USAID Самарқандда мигрантлар ва уларнинг оилалари учун иккинчи ахборот-маслаҳат марказини очди. Марказ хорижда одам савдоси билан шуғулланувчилар тузоғига тушиб қолмаслик учун тренинглар ўтказади ҳамда қайтиб келган мигрантлар ва уларнинг оила аъзоларига ҳуқуқий маслаҳат ва касб-ҳунар ўргатади.
Ўзбекистон-Сингапур бизнес-форумида салкам 5 млрд долларлик шартномалар имзоланди. Президент Сингапур компанияларини Ўзбекистонда хусусийлаштириш, шаҳар, транспорт инфратузилмасини ривожлантириш ва бошқа дастурларда иштирок этишга чақирди. Уларга кўмак чораларини тақдим этишга тайёрлигини билдирди.
Зиёвуддин Мирсодиқов «Вақф» хайрия жамоат фонди раиси этиб тайинланди. У шу пайтга қадар Тошкент шаҳридаги «Бўта бува» жоме масжиди имом-хатиби вазифасида фаолият юритган.
Бешариқ тумани ва Фарғона шаҳрида юз берган ЙТҲларда икки нафар фуқаро вафот этди, бир киши жароҳатланди.
Афсонавий цирк устаси Ҳаким Зарипов 99 ёшида вафот этди. У 80 йил давомида цирк манежида от устида томоша кўрсатиш билан шуғулланиб келган.
Президент суд тизимини сифат жиҳатидан яхшилаш учун тузилган 3 йиллик стратегияни тасдиқлади. Унга кўра, судлар фаолияти тўлиқ рақамлаштирилади. Суд-ҳуқуқ соҳасидаги қонунчиликни таҳлил қилиш бошқармаси негизида Одил судлов соҳасида қонунчиликни таҳлил қилиш департаменти очилади.
Киев вилоятида юз берган вертолёт қулаши оқибатида Украина ички ишлар вазири, унинг биринчи ўринбосари ва давлат котиби ҳалок бўлди. Ҳозиргача 17 кишининг, жумладан, икки нафар боланинг вафот этгани маълум — вертолёт болалар боғчасининг олдига қулаган.
Олимлар Ўзбекистондаги Тешиктош ғоридан топилган неандертал боланинг кўринишини намойиш этди. Бу биринчи бор 3D-реставрация ёрдамида тошга айланган одам бош суягини компьютерда тикланиши.
Тошкент шаҳрида кўча-йўл тармоғининг ўтказувчанлик қобилиятини ошириш, тирбандликлар юзага келишининг олдини олиш ва уларнинг сонини кескин камайтириш режалаштирилмоқда. Хусусан, пойтахтнинг марказий кўчаларида ҳаракатланаётган енгил машиналар сони 20 фоизгача қисқартирилади.
Қишки таътил кунлари узайтирилиши муносабати билан Тошкент-Термиз ва Тошкент-Урганча йўналишида 21−22 январь кунлари қўшимча поезд қатновлари йўлга қўйилади.
Жарқўрғон туманида 2 шахс нодавлат университет очиб, 18 кишининг 152,9 млн сўмини олиб, ўз эҳтиёжига ишлатиб юборганликда гумонланмоқда. Деновда эса яна бир фуқаро ўқишга киритиб қўйиш учун пора олгани айтилмоқда. Уларга нисбатан жиноят иши очилди.
Маданият ва туризм вазири ўринбосари Улуғбек Азамов Болгария туризм вазири Илин Димитров билан учрашди. Томонлар икки мамлакат ўртасида авиақатновларни йўлга қўйиш, ўзаро сайёҳлар оқимини ошириш ва тадбиркорлик субъектлари алоқаларини ўрнатиш юзасидан музокаралар олиб борди.
Тижорат банклари 18 январь куни аҳолидан 1 АҚШ долларини 11 290 — 11 345 сўмдан сотиб олмоқда, сотиш курси эса аксарият банкларда 11 375 сўм.
ИИВ раҳбари Пўлат Бобожонов энергия ресурслари билан боғлиқ муаммолар юзасидан тезкор йиғилиш ўтказди. Масъулларга вазирлик академияси базасида оғир вазиятларда 100 та оилага мўлжалланган яшаш хоналарини ташкил этиш, маҳаллаларда «Исиниш пунктлари»нинг фаолиятини таъминлаш вазифасини топширди.
Тупроққалъа туманидан ўтувчи А-380 автомобиль йўлида бензин ташувчи МАN юк машинаси ёниб кетди. Ёнғин деярли 3 соат давом этган. Унинг оқибатида жароҳат олган ва ҳалок бўлганлар йўқ, дейилади Хоразм вилояти ФВБ хабарида.
Жиззах шаҳрида автобусни йўловчиларсиз бошқарган ҳайдовчи ухлаб қолиб, «заправка»да навбат кутиб турган 7 та машинага бориб урилди. ЙТҲ оқибатида бир ҳайдовчига тиббий ёрдам кўрсатилди.
Тошкент кенгаши раиси ўринбосари Тошпўлат Матибоев кенгаш собиқ ҳокимга мурожаат эълон қилмаганини билдирди. Жаҳонгир Ортиқхўжаевга миннатдорчилик билдирилган мурожаатнома кенгашнинг Telegram каналида эълон қилиниб, кейинроқ ўчириб ташланган эди.
4-марта узайтирилган қишки таътил, вилоятларда ҳам қилинаётган ҳарбий дала ошхоналари, ҳарбий хизматда ўзини ўлдиргани айтилган 20 ёшли йигит, 1 йилда «Тез ёрдам»га 13 млндан кўп чақириқ, электр таъминоти корхонаси ходимига пичоқ билан таҳдид қилган аёл ва бошқалар — «Газета.uz»нинг кун дайжестида.
АҚШ Ўзбекистон Давлат хавфсизлик хизмати Чегара қўшинларига 225 дона FLIR инфрақизил монокуляр тақдим этди
UzAuto Motors ҚҚС ставкаси 15 фоиздан 12 фоизга туширилиши ҳисобига харидорлар учун автомобиллар нархини пасайтирмоқда. Бироқ автомобиль ишлаб чиқарувчиси шартномалар бериш қайта тикланганидан кейин эҳтимолий нарх ошиши борасида изоҳ бергани йўқ.
Қўшимча имкониятларга эга булиш учун сайтда рўйхатдан ўтинг