Жамият
Пойтахтдаги ДХМлар эски «права»ни алмаштириш учун сўнгги мижоз қолгунича хизмат кўрсатади
Давлат хизматлари агентлиги эски ҳайдовчилик гувоҳномасини мажбурий алмаштириш муддати тугаётгани муносабати билан ДХМларга кунига 700 нафаргача фуқаро мурожаат қилаётганини маълум қилди. Шундан келиб чиқиб, энди пойтахтнинг 10 та туманидаги ДХМлар янги гувоҳномани бериш учун сўнгги мижоз қолгунича фаолият кўрсатади.
Июлгача 4 млн доза Pfizer, 7,5 млн доза Moderna вакцинаси олиб келинади — Баҳодир Юсупалиев
Санитария-эпидемиологик осойишталик хизмати раҳбари Баҳодир Юсупалиев март, июнь ва июль ойларида яна 4 млн доза Pfizer, 7,5 млн доза Moderna вакцинаси олиб келинишини маълум қилди. Қолаверса, Ўзбекистонда яна 10 млн доза ўзбек-хитой вакцинаси ҳам ишлаб чиқарилган.
Андижон шаҳар халқ таълими тизимида даромад солиғи ҳисобидан 11,5 млрд сўм ўзлаштирилгани аниқланди
Халқ таълими вазирлиги 2021 йилда таълим муассасалари 91,1 млрд сўмлик молиявий хатога йўл қўйгани, шундан 27,1 млрд сўмни талон-торож қилганини аниқлади. Биргина Андижон шаҳрида ходимларнинг даромад солиғи бюджетга ўтказилмасдан, 11,5 млрд сўм ўзлаштирилган. Аввалроқ, 2018−2020 йилларда Андижон шаҳар ХТБ раҳбарлари 57 млрд сўм талон-торож қилгани айтилганди.
Ўзбекистон Украинадаги фуқароларини Польша орқали эвакуация қилади
Ўзбекистоннинг Украинадаги элчихонаси фуқароларни Польша орқали эвакуация қилишини хабар қилди. Львовга келган ўзбекистонликлардан диаспора вакили Маруф Салиевга мурожаат қилиш сўралган. Эвакуация вақтида қариялар, болалик аёллар, талабалар ва болалар устунликка эга бўлади.
Дам олиш кунлари об-ҳаво иссиқ бўлади
Дам олиш кунлари Ўзбекистонда қиш фаслига ҳос бўлмаган жуда илиқ ҳарорат бўлиши кутилмоқда. Бу Эрон ҳудудларидан кириб келадиган ҳаво ҳисобига юз беради. Ҳарорат кундуз кунлари +23…+25 даражагача кўтарилади. Февралнинг сўнгги кунида эса Фарғона водийсидан бошқа барча ҳудудда ёмғир ёғади.
Навоийда ноқонуний олтин қазиб олаётган 54 киши қўлга олинди
Навоий вилоятидаги Лолазор эски тилла конларида Навоий, Самарқанд ва Бухородан келган 54 нафар фуқаро лицензиясиз олтин қазиб олаётгани вақтида ушланди. Улар қазиб олган, таркибида олтин зарралари бўлган қум эса текширув учун Навоий кон-металлургия комбинатига юборилди. Аввалроқ, айни шу ҳудудда 4 кишини қум босиб қолганди.
Коронавируснинг кунлик ҳолати бироз кўпайди
Пайшанба куни 156 кишининг COVID-19`га торширган тест таҳлили мусбат натижани кўрсатди, бир кун олдин ушбу кўрсаткич — 140 тани ташкил қилганди. Қолаверса, 26 кишида пневмония аниқланди.
Hududgaz Jizzax корхонасининг икки нафар ходими пора олаётган вақтида ушланди
«Hududgaz Jizzax» газ таъминоти филиали ходимлари тадбиркорнинг 384,6 млн сўмлик қарзини пора эвазига камайтириб бермоқчи бўлган. Улар пора олган вақтида қўлга олинган.
Ўзини метродаги поезд остига ташлаган эркак вафот этди
Тошкент шаҳрида ўзини метро поезди остига ташлаган эркак Сирдарёнинг Сардоба туманидан бўлган. У воқеа жойида вафот этган.
5 баҳо учун сомон ташиттирган устозимни иккита шарт билан ишга олгандим — Абдуқодир Тошқулов
Олий таълим вазири Абдуқодир Тошқулов ўзининг талабалик йиллари, илгари ОТМга ҳужжат топширишда кузатилган қийинчиликлар, талабалар ўртасидаги маҳаллийчилик, пул топиш учун қора иш қилишга тўғри келгани ҳақида сўзлаб берди. Қолаверса, сессияда фанларни ёпиб юрган йилларини эсга олар экан, 5 баҳо эвазига 4 «тележка» сомон ташиттирган устозини университетга ректор бўлгач, иккита шарт билан ишга олганини айтди.
24 февраль куни Ўзбекистонда содир бўлган энг муҳим хабарлар дайжести
2-курсдан ишлаши кутилаётган талабалар, эвакуация қилиш режаси тузилаётган Украинадаги ўзбекистонликлар, Киевга учадиган иккита рейсни бекор қилган Uzbekistan Airways, 100 МВт қувватли шамол электр станцияси қурилишига тамал тоши қўйган президент, Украинада жабрланганлар орасида Ўзбекистон фуқаролари йўқлигини маълум қилган ТИВ ва бошқалар — «Газета.uz» нинг 24 февралдаги энг муҳим хабарлари дайжестида.
Тошкент метросида эркак киши ўзини поезд остига ташлади
Тошкент метросининг Мирзо Улуғбек станциясида эркак киши ўзини поезд остига ташлади. Натижада бир йўналишда ҳаракат тўхтаб қолди.
«Биз бундай бўлиши мумкинлигига ишонишни хоҳламасдик» Украиналиклар уруш ҳақида нима дейишмоқда?
«Газета.uz» Россия эрта тонгдан ҳарбий босқин бошлаган Украинада яшовчи аҳоли билан суҳбатлашди. Мақола қаҳрамонлари — баъзилари аноним, баъзилари эса ҳақиқий исмлари билан — ўз шаҳарларида содир бўлаётган воқеалар ва маҳаллий ҳокимият томонидан қандай чоралар кўрилаётганини сўзлаб беришди.
Uzbekistan Airways Ростов ва Краснодар рейсларини бекор қилди
Uzbekistan Airways авиакомпанияси Ростов-на-Дону ва Краснодар аэропортлари ёпилгани муносабати билан ушбу шаҳарларга парвозларни бекор қилди.
Россиянинг Украинага қўшни вилоятларидаги ўзбекистонликларнинг хавотирланишига ҳеч қандай асос йўқ — ТИВ
Ташқи ишлар вазирлиги Ўзбекистон фуқаролари, шу жумладан, Россиянинг Украинага яқин ҳудудларида жойлашган ОТМлар талабалари учун хавотирланишга сабаб ва асослар йўқлигини маълум қилди. ТИВ агар фуқароларга таҳдид бўлса, ўз вақтида чоралар кўрилиши ва улар Ўзбекистоннинг Москвадаги элчихонаси ва Ростов-Дондаги бош консулхонасига қўнғироқ қилишлари мумкинлигини билдирди.
Муддатли ҳарбий хизматга чақирув эълон қилинди
Президент қарори билан ҳарбий хизматга яроқли Ўзбекистон фуқаролари март-апрель ойларида муддатли ҳарбий хизматга чақирилади. Мудофаа вазирлигининг «Газета.uz»га маълум қилишича, мазкур қарорнинг Украинада бўлаётган вазиятлар билан ҳеч қандай алоқаси йўқ.
Украинадаги ўзбекистонлик талабаларга ўқишни масофавий шаклда давом эттириш тавсия этилди
Ўзбекистоннинг Киевдаги элчихонаси Украинада таълим олаётган ўзбекистонлик талабаларга мурожаат қилиб, ўқишни Ўзбекистонда туриб масофавий шаклда давом эттиришни тавсия қилди.
Адлия вазирлиги 2021 йилда қонун бузилгани учун ҳокимликларга 2,6 мингта тақдимнома киритди
Адлия вазирлиги 2021 йилда қонун бузилиш ҳолатларини бартараф этиш бўйича таълим муассасаларига 8,2 мингта, ҳокимликларга 2,6 мингта, соғлиқни сақлаш муассасаларига 1,5 мингта тақдимнома киритди. Ўрганишлар давомида Андижон вилоятида ишсизлик нафақаси бўйича жами 1,3 млрд сўм қарздорлик мавжудлиги аниқланган.
«Улар мудраб ўтирибди, ишламаган». Президент Самарқандда ишдан олинган 10 нафар раҳбар ҳақида
Шавкат Мирзиёев Беруний туманидаги йиғилишда ҳудуддаги раҳбарлар умуман ишламаётганини танқид қилди. Сўзи давомида давлат раҳбари фаолиятига масъулиятсизлик билан ёндошгани учун ишдан олинган 10 нафар самарқандлик амалдорни мисол қилиб кўрсатди. «Уларнинг кўзларига қарадим, ҳаммаси мудраб ўтирибди, ишламаган», — деди у.
Президент 100 МВт қувватли шамол электр станцияси қурилишига тамал тоши қўйди
Шавкат Мирзиёев Қорақалпоғистоннинг Беруний туманида 100 МВт қувватли янги шамол электр станцияси қурилишига тамал тошини қўйди. «Тасаввур қилинглар фарзандларимиз, неваларимиз бундай лойиҳадан қандай манфаат кўради. Бу бир йиллик эмас, йилларга татийдиган лойиҳа», — деди Шавкат Мирзиёев.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг