Сиёсат
Президент Мирзаобод туманида амалга оширилаётган ишларни кўздан кечирди
Шавкат Мирзиёев Мирзаобод туманида бўлиб, фавқулодда ҳолатдан талофат кўрган жойларда амалга оширилаётган ишларни кўздан кечирди. Мирзаободликлар билан учрашув давомида давлат раҳбари мазкур ҳудудда 360 квартирали 9 та кўп қаватли уй барпо этилиши ва 616 та коттеж таъмирланиши ҳамда 15 мингга яқин иш ўрни яратилиши режалаштирилганини маълум қилди.
Сув тошқинидан жабр кўрган ҳар бир хонадон эгасига 40 миллион сўмлик моддий ёрдам кўрсатилади
Шавкат Мирзиёев Сардоба туманида маҳаллий аҳоли вакиллари билан учрашув ўтказди. Давлат раҳбари сув тошқинидан зарар кўрган 4,5 мингдан зиёд хонадон эгаларининг ҳар бирига 40 миллион сўмлик моддий ёрдам кўрсатилади. Шунингдек, таъмирланадиган ва янги қуриладиган уйлар давлат томонидан бепул қуриб-таъмирлаб берилади.
Президент Сирдарё вилоятига келди
Шавкат Мирзиёев сув тошқинидан жабр кўрган ҳудудларда олиб борилаётган ишларни кўздан кечириш учун Сирдарё вилоятига келди. Давлат раҳбари Сардоба туманида 1480 хонадондан иборат 37 та уй барпо этиладиган турар жойлар пойдеворига тамал тоши қўйди.
Барқарор ривожланиш бўйича Парламент комиссияси илк бор йиғилди
2030 йилгача барқарор ривожлантириш соҳасидаги Миллий мақсадлар ва вазифаларнинг амалга оширилишини назорат қилиш бўйича Парламент комиссиясининг биринчи мажлиси бўлиб ўтди.
Вазирлар Маҳкамаси тузилмасига ўзгаришлар киритилди
Вазирлар Маҳкамаси ижро этувчи тузилмасида қатор лавозимлар тугатилди ва янги лавозимлар киритилди.
Қорақалпоғистонда Соғлиқни сақлаш вазири тайинланди
Атаджан Хамраев Қорақалпоғистон Республикасининг Соғлиқни сақлаш вазири этиб тайинланди. У ҳозирга қадар Жўқорғи кенгес раисининг ўринбосари сифатида фаолияти юритиб келаётган эди.
Самарқанд учта чегарадош туман ҳисобига кенгайтирилади
Самарқанднинг турар жой фонди ва инфратузилмалари чеклангани сабабли шаҳарни учта чегарадош туман ҳисобига кенгайтириш режалаштирилмоқда. Президент иштирокидаги мажлисда Самарқанд ва Қашқадарё мисолида корхоналарни қайта тиклаш муҳокама қилинди.
Хитой Ўзбекистонга навбатдаги инсонпарварлик ёрдамини жўнатди
Хитой Халқ Республикаси Ўзбекистонга жами 2,5 тоннага яқин 13 турдаги тиббиёт воситаларидан иборат навбатдаги инсонпарварлик ёрдамини жўнатди. Улар асосан юқумли касалликлардан ҳимояловчи тиббиёт ниқоблари, кўзойнаклар, махсус кийимлар, масофадан туриб тана ҳароратини ўлчовчи термометр, дезинфекцияловчи аппарат каби энг зарур буюм ва воситалардир.
Шерзод Кудбиев — Солиқ қўмитаси раиси, Бехзод Мусаев — бош вазир ўринбосари этиб тайинланиши кутилмоқда
«Миллий тикланиш» демократик партиясининг Олий Мажлис Қонунчилик палатасидаги фракцияси Шерзод Кудбиевни Давлат Солиқ қўмитасининг раиси лавозимига маъқуллади. ДСҚнинг собиқ раҳбари Беҳзод Мусаев эса бош вазирнинг ижтимоий ривожлантириш масалалари бўйича ўринбосари лавозимига номзоди маъқулланган.
Навоий вилояти ҳокимига янги ўринбосар тайинланди
Душанов Яшин Равшанович Навоий вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди.
Бош прокурор — тизимни нопок ва номуносиб ходимлардан тозалаш тўғрисида
Бош прокурор Ниғматулла Йўлдошев тизим нопок ва номуносиб ходимлардан тозаланаёгани ҳақида маълум қилди. 2019 йилда прокуратура органларидан қарийб 400 нафар коррупцияга мойил ва хизмат вазифаларини лозим даражада бажармаган ходимлар ишдан бўшатилган.
БМТ бош котиби Ўзбекистон ва Қозоғистон халқига ҳамдардлик билдирди
БМТ бош котиби Антониу Гуттериш Ўзбекистон президентига йўллаган мактубида сув тошқинидан жабрланган Ўзбекистон халқи ва қўшни Қозоғистон халқига ҳамдардлик билдирди. Шунингдек, Гуттериш глобал миқёсда ўт очишни тўхтатиш бўйича у эълон қилган даъватни Ўзбекистон президенти Шавкат Мирзиёев қўллаб-қувватлагани учун миннатдорчилик билдирди.
Алишер Усмонов Қозоғистонга ажратган пуллар халққа тарқатилмоқда
Алишер Усмонов жамғармаси томонидан ажратилган 5 млн доллар сув тошқини натижасида эвакуация қилинган Туркистон вилояти Мақтаарал туманидаги 30 мингдан ортиқ кишига бўлиб берилади. Эвакуация қилинган 5202 та оиланинг ҳужжатлари тўлиқ тўплангандан сўнг, уларга белгиланган 422 минг тенге (1000 АҚШ доллари) берилади.
Абдулазиз Камилов ШҲТнинг видеоконференциясида иштирок этади
Ташқи ишлар вазири Абдулазиз Камилов Шанхай ҳамкорлик ташкилотига аъзо давлатлар ташқи ишлар вазирларининг видеоконференция шаклидаги учрашвида иштирок этиши маълум бўлди. Конференцияда COVID-19 коронавирус пандемияси шароитидаги ҳамкорликнинг ҳолати, истиқболлари ва Афғонистондаги сиёсий вазият муҳокама қилинади.
«Барча айбдорларга нисбатан, албатта, чоралар кўрилади»
Сенат Сардоба сув омборидаги техноген офат бўйича ҳукуматга парламент сўрови юбормайди. Сенат раиси Танзила Норбоева жиноят иши очилгани ва ушбу масала шахсан президент назоратида эканини таъкидлади.
«Маиший коррупциядан — элитар коррупцияга». Бош прокурор — коррупцияга қарши янги орган ҳақида
Ўзбекистонда ташкил этиладиган Коррупцияга қарши кураш агентлиги мустақил ҳуқуқни муҳофаза қилиш органи мақомида бўлади. У парламент аъзолари, президент админстрацияси, ҳукумат аъзолари ва бошқа мансабдор шахслар ишини ҳам ўрганади. «Маиший коррупциядан элитар коррупцияни ўрганиш даражасига чиқилади», — дея маълум қилди бош прокурор.
Жамшид Қўчқоров ЕИҲ ва ЕОИИ ўртасидаги принципиал фарқни айтиб ўтди
«Биз ҳозир бировдан қочиб ёки бировга қарши бу ерга [ЕОИИга] аъзо бўлиб кираётанимиз йўқ». Бош вазир ўринбосари Жамшид Қўчқоров ЕИҲ ва ЕОИИ билан ҳамкорлик ўртасидаги «принципиал фарқни» айтиб ўтди. ТИВ ўринбосари Илҳом Неъматов ЕОИИда қатнашиш бошқа давлатлар билан муносабатларнинг ёмонлашишига олиб келмаслигини таъкидлади.
Сенаторлар Ўзбекистоннинг ЕОИИда кузатувчи сифатида иштирок этишини маъқулладилар
Сенат кўпчилик овоз билан Ўзбекистоннинг ЕОИИ билан кузатувчи давлат сифатида ҳамкорлигини маъқуллади. 100 сенатордан 91 нафари овоз беришда иштирок этди. Улардан 71 нафари қарорни маъқуллади, 16 киши «қарши», 4 киши бетараф бўлди.
Абдулла Арипов ва Аскар Мамин Қозоғистонда янги микрорайон учун пойдевор қўйди
Ўзбекистон ва Қозоғистон ҳукуматлари раҳбари Мақтаарал тумани Мирзакент посёлкасида янги микрорайон қурилишини бошлаб берди. Бош вазирлар илк турар жойлар пойдеворларини қўйиш маросимида қатнашди.
Президент: Урушда Ўзбекистон халқининг иштироки ҳақида янги маълумотларга эга бўлдик
Архив маълумотларининг очилиши ва бошқа давлатлар билан ҳамкорлик Ўзбекистон халқининг Иккинчи жаҳон урушидаги иштироки тўғрисидаги маълумотларни аниқлаштириш имконини берди. Президентнинг маълум қилишича, фронтга қарийб 2 миллион ўзбекистонлик сафарбар қилинган, 538 мингдан ортиқ киши ҳалок бўлган, 158 мингдан зиёди бедарак йўқолган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг