Ригадан Тошкентга узоқ вақт давомида фирибгарлик жинояти учун халқаро қидирувда бўлган шахс олиб келинди. Бу ҳақда Интерполнинг Ўзбекистондаги Миллий марказий бюроси хабар берди.
Қайд этилишича, эркак ўзини АҚШнинг Тошкентдаги элчихонаси ходими деб таништириб, ҳужжатларни расмийлаштириш ва четга чиқиш рухсатномасини олиш бўйича хизматларни таклиф қилган.
Ўзбекистондан чиқиб кетганидан кейин ҳам хориж давлатининг қалбаки паспортидан фойдаланиб, бу хизматни кўрсатишда давом этган.
«Қидирувда бўлган шахсни аниқлаш бўйича узоқ давом этган жараёнга қарамай, унинг чет эл паспортини сохта, шахсий маълумотларини эса ҳақиқий эмас деб топиб, Тошкент ва Рига Интнерполнинг ММБ биргаликдаги саъй-ҳаракатлари натижасида ҳуқуқбузарнинг шахси аниқланиб, қўлга олинди», — дейилади хабарда.
