Ўзбекистонда ковид статистикаси эълон қилинмаётганига бир ойдан ошди. Соғлиқни сақлаш вазирлиги касалланиш ҳолатлари кескин камайгани учун ахборот бериш тўхтатилганини билдирди. СЭС бошлиғи ўринбосари Нурмат Отабековнинг сўзларига кўра, ҳозирда кунига 15−20 та касалланиш ҳолати қайд этилмоқда.
Олмаота вилояти Есик шаҳрида новвойхона портлаб, ёнғин юз берди. Оқибатда 2 нафар Ўзбекистон фуқароси куйиш жароҳати билан шифохонага олиб кетилди.
Томди туманида қурилаётган, қуввати 500 МВт бўлган шамол электр станцияси учун Хитойнинг Ланжоу шаҳридан махсус транспорт воситалари орқали турбина ва генераторлар олиб келинмоқда. Лойиҳа йил якунида ишга туширилиши ва Марказий Осиёдаги энг йирик ШЭС бўлиши кутилмоқда.
Turkish Airlines авиакомпаниясининг Бишкек-Истанбул йўналишидаги самолёти ноқулай об-ҳаво шароити сабабли Тошкент аэропортига қўнди. Ҳозирда унинг белгиланган манзилга парвозини амалга ошириш имконияти кўриб чиқилмоқда.
Пойтахтнинг Бобур кўчасидаги Тошкент халқаро аэропортига олиб борувчи кўприк 19 январдан қисман номаълум муддатгача ёпилди. Бу вақтда ҳудудда йўл таъмирлаш ишлари олиб борилади.
Ўзбекистонда Сингапур компанияси ҳамкорлигида умумий қиймати 49 миллион долларга тенг фармацевтика корхонаси очилади. Унда иммунобиологик препаратлар ва онкологик касалликларни даволовчи дори воситаларини ишлаб чиқариш йўлга қўйилади.
Тижорат банклари 19 январь куни аҳолидан 1 АҚШ долларини 11 265 — 11 315 сўмдан сотиб олмоқда, сотиш курси эса аксарият банкларда 11 345 сўм.
Ўзбекистондан халқаро йўналишларда амалга оширилувчи мунтазам автобус қатновлари қайта тикланди. Ноқулай об-ҳаво шароити туфайли қатновлар 13 январдан тўхтатилган эди.
Ўзбекистонда яна бир хусусий авиакомпания — Centrum Air лоукастерининг илк икки самолёти — Airbus A320−232 Тошкент аэропортига келиб қўнди.
Вьетнам президентининг истеъфоси, Финляндиянинг ЕИда биринчи бўлиб уран қазиб олишни бошлаши, Microsoft 10 мингга яқин ходимини ишдан бўшатмоқчилиги, дунёдаги энг кекса аёлнинг вафоти ва бошқа янгиликлар — «Газета.uz»нинг жаҳон янгиликлари дайжестида.
«Док-1 Макс» сиропидан вафот этган болаларнинг яқинларига компенсация тўлаб бериладими? «Газета.uz» мухбирининг ушбу саволига жавоб берар экан, ССВ раҳбари ўринбосари Эльмира Баситханова «ҳужжат билан тасдиқлансагина, компенсация тўлаш бўйича юридик жараёнлар бошланиши мумкин», дея жавоб берди.
Ўзбекистондаги ғордан топилган неандертал боланинг 3D тикланган кўриниши, суд тизимини яхшилаш стратегияси, пойтахтда енгил автомобиллар сони 20 фоизгача қисқариши, 50% чегирма муддатини чўзган Uzbekistan Airways, Сингапур билан 5 млрд долларлик келишув ва бошқалар — «Газета.uz»нинг кун дайжестида.
2022 йилда дунёда 86 нафар журналист ўз касбий фаолияти учун ўлдирилган. БМТ Инсон ҳуқуқлари бўйича олий комиссари Фолькер Тюрк сўнгги 10 йил ичида 1300 дан ортиқ журналист ўлдирилганини маълум қилди.
Москвадан Гоага учаётган «Аэрофлот» самолёти зўравон йўловчи туфайли Урганчга фавқулодда қўнишга мажбур бўлди. У рейсдан чиқариб ташланди.
Суд «Ҳудудгаз Тошкент» корхонасининг собиқ директори Музаффар Алиевни гаров эвазига озод қилди. У декабрь ойида Ўзбекистондаги энергетика инқирози вақтида ҳибсга олинган эди.
Ўзбекистонда аномал совуқ сабаб газ-заправкалар ёпилиб, ҳудудларда транспорт муаммоси юзага келди. Қорақалпоғистонда кўнгиллилар ташаббус кўрсатиб, йўлда қолиб кетганларни бепул ташимоқда. Дастлаб Нукусда бошланган бу ҳаракат ҳозирда Хўжайли, Қонликўл, Чимбой ва бошқа туманларда ҳам оммалашган.
Боёвут туманидаги уйларнинг бирида газ портлаши оқибатида ёнғин содир бўлди. Ҳодиса сабаб 2 киши жароҳат олиб, касалхонага юборилди.
Пойтахтдаги қурилиш фирмаларининг бирида 20 нафар ишчи овқатдан заҳарлангани аниқланди. Улар тез тиббий ёрдам машинасида шифохонага олиб борилган. СЭС хабарига кўра, ҳозирда беморларнинг аҳволи қониқарли.
Uzbekistan Airways компанияси талабалар учун авиақатновларга бериладиган 50 фоизли чегирма муддатини 23 январга қадар узайтирди.
2 февралдан Тошкент-Новосибирск йўналишидаги халқаро поезд ҳаракати қайта тикланади. Йўналиш қатнови 2020 йилда пандемия сабабли тўхтатилган эди.
Қўшимча имкониятларга эга булиш учун сайтда рўйхатдан ўтинг