Шавкат Мирзиёев Сурхондарёга ташрифи вақти аҳолининг йўллар бўйича эътирозлари тасдиғини «ўз кўзи билан кўриш» мақсадида таъмирталаб йўлда машина ҳайдади. Президент рулда ўтирган ҳолда оммага биринчи марта кўриниш бераётгани йўқ.
Ҳукумат қарори билан Суғурта бозорини ривожлантириш агентлиги, Халқаро ҳамкорлик ва ривожланиш агентлиги ҳамда Тиббий- ижтимоий хизматларни ривожлантириш агентлиги директорлари лавозимларидан озод этилди.
16−23 март кунлари Тошкент ва Наманган вилоятларининг тоғли ҳудудларида қор кўчиш хавфи эълон қилинди.
Россиялик қизиқчи Данила Поперечнийнинг айтишича, унинг Тошкентдаги концертидан «дунёда содир бўлаётган воқеалар билан боғлиқ барча материаллар олиб ташланган». Унинг сўзларига кўра, микрофон «маҳаллий ҳуқуқ-тартибот идоралари талабига биноан» бир неча бор ўчириб қўйилган.
Фарҳод Маннопов ўлими бўйича текширувлар сабаб Star Med Center клиникаси 11 мартдан вақтинча ёпилиши айтилганди. Бироқ бундан бехабар клиника ишлашда давом этаверди. Огоҳлантириш хати олингач, муассасанинг ўзи 10 кунга вақтинча ишини тўхтатгани ҳақида ССВга хабар берди.
Ўта йирик миқдорда фирибгарлик содир этгани учун қидирувга берилган шахс Латвиядан Ўзбекистонга экстрадиция қилинди. Хабарларга кўра, у ўзини АҚШ элчихонаси ходими сифатида таништириб, ҳужжатларни расмийлаштириш, хорижга чиқишга рухсат олишда ўз хизматларини таклиф қилиб келган.
Сешанба куни Ўзбекистон президенти Сурхондарёдаги бузилган йўл бўйлаб ҳаракатланиб, 15 кун ичида уни реконструкция қилиш лойиҳасини ишлаб чиқишни топширганди. Шу куннинг ўзидаёқ вилоятда умумий узунлиги 111 километр бўлган йўлни таъмирлаш ишлари бошланди.
Ўтган йил июль ойида Қорақалпоғистонда содир бўлган воқеалар бўйича 39 нафар судланувчига нисбатан ҳукмлар 17 март куни эълон қилинади.
Сурхондарёнинг бузилган йўлларида Malibu ҳайдаган Шавкат Мирзиёев, Конституциявий қонунни референдумга қўйишни маъқуллаган Сенат, АЁҚШларда Аи-92 бензинига 7500 сўмлик чегирма, ЙПХ ходимлари ҳақида видео олгани учун қамалган жиззахлик фуқаро ва бошқалар — «Газета.uz»нинг кун дайжестида.
Тошкентда кузатилган узлуксиз ёғингарчиликлар туфайли Олмазор туманидаги қариялар уйининг девори қулаб тушди. Ҳодисада ҳеч ким жабрланмади. Фақатгина девор олдида турган Nexia 3 автомобили шикастланган.
Uzbekistan Airways 23−31 март кунлари 12 ёшдан 30 ёшгача бўлганлар учун маҳаллий авиақатновларга 21 фоизлик чегирма эълон қилди. Чегирма Ёшлар туризми ҳафталиги ўтказилиши муносабати билан тақдим этилмоқда.
Ёзувчилар уюшмаси аъзоси Менглибой Муродов 80 ёшида вафот этди. Адиб «Менинг бола қалбим», «Кўнгилдаги қўшиқлар», «Умидли дунё» китоблари муаллифи ҳисобланади. «Гуноҳ» романи мустақилликнинг 17 йиллигида ўтказилган «Энг улуғ, энг азиз» танловида 3-ўринга лойиқ кўрилган.
Ўзбекистон президенти Сурхондарёдаги Бойсун-Денов йўналиши бўйлаб йўл сифати юзасидан фуқаролардан келиб тушаётган мурожаатларни инобатга олиб, сифатсиз йўлда Malibu ҳайдади. Шавкат Мирзиёев бу йўлларда ҳаракат қилиб бўлмаслигини таъкидлади.
Экспертлар Сув хўжалиги, Энергетика вазирлиги ҳамда Сурхондарё ва Андижон вилоятлари ҳокимликларининг коррупцияга қарши курашиш ишларини қониқарсиз деб баҳолади. Бунга раҳбарларнинг ушбу йўналишда шахсий ташаббуси етарли эмаслиги ҳам сабаб бўлган. Энг яхши натижа Солиқ қўмитасида қайд этилди.
Тўрақўрғонлик эркак ўзини Шимолий Фарғона каналига ташлаб, ҳалок бўлди. 54 ёшли фуқаронинг нега бундай қилгани ҳозирча номаълум. Ҳолат юзасидан суриштирув олиб борилмоқда.
Қонун билан электр, иссиқлик, газ ёки водопроводдан тижорат мақсадларида ноқонуний фойдаланиш ўғирлик деб белгиланди. МЖтК ва ЖКга киритилган ўзгартишларга кўра, энди ушбу жиноятни содир этганлар 6 млн сўмгача жаримага тортилиши ёки 5 йилга қамалиши мумкин.
Тармоқларда жиззахлик икки фуқаро ЙПХ ходимлари ҳақида суратга олган ҳазиломуз видео тарқалди. ИИВ маълум қилишича, уларнинг бири 15 сутка, бошқаси эса 10 суткага қамалди.
Олмазор туманида Epica, 2 та Cobalt ва Matiz тўқнашиб кетди. ЙТҲ оқибатида 2 ҳайдовчи ва йўловчилар жароҳатланди.
14 мартдан UNG Petro ёнилғи қуйиш шохобчалари тармоғида Аи-92 бензини бир литри учун 7500 сўмдан сотилмоқда. Шу вақтгача унинг нархи 9000 сўм атрофида эди.
Хатирчи тумани халқ таълими бўлими мансабдорларига жиноят иши қўзғатилди. Улар 43,6 млн сўм миқдоридаги рағбатлантириш ва иш ҳақларини ноқонуний ҳисоблаб, бюджет маблағларини талон-торож қилганликда гумонланмоқда.
Қўшимча имкониятларга эга булиш учун сайтда рўйхатдан ўтинг