«Зарафшон» миллий боғида ноқонуний равишда дам олиш маскани қурилгани аниқланди
Бош прокуратура «Зарафшон» миллий табиат боғи ҳудудидаги 39,8 гектар ернинг ноқонуний ижарага берилганини аниқлади. Ушбу ҳудудда ижарачилар 8015 метр квадрат майдонда буталар ва ўсимлик дунёсини нобуд қилиб, дам олиш маскани қурган.
Самарқанд Соғлиқни сақлаш бошқармасининг собиқ бошлиғи «Док-1 Макс» иши бўйича ҳибсга олинди
«Док-1 Макс» иши бўйича Тошкентда ўтаётган суд мажлисида судья Мусо Юсуповнинг маълум қилишича, Самарқанд вилояти Соғлиқни сақлаш бошқармасининг собиқ бошлиғига нисбатан қамоққа олиш эҳтиёт чораси қўлланилган ва қўшимча жиноят иши доирасида тергов қилинмоқда.
Банкларда доллар курси 12 150−12 210 сўм этиб белгиланди
Тижорат банклари 8 сентябрь куни аҳолидан 1 АҚШ долларини 12 075−12 130 сўмдан сотиб олмоқда, сотув курси эса 12 150−12 210 сўм.
Тошкентда электробус ЙТҲга учраши оқибатида 6 киши жароҳатланди
Бектемир туманида 13-сонли электробус 2 йўналишли йўлда кетаётганда ҳаракатига бошқа машиналар халақит бергани ортидан бетон устунга урилди. 5 йўловчи ва ҳайдовчи жароҳат олди. Йўловчилар шифохонага юборилган. Электробусга техник шикаст етди.
Дам олиш кунлари кўп ҳудудларда ҳаво иссиқ бўлади, айрим жойлардагина ёмғир ёғади
Ўзбекистоннинг катта қисмида шанба ва якшанба кунлари ҳаво иссиқ бўлади. Ҳарорат 37 даражага исиши мумкин. Аммо Қорақалпоғистон, Хоразм ва Навоий ҳудудларида вақти-вақти билан ёмғир ёғиши кутилмоқда.
Сўнгги уч йилда кибержиноятчилик қарийб 25 баробар ошган — бош прокурор
Ўзбекистондаги 1,7 мингга яқин маҳаллада криминоген вазиятни яхшилаш керак, олдини олиш мумкин бўлган жиноятларнинг 45 фоиздан ортиғи бевосита маҳаллаларда содир этилган. Cўнгги уч йилда кибержиноятчилик эса қарийб 25 баробар ошган. Бу ҳақда бош прокурор Ниғматилла Йўлдошевнинг мурожаатида айтилади.
Хоразмда 13 та ит ходимлар томонидан заҳарлаб ўлдирилди
Ҳазорасп тумани ободонлаштириш бўлими ходимлари аҳолининг эгасиз итлар туфайли болалари мактабга боролмаётгани бўйича қилган шикояти сабабли 13 та эгасиз ва дайди итни заҳарли хўрак ёрдамида ўлдирди.
2023 йил ёзи кузатувлар тарихидаги энг иссиқ ёз бўлди
Ортда қолган ёз кузатувлар тарихидаги энг иссиқ фасл, август эса энг иссиқ ой бўлди. Олимлар Антарктидада денгиз сатҳининг рекорд даражада юқори ҳарорати ва денгиз музлари даражасининг пасайишини кузатди. «Сайёра қайноқ мавсумни бошдан кечирди. Иқлим инқирози бошланди», — дейди БМТ раҳбари.
Тошкент шимолий вокзалига кириш соддалаштирилди
Тошкент шимолий вокзалида бир босқичли назорат пункти жорий этилди — ҳужжатларни текшириш ва багажни кўздан кечириш энди бир жойда амалга оширилади.
Ўзбекистонда мақом санъати вакилларига устама ҳақ тўлаш жорий этилади
Ўзбек миллий мақом санъати маркази ва унинг ҳудудий бўлимлари бошқарув, илмий ва ижодий ходимларининг янгиланган ойлик иш ҳақи миқдорлари жорий этилади. Шунингдек, уларнинг хизматига қараб устама тўловлар белгиланади.
Ўзбекистон ФАОнинг «1000 та рақамли қишлоқ» ташаббусига қўшилади
Шавкат Мирзиёев ва ФАО раҳбари Тошкентдаги музокараларда 2030 йилгача бўлган янги ҳамкорлик дастурини муҳокама қилди. У қишлоқ хўжалигини модернизация қилиш, уни рақамлаштириш (жумладан, «1000 та рақамли қишлоқ» ташаббусида иштирок этиш) ва бошқа чора-тадбирларни ўз ичига олади.
7 сентябрь куни Ўзбекистонда содир бўлган энг муҳим воқеалар дайжести
Самарқандда ошган йўлкира, Тошкент аэропортида ушланган 8,5 тонна наркотик, Истанбулдаги отишма оқибатида ҳалок бўлган ўзбекистонлик, Абу-Дабидан Тошкентга экстрадиция қилинган халқаро қидирувдаги 2 эркак, «Док-1 Макс» сиропи бўйича суд тафсилотлари ва бошқалар — «Газета.uz»нинг кун дайжестида.
Хитой амалдорларига ишда iPhone’дан фойдаланиш тақиқланди
Хитой ҳукумати амалдорларга iPhone ва бошқа хорижий бренд қурилмаларини идорага олиб киришни тақиқлади. Бу ХХРнинг хорижий технологияларга қарамликни камайтиришга уриниши билан боғлиқ. Чеклов мамлакатда Apple маҳсулотлари сотувининг пасайишига олиб келиши мумкин.
Тошкент аэропортида наркотикларнинг рекорд даражадаги партияси тўхтатиб қолинди — 8,5 тонна (фото)
Тошкент халқаро аэропортида 8,5 тонна кўкнори олиб ўтилаётгани аниқланди. Улар ҳужжатда қандолат кўкнориси деб кўрсатилган 25 тонна уруғ ва сомонлар таркибида бўлган. Битта ҳолатда шунча гиёҳвандлик воситасининг аниқланиши божхона тизимининг 30 йиллик тарихида илк бор қайд этилди, дейилади хабарда.
АҚШ 2023 йил учун грин карта беришни якунлади (Ўзбекистонда 3100 дона берилди)
АҚШ 2023 йилги грин карта дастурини муддатидан олдин якунлашини эълон қилди. Мавжуд бўлган барча 55 000 та виза бериб бўлинган. АҚШнинг Тошкентдаги элчихонасида 3100 дан ортиқ мурожаатчи билан суҳбат ўтказилган.
Фарғонада газ «заправка» 5 млрд сўмлик табиий газдан ноқонуний фойдалангани аниқланди
Олтиариқ туманидаги газ «заправка» 27 мингдан зиёд хонадоннинг бир ойлик истеъмолига тенг газдан ноқонуний фойдаланиб, 5 млрд сўмлик зарар етказгани аниқланди.
Самарқандда жамоат транспортида йўлкира нархлари ошмоқда
8 сентябрдан Самарқандда жамоат транспортида йўл ҳақи нақд ва банк картаси орқали тўлашда 2000 сўм, транспорт картаси билан эса 1600 сўмгача ошади. Бир транспортдан бошқасига ўтишда мослашувчан тарифлар жорий этилмоқда. Тошкентда бундай тарифларни жорий этиш баҳордан буён ваъда қилиб келинади.
Футбол бўйича Ўзбекистон терма жамоаси U-23 Осиё кубоги саралашида Афғонистонни 8:1 ҳисобида мағлуб этди
Футбол бўйича Ўзбекистон ёшлар терма жамоаси U-23 Осиё кубоги гуруҳ босқичида Афғонистонни 8:1 ҳисобида мағлуб этди. Иккинчи бўлимда захирадан майдонга тушган ҳужумчи Ҳусайн Норчаев хет-трик қайд этди (фото ва видео).
Халқаро террорчилик ташкилотини тузган ўзбекистонлик эркак Сурияда ҳалок бўлди
«Катибат ул имом ал-Бухорий» халқаро террорчилик ташкилотига раҳбарлик қилган Ўзбекистон фуқароси Суриядаги жангларда ҳалок бўлди. У 2009−2010 йилларда Термиз шаҳрида «Жиҳодчилар жамоати»ни ҳам ташкил этганди.
Ўзбекистон тиббиётини ривожлантириш жамғармаси ташкил этилади
Соғлиқни сақлаш вазирлиги ҳузуридаги мавжуд тўртта жамғарма бирлаштирилиб, Тиббиётни ривожлантириш давлат мақсадли жамғармаси ташкил этилади.
Қўшимча имкониятларга эга булиш учун сайтда рўйхатдан ўтинг