Бухорода 10 ой ичида аҳолига давлат хизматларини кўрсатиш соҳасида 9 мингдан ортиқ қонун бузилиш ҳолатлари аниқланди. Хизмат муддатини бузган, ортиқча ҳужжат талаб қилган ва мурожаатни асоссиз рад этган 197 нафар мансабдор жаримага, яна 8 нафари эса интизомий жавобгарликка тортилди.
Бухоро вилояти Когон тумани ҳудудидан ўтувчи йўлда «Газ-24» автомашинасига ўрнатилган газ баллони ёрилиши натижасида икки нафар йўловчи вафот этди.
11 йиллик қаровсизликдан сўнг Садриддин Айний номидаги Бухоро давлат мусиқали драма ва комедия театрини таъмирлашга 2022 йилда 64,5 млрд сўм ажратилиши маълум қилинди. Театр жамоаси ҳозирда фаолият юритаётган «Кўҳна ва боқий Бухоро» мажмуасидаги театр биноси эса маданият саройига айлантирилади.
Бухоро вилояти ҳокимининг фармойишига биноан, фуқаролар мурожаатлари билан ишлашга эътиборсиз бўлган 5 та туман ҳокимига «ҳайфсан» берилди. 2 та туман ҳокими эса иш ҳақининг 20 фоиз миқдорида жарима тўлайдиган бўлди. Бухоро шаҳри ҳокими қаттиқ огоҳлантирилди. Яна бир ҳокимга фуқароларнинг мурожаатлари билан ишлашнинг ҳолатини чуқур таҳлил қилиш топширилди.
Бухорода бюджет ташкилоти қарийб 65 млрд сўм миқдоридаги харидларни тендерсиз амалга оширгани аниқланди. Монополияга қарши курашиш қўмитаси «Рақобат тўғрисида"ги қонунни бузганлик учун иш очди.
Бухорода 10 минг доллар эвазига ваколатли танишлари ёрдамида уй-жой қуриш учун ер олиб беришни ваъда қилган шахс қўлга тушди. Унга нисбатан Жиноят кодексининг фирибгарлик ва пора бериш моддалари билан иш очилди.
Чоршанба куни Бухоро вилоятининг Шофиркон туманида 3 балли зилзила сезилди.
Иккита компания ҳамда «Асакабнк» бош офиси ва филиали ходимлари 2 млн доллар миқдоридаги кредит маблағларини ўзлаштирганликда гумон қилинмоқда. Мазкур маблағлар Осиё тараққиёт банкидан жалб қилинган.
Бухоро вилоятининг Бухоро туманида ҳокимлик захирасида турган 20 сотих бўш ер майдонини 8000 АҚШ долларига сотмоқчи бўлган шахс қўлга олинди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Бухоронинг Ғиждувон туманида 15 нафардан зиёдроқ аёллар автотрассани тўсиб қўйди. Бухоро вилоят МТБ раҳбарининг сўзларига кўра, улар болалар боғчаси қуриши керак бўлган маҳаллий тадбиркор билан келишиб иш қилишган. Йўлни тўсиб қўйиш акцияси натижасида ЙТҲ содир бўлди, дея хабар қилди вилоят ИИБ.
Фарғона вилоятида қурилиш балансида бўлган 50 сотих ер майдонини 25 минг долларга сотмоқчи бўлган шахс қўлга олинди. Шунингдек, Наманган вилояти, Бухоро вилояти, Сирдарё вилоятининг Сардоба, Тошкент шаҳрининг Чилонзор ҳамда Навоий вилоятининг Қизилтепа туманларида ҳам ноқонуний ер сотиш билан боғлиқ ҳолатлар аниқланди.
Бухоро вилоятида вояга етмаган 14 ёшли қизни зўрлаб, кейинчалик уни қўрқитиб, ишқий муносабат қилишга мажбурлаб келган 32 ёшли эркакка уч йил қамоқ жазоси тайинланди.
Монополияга қарши кураш қўмитаси «Бухоро йўллардан мунтазам фойдаланиш» унитар корхонаси 2019 йилда 31,4 млрд ва 2020 йилда 33,4 млрд сўмлик давлат харидларини аукцион ва тендерсиз амалга оширганлигини аниқлади.
Олот туманидаги мактаб ўқувчиси дарсдан сўнг ўз хонадонидан чиқиб, чўмилишга борган. У ерда ўқувчи сувга чўкиб кетган. Унинг ёнида бўлган тенгдошлари ўқувчини қутқаришга уринишган. Марҳумнинг жасади бир кундан кейин топилган.
Бухоро вилояти ҳокимининг туризм масалалари бўйича ўринбосари вазифасида ишлаб келаётган Ботиржон Шахриёров Бухоро вилояти ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари этиб тайинланди.
Бухоро ва Жиззах нефть базаларида молиявий интизом бузилганлиги — камомад ва ходимларга асоссиз тўловлар, шунингдек, дебиторлик қарзлари (33 млрд ва 35 млрд сўмдан ортиқ) аниқланди.
ЮНИСЕФ Бухоро вилоятига вакциналарни сақлаш учун совутиш омборларини топширди. Бир йил ичида Ўзбекистондаги яна тўртта омборхона фойдаланишга топширилиши кутилмоқда.
Бухорода ёрдамга муҳтож оилалар учун 1000 та контейнер ажратилади, уларни бизнес объекти сифатида ишлатиш ва аҳолига хизмат кўрсатиш мумкин бўлади. Модулли блоклар 24 млн сўмга баҳоланмоқда, уларни имтиёзли кредит асосида сотиб олиш мумкин. Бундан аввал, президентга бундай контейнерлардан қандай фойдаланилаётганининг намуналари кўрсатилган эди.
Бухоро вилоятида бир неча фуқаролар АЖ раҳбари ва бош ҳисобчининг турли видео ёзувларини интернетга жойлаб, ҳуқуқни муҳофаза қилувчи органларга мурожаат қилиш билан қўрқитган. Ҳаракатларни амалга оширмаслик эвазига 30 минг АҚШ доллари талаб қилган.
Сирдарё, Андижон ва Бухоро вилоятларидаги бир қанча ҳудудлар ҳам электр таъминотидан узилди. Вилоятлардаги Фавқулодда вазиятлар бошқармалари ва Ҳудудий электр тармоқлари ходимлари томонидан тезкор ишлар амалга оширилаётгани маълум қилинди.
Қўшимча имкониятларга эга булиш учун сайтда рўйхатдан ўтинг