18 январь куни маҳаллий вақт билан 19:07 ва 19:18 да янги миллий авиакомпания — Centrum Air`нинг иккита самолёти «Тошкент» халқаро аiропортига келиб қўнди, дея хабар берди Uzbekistan Airports матбуот хизмати.
Вильнюсдан етиб келган самолётларни авиакомпания раҳбарияти, журналистлар ва авиаспоттерлар тантанали равишда кутиб олди.
Иккита Airbus А320−232 авиаташувчининг биринчи йўловчи самолёти бўлди. Яқин келажакда авиаташувчи яна бир йўловчи борти — Boeing 737 ни сотиб олишни режалаштирмоқда.
Centrum Air ўзини лоукостер сифатида таништирган бўлиб, арзон ички ва ташқи ташувларни амалга ошириш ҳамда рақобатбардош сифатга эришишни мақсад қилган.
Aerospace Lad маълумотларига кўра, Centrum Air My Freighter хусусий юк компанияси томонидан ташкил қилинган.
Сўнгги икки йил ичида Ўзбекистонда бир қанча хусусий авиакомпаниялар очилди.
