Жамият
Ўзбекистонда 300 мингдан ортиқ киши COVID-19 га қарши эмланди
Ўзбекистонда коронавирусга қарши вакцина билан 300 мингдан ортиқ фуқаро эмланди. 14 апрель куни 43 минг 896 киши вакцина олди.
Халқаро имтиҳон тизимларида юқори балл тўплаган ёшларга харажатлари қоплаб берилади
Ҳукумат қарори билан 1 майдан бошлаб 5 та халқаро имтиҳон тизими (IELTS, TOEFL, GMAT, GRE, SAT) бўйича ва 2022 йил 1 январдан бошлаб яна 13 та имтиҳон тизими бўйича имтиҳонларда юқори балл тўплаган ёшларга имтиҳон топшириш харажатлари тўлиқ қоплаб берилади.
Андижонда Польша университети филиали ташкил этилди
Андижонда Варшава менежмент университети филиали ташкил этилди. Университетда 6 та факультет фаолият олиб боради. Дарслар инглиз, рус ва ўзбек тилларида ўтилади. Ижтимоий ҳимояга муҳтож оилаларнинг қобилиятли фарзандлари орасидан грант асосида қабул қилиниши ҳам кўзда тутилган.
Жиззахда 102 ёшли онахон коронавирусга қарши эмланди
Жиззах вилоятининг Зарбдор туманида 102 ёшли Суймахол Зулимова коронавирусга қарши эмланди.
Фарғонада 28 нафар болани Damas’да олиб кетаётган ҳайдовчи жаримага тортилди
Фарғона вилояти туманларидан бирида 28 нафар болалар боғчаси тарбияланувчиси Damas’да уйларига олиб кетилаётгани аниқланди. Ҳайдовчи тегишли гувоҳнома ва бошқа рухсатномаларга эга бўлмаган.
Юқори малакали мутахассисларнинг иш топиши муаммо бўлмайди — ЖИДУ ректори
Жаҳон иқтисодиёти ва дипломатия университети ректори Комилжон Каримов нима учун ЖИДУда кўп йиллар давомида коррупция ривожланмаганлиги, ўқув жараёни учун талабалар берадиган «фидбек»нинг муҳимлиги, замонавий меҳнат бозорида керакли кўникмалар ва битирувчиларнинг университет ҳаётидаги ўрни ҳақида. «Газета.uz» интервьюси.
Мактаб ва олийгоҳларда «Молиявий саводхонлик» фани ўқитилади
Президент фармонига асосан умумтаълим мактаблари ўқувчилари ҳамда ОТМ талабалари учун «Молиявий саводхонлик» ўқув курсини фан сифатида жорий этиш кўзда тутилмоқда.
Тошкентдаги ЙТҲда мотоцикл ҳайдовчиси вафот этди
Тошкент шаҳрининг Мирзо Улуғбек туманида Nexia ва мотоцикл тўқнашуви оқибатида 30 ёшли эркак ҳалок бўлди.
Бюджет тақсимотида фуқароларга кўпроқ имконият берилади
Май ойидан 14 та туман (шаҳар)да бюджет харажатларининг 5 фоизи жамоатчилик фикри асосида шакллантирилган тадбирларни молиялаштиришга йўналтирилади. 1 июлдан жамоатчилик фикри асосида шакллантирилган тадбирларни молиялаштиришга ажратиладиган туман (шаҳар)лар бюджетлари қўшимча маблағларининг энг кам миқдори 10 фоиздан 30 фоизга оширилади.
Соғлиқни сақлаш вазирлиги ҳузурида онкологик касалликларга чалинганларга ёрдам бериш фонди ташкил қилинади
Соғлиқни сақлаш вазирлиги ҳузурида онкогемотологик ва даволаш мураккаб бўлган касалликларга чалинган беморларни даволашга кўмаклашиш учун жамғарма ташкил этилмоқда. Фонд тиббий ускуна ва дори-дармонларни, реактивларни сотиб олади ва операция учун хориждан мутахассисларни таклиф қилади.
Чироқчида калтакланган ўқитувчи иши бўйича жиноий иш қўзғатилди
Қашқадарёда уч нафар фуқаро 6 синф ўқувчисига икки баҳо қўйган ўқитувчининг юзини бир неча маротаба уриб, калтаклашган. Ҳолат юзасидан жиноят иши қўзғатилди.
20 млрдни клубга бермасдан, мактаб қурган анча яхши — Муҳрим Аъзамхўжаев
Журналист ва блогер Муҳрим Аъзамхўжаев «Championat.asia» нашрига берган интервьюсида футболга берилаётган маблағлар, уларнинг сарфланиши ҳақида сўз юритди. Унинг айтишича, бир футбол жамоасига 20 млрд сўм сарфлагандан кўра, 4 та мактаб қуриш ёки ўқитувчиларнинг маошига устама пул қўшиб бериш мумкин.
Тошкент вилоятида қизни ўғирлаб, эрга тегиш учун мажбурлаган шахсга жиноят иши қўзғатилди
Тошкент вилоятида 27 ёшли фуқаро 21 ёшли қизни ўғирлаб, никоҳдан ўтиш учун мажбурлаган. Қиз қаршилик кўрсатиб қочиб кетган. Ҳолат юзасидан жиноят иши қўзғатилди.
«Трест-12» тендерсиз Қонунчилик палатаси биносини таъмирлайди
Қонунчилик палатаси биносининг ташқи кўриниши реконструкция қилиш ва бинони жорий таъмирлаш учун 16,54 млрд сўм ажратиш режа қилинган. Пудратчи сифатида «Трест-12» (акционерлари орасида қурилиш вазирининг ўғли ва рафиқаси борлиги ҳақида ёзган эдик) иштирок этмоқда. Ҳукумат буйруғи билан лойиҳани тендерсиз амалга ошириш ва параллел равишда лойиҳалаштиришга рухсат берилган.
Бекободда 301 млн сўмлик имтиёзли кредит талон-торож қилинди
Бекобод туманида 301 млн сўмлик имтиёзли кредит маблғлари талон-торож қилингани маълум бўлди. АТБ «Агробанк» Бекобод филиали ва иккита масъулияти чекланган жамиятга нисбатан жиноят иши қўзғатилди.
Қарши ҳокимияти 47 туп дарахтни кесиб ташлади
Қарши шаҳар ҳокимлиги вилоят Экология ва атроф-муҳитни муҳофаза қилиш бошқармаси ижобий хулосасини олмасдан туриб, 47 туп кўп йиллик дарахтни кесиб ташлади. Табиатга етказилган зарар 253,5 млн сўм деб баҳоланмоқда.
Маданият вазирлиги Туркистон санъат саройига кўчади
Президент Шавкат Мирзиёев ташаббуси билан Маданият вазирлиги «Туркистон» санъат саройи биносига кўчирилади.
Олийгоҳлар ёнидаги маҳаллалар учун «маънавият маркази» бўлади — президент
Президент Шавкат Мирзиёев ОТМлар ректорларининг фаолиятини танқид остига олди. «Бирортаси ўз ҳудудида маҳаллагача тушиб, ёшлар тарбияси, уюшмаган ёшлар билан ишлаш бўйича ташаббус билдирмаган», — деди у. Президент тўртта олийгоҳ ректорини ишдан олинишини маълум қилди. Шунингдек, олийгоҳлар ён-атрофидаги камида маҳаллалар учун «маънавият маркази» бўлиши кераклиги айтилди.
Жиззахда чиқинди йиғиш транспортининг газ баллони портлаши оқибатида икки пиёда жароҳатланди
Жиззах шаҳрида чиқинди йиғиш махсус транспорт воситасида ўрнатилган газ баллон портлаб кетди. Оқибатда 2 нафар йўловчи тан жароҳати олди. Ҳозирда ҳолат юзасидан суриштирув ҳаракатлари олиб борилмоқда.
Намангандаги махсус боғча тарбияланувчиси вафотидан кейин боғча директори ва бир неча ходимлар ишдан бўшатилди
Намангандаги болалар боғчасида иссиқ сувдан куйиб, вафот этган бола воқеасидан сўнг, МТМ директори, ҳамшира, қўриқчи ва гуруҳда ишлаган барча ходимлар ўз вазифасидан озод этилди. Мактабгача таълим вазирлиги мазкур ҳолат юзасидан қонунчиликда белгиланган жазо тайинланиши тарафдори бўлмоқда.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг