Veolia тошкентликларга сифатсиз иситиш учун тўловларни ўзи қайта ҳисоблаб чиқади
VeoliaТошкентда сифатсиз иссиқлик таъминоти учун тўловни мустақил равишда қайта ҳисоблаб чиқади. Бироқ агар иситиш ёки иссиқ сув билан боғлиқ муаммолар уй ичидаги инфратузилма билан боғлиқ бўлса, унда қайта ҳисоблаш бўлмайди, дея огоҳлантирди компания.
«Давлатлар ўртасидаги статистик фарқлар нормал ва табиий» — Статистика агентлиги
Статистика агентлиги давлатлар ўртасидаги статистик маълумотлардаги тафовутларни «нормал ва табиий» деб атади. Бу товар номенклатураси кодларини белгилашга ёндашувлар билан товарларнинг божхона қийматини баҳолашнинг ўзига хос хусусиятлари ва товарларни ҳисобга олиш вақтларидаги фарқ билан боғлиқ.
Тошкентда ҳавонинг ифлосланиши меъёрдан ошмаган — Ўзгидромет
Ўзгидромет маълум қилишича, 23 январь эрталаб Тошкентдаги ҳисоблагичлар ҳавонинг юқори даражада ифлосланганини (жаҳон AQI рейтингида 1-ўрин) кўрсатди. Зарарли ифлослантирувчи моддаларнинг мавжудлиги рухсат этилган чегаралардан ошмади, дейилади хабарда.
Алишер Усмонов нафақага чиққанини маълум қилди
Миллиардер Алишер Усмонов Россия саноатчилар ва тадбиркорлар иттифоқи бошқаруви бюроси аъзолигидан чиқишга ариза топширди. РБК маълумотларига кўра, у «нафақага чиққан ва фаол меҳнат фаолиятини якунлашга қарор қилган».
Ўзбекистондан Хитойга газ экспорти бўйича статистика ўн миллионлаб долларга фарқ қилмоқда
Ўзбекистон ва Хитойнинг газ экспорти бўйича маълумотлари 159,5 млн долларга фарқ қилмоқда. Энергетика вазири Хитой статистикада туркман газининг транзитини ҳисобга олганини маълум қилди. «Газета.uz» ҳисоблаб, ҳатто транзитни қўшганда ҳам статистика кескин фарқ қилаётганини аниқлади.
31 бош туркман қулони «Судочье-Акпетки» қўриқхонасига қўйиб юборилди
Бухоро ихтисослаштирилган «Жайрон» питомнигидаги 31 бош туркман қулони «Судочье-Акпетки» давлат буюртма қўриқхонасига қўйиб юборилди.
ФВВ аҳолига кўл устидаги музларда учмасликни тавсия қилди
Ўзбекистон бўйлаб ариқ, дарё, кўл, ҳаттоки шаршаралар музлаши кузатилди. ФВВ муз қопламалари қалин бўлмагани учун ёрилиш эҳтимоли юқори эканини билдириб, фуқароларни кўл устидаги музларда учмасликка чақирди.
Ўзбекистон Афғонистонга электр етказиб беришни тиклайди
Энергетика вазирлиги Афғонистонга иссиқлик электр станциялари учун ёнилғи танқислиги сабабли электр энергияси етказиб бериш тўхтатилганини тасдиқлади. 25 январдан қўшни мамлакатга электр экспортини тиклаш режалаштирилмоқда.
Ички ишлар ходимларининг касбий маданият ва хизмат интизоми кодекси тасдиқланди
Ички ишлар органлари ходимлари, касб маданияти бўйича янги кодексга мувофиқ, хушмуомала, эътиборли, эҳтиёткор, фуқаролар ва ҳамкасбларига нисбатан бағрикенг бўлиши лозим. Улар фуқароларга қўпол муомалада бўлмаслиги, шаъни ва қадр-қиммати камситилишига йўл қўймаслиги керак.
«Азимут» Минералние Води ва Самарқанд ўртасида тўғридан-тўғри рейсларни йўлга қўйди
Россиянинг «Азимут» авиакомпанияси Минералние Води ва Самарқанд ўртасида тўғридан-тўғри рейсларни йўлга қўйди. Мунтазам қатновлар ҳафтада бир марта — душанба кунлари амалга оширилиши режалаштирилган.
Ўзбекистонда 700 дан ортиқ мактабда III чорак онлайн бошланди
Республика бўйлаб синф хоналарида ҳаво ҳароратини меъёр даражасида сақлаш имконияти бўлмаган 717 мактабда III чорак масофавий шаклда бошланди. Мактабгача ва мактаб таълими вазирлиги уларни босқичма-босқич анъанавий шаклга ўтказиш чоралари кўрилишини маълум қилди.
«Ургут» ЭИЗ Қорақалпоғистон ва Қашқадарёдаги ерлар ҳисобига кенгайтирилади
«Муваффақиятли тажриба»дан келиб чиқиб «Ургут» эркин иқтисодий зонасини Қорақалпоғистоннинг Беруний тумани ва Қашқадарёнинг Китоб туманидаги объектлар ҳисобидан кенгайтирилади. Қарор янги иш ўринлари яратиш ва аҳоли даромадларини оширишга қаратилган.
Афғонистон Ўзбекистондан электр таъминоти шартномасига амал қилишни сўради
Афғонистон ТИВ раҳбари вазифасини бажарувчи Амирхон Муттақий Ўзбекистонни шартномада кўрсатилган миқдорда электр етказиб беришга чақирди. «Таъминот узиб қўйилган, халқ муаммоларга дуч келмоқда», — дейди у. Ўтган ҳафтада электр етказиш техник носозлик туфайли узилгани маълум қилинганди.
Туркманистон Ўзбекистонга газ экспортини қайта тиклади
21 январдан бошлаб Ўзбекистон Туркманистондан газ импортини қайта тиклади, бироқ ҳозирча газ совуқ кунларгача бўлган босимдан пастроқ. Газ етказиб бериш 12 январь куни тўхтатилганди.
Ўзбекистонда совуқ об-ҳаво ҳафта охиригача сақланиб туради
Ўзбекистон бўйлаб совуқ ҳаво массасининг таъсири иш ҳафтасининг охиригача сақланиб туради. Ёғингарчилик кутилмайди, фақат 25 январда мамлакатнинг тоғ олди ва тоғли ҳудудларининг баъзи жойларда бироз қор ёғади.
«Тошкент иссиқлик маркази» давлат унитар корхонаси МЧЖга айлантирилади
Ҳукумат қарори билан «Тошкент иссиқлик маркази» давлат унитар корхонаси масъулияти чекланган жамиятга айлантирилади. Жамият «Тошкент иссиқлик маркази» ДУКнинг шартномалари, ҳуқуқлари ва мажбуриятлари бўйича ҳуқуқий ворис ҳисобланади.
Пойтахтдаги 11 та туманда уйларни иссиқлик ва электр билан таъминлаш бўйича тажриба ўтказилмоқда
Ҳукумат Тошкент шаҳрининг 11 та туманидаги иссиқлик тармоқлари сўнгги қисмларида жойлашган уйларни иссиқлик ва электр билан таъминлашни яхшилаш бўйича қарор қабул қилди. Бунинг учун зудлик билан когенерация ускуналари сотиб олинади.
Банкларда доллар курси ошди
Тижорат банклари 23 январь куни аҳолидан 1 АҚШ долларини 11 240 — 11 345 сўмдан сотиб олмоқда, сотиш курси эса аксарият банкларда 11 365 сўм.
Душанба куни Ўзбекистондаги ҳамма мактаблар ҳам очилмайди
Ўзбекистонда 23 январдан ваниҳоят мактабларда учинчи чорак бошланади. Бироқ иситиш билан боғлиқ муаммолар бўлган мактаблар ҳозирча дарсларни онлайн шаклда давом эттиради. Хусусан, Тошкент шаҳрида 57 та, Намангандаги 17 та мактабда ўқувчилар дарсларни масофадан бошлайди (рўйхат).
Ўзбекистонда электр энергиясидан қарздорларни тармоқдан узиш бошланади
27 январдан бошлаб электр энергиясидан қарзи бор истеъмолчилар яна автоматик тарзда тармоқдан узилади. Аввалроқ ўчиришлар аномал совуқ об-ҳаво сабаб тўхтатилганди.
Қўшимча имкониятларга эга булиш учун сайтда рўйхатдан ўтинг