Жамият
«Афғонистондан Ўзбекистонга метамфетамин оқими кўпайиши мумкин» — CADAP дастури раҳбари
Афғонистонда кўкнори етиштириш сезиларли даражада камайган бўлса-да, у ерда опиоидлар ўрнини босувчи метамфетамин ҳам етиштирилади. Шу муносабат билан Ўзбекистонга метамфетамин етказиб бериш кўпайиши мумкин, дея огоҳлантирди Марказий Осиёда наркотик моддалар тарқалишининг олдини олиш дастури.
«Соғлиқни сақлаш бўйича ягона ахборот тизими керак» — ЮНИСEФнинг Ўзбекистондаги собиқ раҳбари
ЮНИСEФнинг Ўзбекистондаги ваколатхонаси собиқ раҳбари Мунир Мамедзаде «Газета.uz»га берган интервьюсида ижтимоий сектор эҳтимолий фавқулодда чақириқларга ҳозирча тайёр эмаслиги ва нима учун мамлакатга соғлиқни сақлашнинг барча масалаларини қамраб олувчи ягона ахборот тизими кераклигини тушунтирди.
АҚШ университетларида ўқиётган ўзбекистонликлар сони ўтган ўқув йилида 72,6 фоизга ошди
Халқаро таълим институти маълумотларига кўра, 2022−2023 ўқув йилида АҚШ университетларида ўзбекистонлик 1000 дан ортиқ талаба таҳсил олган. Бу олдинги йилга нисбатан 72,6 фоизга кўп.
2024 йилдан Сариосиё аэропортига қатновлар тикланади — президент
2024 йилдан Сурхондарёнинг Сариосиё туманидаги аэропортга йўловчи самолётлари қатнай бошлайди, Сариосиё ва Тошкент ўртасида поезд қатнови амалга оширилади, деди Шавкат Мирзиёев. Шунингдек, у Бойсунда очиқ осмон музейини ташкил этиш режасини ҳам маълум қилди.
1 декабрдан иш ҳақи, пенсия ва ижтимоий нафақалар миқдори 7 фоизга ошади
Президент фармони билан 1 декабрдан иш ҳақи, пенсиялар ва ижтимоий нафақалар миқдори 7 фоизга оширилади. Шунингдек, базавий ҳисоблаш миқдори (БҲМ) 340 минг сўм этиб белгиланмоқда.
Тошкентинг тўртта туманида иссиқ сув ва иситиш тизими вақтинча ўчирилади
18 ноябрь куни Юнусобод, Олмазор, Шайхонтоҳур ва Мирзо Улуғбек туманларининг айрим ҳудудларида иссиқ сув ва иссиқлик таъминоти вақтинча ўчирилади.
Амир Темур хиёбони атрофидаги тротуарлар брусчаткалари янгиланмоқда — пойтахт ҳокимлиги
Тошкент шаҳри ҳокимлиги Амир Темур хиёбони атрофидаги таъмирлаш ишлари юзасидан маълумот берди. У ерда пиёдалар йўлакларига ётқизилган брусчаткалар ва йўлнинг асфальт қопламаси янгиланмоқда. Ҳокимлик ҳудуд кўриниши кескин ўзгариб кетмаслигига ишонтирди.
Сурхондарё ёшларини спортга жалб қилишга 30 млрд сўм ажратилади
Президент Термиздаги Ёшлар саноат ва тадбиркорлик зонасига борди. У Сурхондарё ёшларининг спортга қобилияти зўрлиги, аммо улар шуғулланаётган спорт турлари чекланганини айтиб, бу соҳага 30 млрд сўм ажратилишини билдирди. Ёшлар тадбиркорлигини ривожлантиришга эса 50 млн доллар йўналтирилади.
Самарқанд вилоятида вояга етмаганлар содир этган жиноятлар сони бир йилда 40 фоизга ортган
Сенатнинг Ёшлар, маданият ва спорт масалалари қўмитаси мажлисида Самарқандда вояга етмаганларнинг ҳуқуқбузарлиги ортгани айтилди. Хусусан, ҳуқуқбузарлик 2021 йилда 1331 тани, 2022 йилда 3941 тани ҳамда 2023 йилнинг 8 ойи давомида эса 3128 тани ташкил этган. Жиноятлар сони эса 40 фоизга ортган.
Президент: «Сув текин эмас, деган ғояни аҳолига чуқур сингдириш лозим»
Шавкат Мирзиёев Сурхондарёга ташрифи чоғида Ўзбекистондаги сув муаммоси ҳақида гапирди. У «сув текин эмас», деган ғояни аҳолига чуқур сингдириш ва буни кундалик турмуш қоидасига айлантириш асосий вазифа бўлиши лозимлигини таъкидлади.
Намангандаги боғчада болаларни урган тарбиячи ишдан олинадиган бўлди
Чустдаги давлат боғчасида тарбиячи қизчани кийим алмаштириш чоғида ургани акс этган видео тарқалди. Ҳолатни ўрганган ММТБ воқеа 2022 йилда бўлгани, ўша йили ходим бошқа лавозимга туширилганини билдирди. Ҳозирда тарбиячини ишдан олиш масаласи кўрилмоқда. Боғча таъмир ишлари учун ёпилган.
Дам олиш кунлари ҳаво ҳарорати пасайиб, ёмғир ёғади
Дам олиш кунлари Ўзбекистонга нам ва совуқ ҳаво массаси кириб келади. Ҳарорат кечаси +5…+10, кундузи +13…+18 даражагача пасаяди. Шанба куни республика бўйича ёмғир ёғади. Жойларда шамол тезлиги кучайиши мумкин.
«Ўзлаштирмайдиган бола бўлмайди». ЮНИСEФнинг Ўзбекистондаги собиқ раҳбари — ижтимоий ҳимоя ва инклюзия ҳақида
Ўзбекистонда ўз миссиясини якунлаган ЮНИСEФ раҳбари Мунир Мамедзаде ижтимоий фаолиятнинг аҳамияти ва нима учун ижтимоий ҳимоя соҳасидан тезкор натижаларни талаб қилиб бўлмаслиги ҳақида гапирди. Шунингдек, у болаларнинг билим олиш қобилияти улар учун мос муҳит яратишга боғлиқлигини таъкидлади.
Тошкентда ҳайдовчилар йўл талашиши оқибатида оммавий муштлашув юз берди
Миробод туманида Spark ва Nexia ҳайдовчилари йўл талашиб, можаро оммавий муштлашувга айланди. Ҳодиса оқибатида йўловчилардан бири стоматология клиникасига мурожаат қилди. Ҳолат юзасидан безорилик бўйича жиноят иши қўзғатилди.
Президент Сурхондарёда ичимлик суви таъминоти лойиҳасининг биринчи босқичини ишга туширди
Сурхондарёда ичимлик суви таъминоти лойиҳасининг биринчи босқичи ишга туширилди. Мазкур босқичда сув Сариосиё, Денов, Шўрчи ва Қумқўрғон туманларига етиб борди. Вилоят аҳолисининг марказлашган ичимлик суви билан таъминланиш даражаси 70 фоизга етди.
Ўзбекистон аэропортларида унутиб қолдирилган юклар сотилмайди — Uzbekistan Аirports тарқалган хабар ҳақида
Тармоқларда Тошкент халқаро аэропортида унутиб қолдирган юклар 26 минг сўмдан сотилаётгани ҳақида хабар тарқалди. Uzbekistan Airports ёлғон маълумотларга ишонмасликка ва фирибгарларга пул ўтказмасликка чақирди. Компания юклари сотилмаслиги ва учинчи шахсларга берилмаслиги билдирди.
«Нега менинг болам тажриба қуёни қилинди?» — «Док-1 Макс» иши бўйича жабрланувчиларнинг 13 ноябрдаги кўрсатмалари
«Док-1 Макс» иши бўйича 13 ноябрда бўлган судда фарзандидан айрилган тўққиз жабрланувчи кўрсатма берди. Улардан бири Фармагентлик собиқ раҳбари Сардор Кариев билан мунозарага киришди. Судда тиббиёт ходимлари ва Соғлиқни сақлаш вазирлигининг масъулиятсизлигига эътибор қаратиш чақириқлари янгради.
Ўзбекистонда 9 ойда оналар ўлими 100 минг тирик туғилишга нисбатан 14,1 промиллини ташкил этди
Ўзбекистонда 9 ой давомида оналар ўлими кўрсатгичи 100 минг тирик туғилишга нисбатан 14,1 промиллини ташкил этди. Бу кўрсаткич 2022 йилнинг шу даврига нисбатан 13,1 промиллига тенг бўлган. Хусусан, Сирдарё вилоятида кўрсаткич 11,6 промиллидан 45,6 промиллига ошган.
Тошкент вилоятида вертолёт ва Captiva`лардан иборат тўй кортежи уюштирилди
Оққўрғон туманида келин-куёвни олиб кетаётган вертолёт ва еттита Captiva иштирокида тўй кортежи уюштирилди. Тошкент вилояти ЙҲХБ кортеж иштирокчиларига нисбатан маъмурий баённомалар расмийлаштирилганини билдирди.
Санитария ва гигиена қоидаларини бузганлик учун жарима жазоси кучайтирилди
Маъмурий жавобгарлик тўғрисидаги кодекс ва Лицензиялаш бўйича қонунчиликка ўзгартириш киритилди. Энди санитария ва гигиена қоидаларини бузган фуқаролар 3,3 млн сўмгача, мансабдор шахслар 6,6 млн сўмгача жарима тўлайди. Шунингдек, лицензия шартларини мунтазам бузганлар ундан 1 йилга маҳрум бўлади.
Энг кўп ўқилган хабарлар | Сўнгги янгиликлар
- Тошкент аэропортини кўчириш ҳақида 32 йил аввал қабул қилинган қарор ўз кучини йўқотади
- Тошкентда Malibu уриб юборган пиёда вафот этди
- Ўзбекистоннинг иккита номинацияси ЮНEСКОнинг «Жаҳон хотираси» рўйхатига киритилди
- Наманганда 7 ёшли қизга қилинган жинсий зўравонлик иши қайта малакаланиб, эркак қамоққа олинди
Қўшимча имкониятларга эга булиш учун сайтда рўйхатдан ўтинг