Иқтисодиёт
Бухоронинг тарихий қисми яқинидаги туристик марказ лойиҳаси 470 млн долларга баҳоланмоқда
Бухоронинг тарихий қисми билан чегарада этнографик сайёҳлик маркази қурилиши 470 млн долларга баҳоланмоқда. Ҳокимлик ЮНЕСКО хулосасини олгандан кейингина якуний қарор қабул қилиб, қурилиш ишларини бошлашини билдирганди, бироқ стадионни бузиш ишлари аллақачон бошлаб юборилган.
Ўзбекистонда 1 июлдан бошлаб аҳолига кредит бериш талаблари кучайтирилмоқда
Ўзбекистонда 1 июлдан бошлаб қарз юки кўрсаткичини жорий этиш орқали аҳолига кредит бериш талаблари кучайтирилмоқда. Агар қарз олувчи даромадининг 60 фоизини қарзни тўлаш учун ишлатса, банклар кредит беришдан бош тортишлари керак. 2025 йил 1 январдан бошлаб бу кўрсаткич 50 фоизгача қисқартирилади.
Минтақавий газ савдосини фаоллаштириб, Ўзбекистондаги газ талаби ва таклифи тафовутини бартараф этиш мумкин — Жаҳон банки
Марказий Осиёда минтақавий газ савдосини фаоллаштириш ва Туркманистондан газ импортини ошириш орқали Қозоғистонда кўмир ўрнини босиш, Ўзбекистонда юзага келаётган талаб ва таклиф ўртасидаги тафовутни бартараф этиш мумкин, дейилади Жаҳон банкининг углерод нейтраллигига эришиш бўйича ҳисоботида.
Ўзбекистондаги энг йирик газ омбори — «Газли»нинг таъсисчиси ўзгарди. Лойиҳа ҳақида нималар маълум?
Gazli Gas Storage ҚКнинг назорат пакети (60%) Россиянинг «Форус»идан Гонконгнинг Daxon Holdings компаниясига ўтди. Бу компания ҳақида интернетда маълумот деярли йўқ. У Ўзбекистондаги энг йирик газ омбори — «Газли»ни бошқаради, яъни мамлакатнинг газ сақлаш бўйича энергия балансига таъсир кўрсатади.
Тошкент вилоятида майнинг ферма 3 млрд сўмлик электрдан ноқонуний фойдалангани аниқланди
Тошкент вилоятида хонадон ертўласида майнинг ферма ташкил қилган фуқаро 3 млрд сўмлик электрдан ноқонуний фойдалангани маълум бўлди.
IT соҳасида Zero Risk, Local to Global ва «рақамли инклюзивлик» дастурлари амалга оширилади
Президентга IT соҳаси бўйича учта дастур тақдим этилди. Zero Risk IT хизматлари экспорт қилувчиларни жалб қилишга қаратилган. Local to Global IT компанияларга жаҳон бозорига киришда ёрдам беради. «Рақамли инклюзивлик» лойиҳаси ёшлар, аёллар ва имконияти чекланган шахсларни IT`га ўргатади.
Президент Uzbekistan Airways`ни IPO`га чиқариш ва авиасаноатни трансформация қилиш масалаларини муҳокама қилди
Жорий йилда Uzbekistan Airways`га халқаро кредит рейтинги олиш ва уни IPO`га чиқариш жараёни бошланиши лозим. Президент авиация соҳасида давлат корхоналарини трансформация қилишни жадаллаштириш масалаларини муҳокама қилди.
«Ёлғонлар шаҳри». Андижон шаҳри депутати — ободонлаштириш бошқармаси харажатларидаги тафовут ва кўчат нархининг ошириб кўрсатилган нархи ҳақида
Андижон шаҳри депутати Жаҳонгир Жиянов ободонлаштириш бошқармасининг харажатлари бўйича маълумотларда 4 млрд сўмлик фарқ борлигини аниқлади. Унинг сўзларига кўра, бошқарма салкам 2 млрд сўмга учта ўсимлик қаламчаси сотиб олган. Ҳоким эса техник хатолик юз берганини айтди.
Ўзбекистонда истеъмолчиларга электроэнергия узилишларидан кўрган зарарини қоплаб бериш режалаштирилмоқда
Ўзбекистонда электр энергияси етказиб бериш бўйича намунавий шартномага ўзгартиришлар киритилиши режалаштирилмоқда. Улар аҳоли ва тадбиркорларга электр энергияси таъминотидаги узилишлар оқибатида кўрган зарари учун суд орқали компенсация ундириш имконини беради.
Ўзбекистонда долларнинг сўмга нисбатан расмий курси 12 500 сўмдан ошди
Ўзбекистон Марказий банки томонидан белгиланган АҚШ долларининг расмий курси 12 500 сўмдан ошди ва ўзининг тарихий максимал қийматини янгилади. Йил бошидан буён миллий валюта 1,4 фоизга қадрсизланди.
Тошкентдаги собиқ МХХ биноси ўрнида қуриладиган меҳмонхона лойиҳаси 100 млн долларга баҳоланмоқда
Дониёр Камиловнинг Metropol Group компанияси Сайилгоҳ кўчасидаги 22 қаватли меҳмонхона мажмуаси қурилишига 100 миллион доллар сармоя киритмоқчи. У ерда аввал собиқ МХХ биноси жойлашганди.
Чекловлар киритилишига сабаб бўлган Бухородаги 2 та электр узатиш тармоғида юз берган носозлик бартараф этилди
Энергетика вазирлиги Бухоро вилоятида кучли шамол оқибатида юқори кучланишдаги 2 та электр узатиш тармоғида юз берган носозлик тўлиқ бартараф этилганини маълум қилди. Шунингдек, вазирлик 21 февраль куни 12 минг тонна мазут ёқилганини қайд этди.
Тошкентда 1 йил ичида иккиламчи бозордаги уй-жойларнинг ўртача нархи деярли 20 фоизга ошди — ИТИМ
Тошкентдаги уй-жойларнинг иккиламчи бозордаги ўртача нархи бир йилда деярли 20 фоизга ошди, дейилади Иқтисодий тадқиқотлар ва ислоҳотлар маркази маълумотида. Январда иккиламчи уй-жойлар ўртача нархи квадрат метри учун 1122 долларни ташкил этди. Бектемир, Сергели ва Яшнободда нархлар бироз ошди.
Ўзбекистон ва Афғонистон Ҳайратон — Мозори Шариф темирйўлини реконструкция қилишни бошлади (+ фото)
Ўзбекистон ва Афғонистон чегарасида Ҳайратон — Мозори Шариф темирйўл линиясини реконструкция қилишнинг очилиш маросими бўлиб ўтди. Таъмирлаш ишларининг биринчи босқичига «Ўзбекистон темир йўллари» компанияси томонидан 120 нафар ишчи жўнатилди. Фото.
Ўзбекистондаги бир нечта банклар Contact хизмати билан ишлаш тўхтатилгани ҳақида хабар берди
Ўзбекистондаги бир қанча банклар Contact пул ўтказмалари тизими билан ишлашни тўхтатганини маълум қилди. Ушбу хизматнинг оператори QIWI Банк бўлиб, унинг лицензияси Россия Марказий банки томонидан қайтариб олинди.
Ўзбекистонда газ, нефть ва бошқа энергия ресурсларини қазиб олиш ҳажми пасайишда давом этмоқда
Январь якуни бўйича Ўзбекистонда газ қазиб олиш ҳажми 3,99 млрд куб метрни ташкил этди, бу 2023 йил январига нисбатан 9,4 фоизга кам, сўнгги ойлардаги ҳажмлардан эса юқори. Нефть, кўмир, бензин ва дизель ёнилғиси ишлаб чиқариш ҳажми ҳам пасайган. Ишлаётган саноат корхоналари 25,2 мингтага камайди.
Озарбайжон холдинги Тошкентда Ritz-Carlton меҳмонхонасини қуриши мумкин
Озарбайжоннинг Pasha Holding компанияси Тошкентда беш юлдузли Ritz-Carlton меҳмонхонаси қуришни режалаштирмоқда. Лойиҳа қиймати 200 млн долларга баҳоланмоқда.
Ўзбекистон Россия гази импортини ошириш учун 500 млн доллар ажратишни режалаштирмоқда
Ўзбекистон ҳукумати «шимолдан» газ импорти ҳажмини ошириш учун магистрал газ тизимини 500 млн долларга модернизация қилмоқчи. Ўзбекистон ҳозирда бу йўналиш орқали Россия газини олади. Етказиб бериш ҳажмини кунига 9 млн куб метрдан 32 млн куб метргача ошириш режалаштирилган.
Ўзбекистонда йилига иккитадан ортиқ автомобиль сотганлик учун солиқ жорий этилиши мумкин
Ўзбекистонда йил давомида иккитадан ортиқ автомобиль сотганларга солиқ солиш тизими жорий этилиши мумкин. Ушбу чора автомобилларни қайта сотишда чайқовчиликнинг олдини олишга қаратилган. Шунингдек, даромад солиғини ҳисоблашда чегириб ташланмайдиган харажатлар сони камайтирилиши мумкин.
Япония Ўзбекистонга иқтисодий ислоҳотларни давом эттириш учун 246,2 млн доллар кредит ажратади
Ўзбекистон иқтисодий ислоҳотларни давом эттириш ва аҳолининг ижтимоий ҳимояга муҳтож қатламларини қўллаб-қувватлаш учун Япониядан 246,2 млн доллардан ортиқ кредит олади.
Энг кўп ўқилган хабарлар | Сўнгги янгиликлар
- Тожикистон шу ойда Марказий Осиё ягона энергетика тизимига қўшилади — Ўзбекистон энергетика вазири
- Ўзбекистонда автомобиллар савдоси кетма-кет учинчи ой пасаймоқда
- Президент Coca Cola компаниясининг истиқболли лойиҳаларини қўллаб-қувватлади
- Газ ва электр энергияси тарифларини оширишда газ импорти ҳисобга олинган — энергетика вазири
Қўшимча имкониятларга эга булиш учун сайтда рўйхатдан ўтинг