 8 йилгача озодликдан маҳрум қилиш жазосини белгилашга оид қонун маъқулланди. Улар қайд этишича, бу каби жиноятлар ортиб бормоқда. Масалан, фирибгарлик билан банк карталаридан пулни талон-торож қилиш бўйича 7 ойда 1812 та жиноят иши қўзғатилган.
Андижонда фуқарони 11 минг доллар эвазига Жанубий Кореядаги кемасозлик заводига ишга киритиб қўйишга уринган шахслар қўлга олинди. Уларга нисбатан жиноят иши қўзғатилди. Гумондорларнинг айби судда ўз исботини топса, кўпи билан 3 йилгача қамалиши мумкин.
Хоразмда фуқарони 500 доллар эвазига Миллий гвардияга ишга киритмоқчи бўлган шахс қўлга олинди. Андижондаги ҳолатда эса фуқаро бошқа бир фуқарони ишга киритиб қўйиш учун 9 млн сўм олганликда гумон қилинмоқда.
Тошкент шаҳридаги Янгиобод бозорининг масъул ходимларидан бири тадбиркорга харидорлар гавжум жойдан ноқонуний тарзда савдо дўкони олиб беришга урингани айтилмоқда. У бунинг эвазига 10 минг доллар талаб қилиб, шундан 8,5 минг долларини олганида ушланган.
Uzcard пенсионер ва нафақахўрларга бир марталик ёрдам пули тарқатиш ҳақидаги хабарлар фонида фирибгарлар томонидан фуқароларнинг пластик карта маълумотларини қўлга киритишга уринишлар кўпайганлиги ҳақида огоҳлантирди. Президент фармони билан ажратилган ижтимоий ёрдам пули бир марталик пул ўтказмалари бўлиб, улар автоматик тарзда ўтказилади.
Қўшимча имкониятларга эга булиш учун сайтда рўйхатдан ўтинг