Чоршанба куни соат 12:01 да Ўзбекистонда зилзила содир бўлди. Бу ҳақда ФВВ Сейсмопрогностик мониторинг Республика маркази хабар берди.
Зилзиланинг эпицентри Бухоро вилояти Шофиркон тумани бўлган. Эпицентр Тошкентдан 436 км жанубий-ғарбда жойлашган, унинг ўчоғи 56 км чуқурликда бўлган.
Силкиниш кучи зилзила эпицентрида 3 баллни ташкил этган.
Эслатиб ўтамиз, 10 июль куни эрталаб Тошкент ва Ўзбекистоннинг бошқа ҳудудларида, шунингдек, кечқурун Фарғона ва Андижон вилоятларида зилзила сезилган эди.
