Бош прокуратура ҳузуридаги иқтисодий жиноятларга қарши курашиш департаментининг Бухоро шаҳар бўлими, ДХХ ва Миллий гвардиянинг вилоят бошқармалари ҳамкорлигида ўтказилган тезкор тадбирда ер олиб беришни ваъда қилган шахс ушланди.
Таъкидланишича, фуқаро И.С. бошқа бир фуқарога ваколатли танишлари орқали Бухоро шаҳрида кўп қаватли уй-жой қуриш учун ер майдони ажратиб беришни ваъда қилган. Бунинг эвазига 10 000 АҚШ долларини олган вақтида ашёвий далиллар билан қўлга олинди.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилди. Ҳозирда тергов ҳаракатлари ўтказилмоқда.
Эслатиб ўтамиз, президентнинг 8 июндаги фармони билан ҳокимликларнинг ерни тўғридан-тўғри ажратиш ваколати бекор қилинганди. Шунингдек, айни бир ҳужжат билан ёки бир вақтнинг ўзида ерни олиб қўйиш, захирага олиш, бошқа шахсга ажратиш тақиқланди.
