12 март куни БМТнинг Болалар жамғармаси (ЮНИСEФ) Бухоро вилоятининг Санитария-эпидемиологик осойишталик ва жамоат саломатлиги хизмати вакциналарни сақлаш учун совутиш омборини топширди, деб хабар берди «Газета.uz» га жамғарманинг Ўзбекистондаги ваколатхонаси.

Мазкур ускуна вакциналарни совутиш, ҳароратни назорат қилиш мосламалари, совутиш хоналари ва вакциналар етказиладиган контейнерларни ўз ичига олади.

Вакциналар омборида 1 ёшгача бўлган 41,5 минг нафар болани эмлаш учун тахминан 9000 литр вакцинани сақлаш мумкин. Ускуна вакциналарни Цельсий бўйича 2−8 даража иссиқ ҳароратда сақлаш имконини беради.

«Биз оғир даврларни бошдан кечирмоқдамиз ва COVID-19 пандемияси ЮНИСЕФ кўп йиллардан буён тарғиб этаётган даъватни бера олди. Шу нуқтаи назардан, вакциналар ва иммунизация бўйича Глобал альянс кўмаги билан бизнинг бугунги ҳиссамиз жуда муҳимдир», — деди ЮНИСEФнинг Ўзбекистондаги ваколатхонаси раҳбари Мунир Маммедзаде.

2017 йилдан бери ЮНИСEФ бутун Ўзбекистон бўйлаб жами 21 та вакцина омборлари қурилишини қўллаб-қувватламоқда. Ҳозирги вақтда ҳажми 10 дан 40 кубометргача бўлган 17 та вакцина омборлари ёнғин ва хавфсизлик сигнализация тизимлари, шунингдек юк ортиш-тушириш ускуналари, совутгичлар, музлатгичлар ва музлатиш камералари, ҳароратни назорат қилиш мосламалари ва генераторлар билан жиҳозланган. Шунингдек, ЮНИСEФ ходимлар учун ҳимоя кийимларини ҳам тақдим этади.

2021 йилда яна тўртта омборхона фойдаланишга топширилади. ЮНИСEФ шунингдек, ходимларни ўқитиш, совутиш занжирили объектларидан, музлатгичли юк машиналари, вакциналар контейнерлари ва музлатиш камераларидан фойдаланишда керак бўладиган қўлланмаларни тақдим этишда кўмаклашади.