Жамият
Япония Нукус тумани тиббиёт бирлашмасига УТТ аппарати совға қилди
Япония ҳукумати Қорақалпоғистоннинг Нукус тумани тиббиёт бирлашмасига қарийб 100 минг долларлик ультратовуш текшируви аппарати совға қилди.
Тест: Туркистон мухторияти тарихини биласизми?
Бундан 106 йил муқаддам — 1917 йилнинг 27 ноябрь оқшомида Ўрта Осиё минтақасидаги илк демократик, ҳам дунёвий давлат — Туркистон мухторияти эълон қилинган эди. «Газета.uz» сана муносабати билан Ўзбекистон тарихининг ушбу муҳим босқичи ҳақида тест тайёрлади.
Тошкент ҳайвонот боғига жирафа ва зебралар олиб келинди (видео)
Тошкент ҳайвонот боғига Жанубий Африкадан 3 та зебра, 3 та жирафа боласи, оқ Бенгал йўлбарси ва оқ шер олиб келинди. 2022 йилнинг август ойида у ердаги Алатау лақабли жирафа нобуд бўлганди.
«Антиструмин» иши бўйича уч шифокор аёл қамоққа олинди. Врачлар ассоциацияси президентга мурожаат йўллади
Наманганда уч нафар тиббиёт ходими болаларнинг йоддан заҳарланиши билан боғлиқ иш бўйича эҳтиёт чораси сифатида қамоққа олинди. Врачлар ассоциацияси эҳтиёт чорасини енгилроғига ўзгартиришни сўраб, президентга хат йўллади.
Фото: Хоразм шолизорларида сомон терими
Нукуслик фотосуратчи Азамат Маткаримов иш билан тез-тез Урганчга боради. Бу сафарларида у қишлоқ манзаралари йил давомида қандай ўзгаришини кузатади. Фасллар алмашинуви шолизорларда айниқса ёрқин акс этади. Унинг суратлари, масалан, бир лаган палов ортида қанча меҳнат ётгани ҳақида ҳикоя қилади.
«Юзлаб қалбаки чипталар аниқланди». iTicket.uz — Jah Khalib концертига киришдаги тиқилинч сабаби ҳақида
iTicket.uz Тошкентдаги Humo Arena`да бўлиб ўтган санъаткор Jah Khalib`нинг концертига кўпчилик учинчи шахс ёки сайтлардан қалбаки чипталар сотиб олгани учун кира олмаганини маълум қилди. Чипталарни расмий манбалар орқали сотиб олганларга пул қайтарилади, деди компания.
Андижонда эркак конда тош босиб қолиши оқибатида вафот этди
Булоқбоши туманидаги конда 46 ёшли эркакнинг устига тош юмалаб, босиб қолди. Оқибатда у воқеа жойида вафот этди.
Термиз шаҳри ҳокими тадбиркорни қаматишга урингани айтилди. Ҳокимлик унга фақат жарима қўлланганини билдирди
Термиз шаҳри ҳокими Ўктам Тўраев чиқинди ташиш билан шуғулланувчи корхона раҳбарини 15 суткага қаматишга урингани хабар қилинди. Ҳокимлик эса буни рад этиб, тадбиркорга чиқиндилар ўз вақтида йиғиштириб олинмагани ва шаҳарни ободонлаштириш қоидалари бузилгани учун жарима қўлланганини билдирди.
Ўзбекистон 2023 йил Грин кард орқали виза олишда дунёда 7-ўринни эгаллади
АҚШнинг Тошкентдаги элчихонаси DV-2023 (Грин кард) дастури орқали иммиграцион визаларни тақдим этиш бўйича дунёда 7-ўринни эгаллади. Бу мавсумда лоторея ютуғининг 5,5 мингдан зиёдроғи ўзбекистонликларга чиққан, берилган визалар сони эса 3100 дан кўпроқни ташкил этган.
Самарқандда профилактика инспекторини уриб, машинаси ойналарини синдирган фуқаролар қамоққа олинди
Самарқанд шаҳрида жанжал бўлаётгани юзасидан келиб тушган чақириққа кўра хонадонга борган профилактика инспектори уй эгалари томонидан калтакланди. Шунингдек, унга тегишли машина ойналари синдирилди. Ҳолат юзасидан жиноят иши қўзғатилиб, 2 фуқаро қамоққа олинди.
Humo Arena`даги тартибсизликларда фуқаро вафот этгани ҳақида хабар келиб тушмаган — ИИББ
Қўшиқчи Jah Khalib концерти вақти Humo Arena мажмуасидаги тартибсизликлар вақтида фуқаролар жароҳатлангани ва вафот этгани ҳақида хабарлар тарқалди. Тошкент шаҳар ИИББ ушбу ҳолатлар бўйича хабар келиб тушмаганини маълум қилди ва текширилмаган маълумотларни тарқатмасликни сўради.
Ҳафта ўртасида ҳарорат пасая бошлайди
Ўзбекистонда 29 ноябрь куни баъзи жойларда ёмғир ёғади, шамол кучаяди. Ҳаво ҳарорати пасайишни бошлайди ва иш ҳафтасининг иккинчи ярмида кечаси +7, кундузи +15 даражагача илиқ, шимолда кечаси -5 даражагача совуқ, кундузи +10 даражагача илиқни ташкил этади.
Тадбиркорлар ўртасида ёнғин хавфсизлиги танлови ўтказилади. Ғолиб 100 млн сўм билан тақдирланиб, 2 йил текширилмайди
2024 йилдан тадбиркорлар ўртасида «Ёнғин хавфсизлиги аълочиси» танлови ўтказилади. Ғолиб 100 млн сўм пул мукофоти билан тақдирланади ва унинг фаолияти 2 йил давомида давлат ёнғин назорати органлари томонидан текширилмайди.
Қашқадарёда 14 ёшли қизни жинсий қулликда сақлашда айбланаётган аёл қамоққа олинди
Шаҳрисабз туманида 14 ёшли қизни 7 ой давомида жинсий қулликда сақлаб келгани айтилган аёл қамоққа олинди. Ижтимоий ҳимоя агентлиги қиз отасининг қарамоғида бўлгани, онаси эса чет элда эканини билдирди. «Инсон» ижтимоий хизматлар маркази қизнинг саломатлигини тиклаш ишларини олиб бормоқда.
Сенат тупроқни муҳофаза қилиш ва унинг унумдорлигини ошириш тўғрисидаги қонунни маъқуллади
Сенаторлар маъқуллаган қонунга кўра, тупроқни муҳофаза қилиш ва унинг унумдорлигини ошириш доир принциплар мустаҳкамланмоқда. Шунингдек, жисмоний ва юридик шахслар томонидан тупроққа етказилган зарарнинг ўрни қопланишини талаб қилиш ҳуқуқи белгиланмоқда.
Наманган вилоятида тез ёрдам машинаси ЙТҲга учраши оқибатида ҳайдовчи вафот этди
Чортоқ тумани тез тиббий ёрдам хизматининг Damas автомобили қарама-қарши йўналишдаги Cobalt билан тўқнашди. ЙТҲ оқибатида 103 хизмати ҳайдовчиси вафот этди, унинг ҳамроҳи жароҳат олиб, шифохонага ётқизилди.
Миллий гвардия Тошкентда Jah Khalib концертига киришда юз берган тиқилинч ва тартибсизликларга изоҳ берди
Тошкентда қозоғистонлик қўшиқчи Jah Khalib концерти бўлиб ўтган Humo Arena мажмуасига киришда тиқилинч ва тартибсизликлар юз берди. Миллий гвардия маълумотларига кўра, мингдан ортиқ фуқаро сканерланган чипталарни такроран тақдим этгани учун киритилмаган. Ҳозирда тергов ҳаракатлари олиб борилмоқда.
Тошкентда аҳолига ноқулайлик туғдиргани айтилаётган ресторан фаолияти вақтинча тўхтатилди
Тошкент шаҳри ҳокимлиги аҳоли Яккасарой туманидаги «Ялпиз» ресторанининг дудбўронлари, шовқин ва ҳид бўйича шикоят қилгани учун ошхона иши вақтинча тўхтатилганини билдирди. Ресторан вакилларининг «Газета.uz»га маълум қилишича, муассаса 3−4 кунга «таъмирлаш ишлари учун» ёпилган.
Андижонда ҳоким ёрдамчиси маҳалла фаолидан 600 доллар пора сўрагани айтилмоқда
Жалақудуқ туманида ҳоким ёрдамчиси хонадонларга 38,1 тонна кўмир ажратиб бериш учун маҳалла фаолидан 600 доллар пора талаб қилгани айтилмоқда. У 7 млн сўмни олаётганда қўлга тушган.
Тошкентда электробус ва автобус тўқнашди
Юнусобод туманидаги бекатларнинг бирида 51-сонли электробус ва 2М-сонли King Long автобуси тўқнашди. Йўловчилар орасида жароҳат олганлар йўқлиги ва ҳодиса юзасидан хизмат текшируви тайинлангани хабар қилинди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг