Бўстонлиқ тумани Чорвоқ қўрғонида уй портлади. Ҳодиса оқибатида 4 фуқаро турли даражада жароҳат олиб, шифохонага ётқизилди.
Араб тили курсидаги хатти-ҳаракатлари учун ишдан олинган Тошкент туманидаги «Эшонхўжа ота» масжиди имом-хатиби Авазхўжа Баҳромов 3 суткага қамалди. У 27 январь куни ўқув марказида фуқаро М.А.ни сўкиб, майда безорилик содир этган.
Покистонда масжиддаги портлашда 44 кишининг ҳалок бўлгани, Япониядаги «Такахама» АЭС реактори ишида носозлик қайд этилгани, дунёда нефть нархининг пасайгани, АҚШда январь ойида қуролли зўравонлик бўйича антирекорд қайд этилгани ва бошқалар — «Газета.uz»нинг жаҳон янгиликлари дайжестида.
Ҳуқуқни муҳофаза қилиш органлари Камбағалликни қисқартириш ва бандлик вазирлиги матбуот котиби Мавжуда Мирзаевани ҳибсга олди. Унинг қизи Зарина Мирзаевага кўра, онаси билан уч кундан бери алоқа йўқ. Журналист Kompromatuzb Telegram-канали иши доирасида ДХХ тергов ҳибсхонасида тергов қилинмоқда.
Ислом Каримов ҳайкали пойига гулчамбар қўйган Шавкат Мирзиёев, «Специя» футбол клубига ўтган Элдор Шомуродов, илиқ об-ҳаво прогнози, ишга тушишни бошлаган метан «заправка»лар, Нукусда портлаган кўп қаватли уй, Россиядан АИ-80 бензин импорти бошлангани ва бошқалар — «Газета.uz»нинг кун дайжестида.
Ўзбекистонда 30 январдан автомобилларга газ тўлдириш компрессор станциялари фаолияти қайта тикланишни бошлади. Газ босими меъёрига келишига қараб тахминан 2−3 кунда барча метан «заправка»лар одатдаги режимда фаолият юритишни бошлайди.
28 январдан «Ўзбекнефтгаз» компаниясининг UNG Petro АЁҚШларида Россиянинг АИ-80 бензини сотуви бошланди. РФда бундай ёқилғи тадбиркорларнинг махсус буюртмаси билан ишлаб чиқарилади.
Санитария эпидемиология хизмати ўзини СЭС ходимлари дея таништириб, келиб чиқиши номаълум дориларни сотаётган фирибгарлардан огоҳлантирди. Шундай ҳолатлар юз берса, фуқаролар улардан хизмат гувоҳномаси, иш жойи ва дорини сотишга асос сўрашга ҳақли, дейилади СЭС хабарида.
Ўзбекистон ва Тожикистондан ишчи гуруҳлар давлат чегараларининг лойиҳа демаркация чизиғидан ўтказиш масалаларини муҳокама қилди. Шунингдек, чегараларнинг алоҳида участкаларида дала ўрганиш ишлари ҳам ўтказилди.
Қизил китобга киритилган Зарафшон қирғовулини овлаган браконьер аниқланди. Ундан 3,6 млн миқдорида табиатга етказилган зарар ундирилди ва БҲМнинг 5 баравари миқдорида жаримага солинди.
Термизда 46 нафар Афғонистон фуқароси Европа Иттифоқи ва БМТ Тараққиёт дастурининг қўшма лойиҳаси бўйича ҳайдовчиликка ўқитилди. Шунингдек, яна 35 нафари тикувчиликка тайёрланди.
Италиянинг «Рома» клуби ҳужумчиси бўлган ўзбекистонлик футболчи Элдор Шомуродов ижара асосида «Специя» клубига ўтди. Римликлар трансфердан 1,5 млн евро ишлаб олиши кутилмоқда.
Наманганда жамоат ва йўл ҳаракати хавфсизлигини таъминлашнинг Sergek интеллектуал тизими ишга туширилди. Қозоғистонлик мутахассилар ишлаб чиққан тизим махсус алгоритмлардан фойдаланган ҳолда қоидабузарликларни аниқлайди ва ИИБнинг ваколатли инспекторига юборади.
Покистоннинг Пешовар шаҳридаги масжид худкуш томонидан портлатилди. Қурбонлар сони 28 кишини, жароҳатланганлар 150 кишини ташкил этмоқда.
Республикада 2022 йилда ўртача номинал ойлик иш ҳақи 21,1 фоизга ошиб, 3,89 миллион сўмни ташкил қилди. Ҳудудлар орасида Тошкент, фаолият тури бўйича — банк соҳаси етакчиликни сақлаб қолди. Шу билан бирга, пойтахт ва ҳудудлар ўртасидаги иш ҳақи бўйича фарқ ошишда давом этмоқда.
Инсон ҳуқуқлари бўйича Human Rights Watch ташкилотининг 2022 йилги ҳисоботида Нукус воқеаларида ҳаддан ташқари куч ишлатилгани, кўплаб фуқаролар оғир жароҳат олгани ва баъзилари вафот этгани айтилган, шунингдек, парламент комиссияси мустақиллиги шубҳа остига олинган. Комиссия HRWга жавоб қайтарди.
Uzbekistan Airways баҳор мавсумидан бошлаб Милан ва Париж шаҳарларига авиақатновларни тиклайди. Парвозлар ҳафтада икки марта — сешанба ва жума кунлари амалга оширилади.
1 февралдан Ўзбекистонга Ўрта денгиз ҳудудларидан нам ва деярли илиқ ҳаво массалари кириб келади. Ҳарорат ҳафта давомида кечалари −1…+4 даражани, кундузи +5…+10 даражани ташкил этади. Республика бўйлаб вақти-вақти билан ёмғир ёғади.
Ўзбекистонда сел, кўчки ва сув тошқинлари каби фавқулодда вазиятларнинг олдини олиш бўйича доимий штаб ташкил этилди.
Нукусда икки бола кемирувчиларга қарши доридан заҳарланиб, шифохонага ётқизилди. Бироқ улардан бири реанимацион чора-тадбирларга қарамай вафот этди. Ижтимоий тармоқларда бу ҳолат тез тайёрланадиган лапша маҳсулотидан заҳарланиш дея тарқалганди.
Қўшимча имкониятларга эга булиш учун сайтда рўйхатдан ўтинг