Иқтисодиёт
«Бизга БелАЗ керак. Бу ерга маҳаллийлаштириш, қўшма корхона керак» — президент
Шавкат Мирзиёев Беларусь раҳбари Александр Лукашенко билан музокаралар чоғида Ўзбекистонда мисни бойитиш фабрикалари қуриш учун БелАЗ билан ҳамкорликда кон самосваллари ишлаб чиқаришни маҳаллийлаштириш бўйича қўшма корхона ташкил этиш зарурлигини айтди.
2023 йилда Uzcard ва Humo`да амалга оширилган картадан картага пул ўтказмалари ҳажми 1,5 баравар кўпайди
2023 йилда Uzcard ва Humo тизимларида амалга оширилган картадан картага пул (P2P) ўтказмалари ҳажми 224,3 трлн сўмни ташкил этиб, 2022 йилга нисбатан 80,8 трлн сўмга ёки 56 фоизга кўпроқ бўлди. QR-кодлардан фойдаланиб амалга оширилган тўловлар суммаси 2,5 баробарга ошди.
Ўзбекистон суд орқали Binance`дан лицензиясиз ишлаганлик учун жарима тўлашни талаб қилмоқда
Ўзбекистонда лицензиясиз фаолият юритгани учун Истиқболли лойиҳалар миллий агентлиги томонидан 102 млн сўм жаримага тортилган Binance криптобиржаси буни тўлашдан бош тортди. Эндиликда сумма суд орқали ундирилиши, суд қарори криптобиржа рўйхатдан ўтган юрисдикцияга юборилиши айтилди.
Муомаладаги нақд пул улуши яна қисқармоқда, карталардан нақд пул ечиб олиш камаймоқда — МБ
Ўзбекистонда 2023 йил якуни бўйича нақд пулнинг умумий пул массасидаги улуши 2022 йилги ўсишдан кейин 21,5 фоизгача камайди. Карталарга тушган маблағлар тобора камайиб бормоқда — сўнгги беш йил ичида кўрсаткич 32 фоиздан 24 фоизга тушди.
Президент BYD ҳамкорлигида электромобиллар бутловчи қисмларини ишлаб чиқаришни йўлга қўйиш бўйича топшириқ берди
Президент электромобиллар саноатидаги лойиҳаларни жадаллаштириш, шунингдек, Хитойнинг BYD компанияси билан бирга электромобиллар учун бутловчи қисмлар ишлаб чиқаришни маҳаллийлаштириш топшириғини берди. Шунингдек, «электрозаправкалар»ни ривожлантириш дастурини ишлаб чиқиш режалаштирилган.
Ўзбекистонга автомобиль импорти 2,4 баробар, хусусан, Хитойдан 5,2 баробар ошди
2023 йилда Ўзбекистон 73 мингдан ортиқ автомобиль импорт қилди, бу аввалги йилга нисбатан 2,4 баробар кўп. Хитойдан автомобиль олиб келиш ҳажми эса 5,2 баробар ошди. Импорт қиймати қарийб 1,8 миллиард долларга етди.
Ўзбекистон 2023 йилда дунёда энг кўп олтин сотган иккинчи мамлакат бўлди
2023 йил якуни бўйича Ўзбекистон дунёда иккинчи энг кўп олтин сотган мамлакат бўлди. Олтин бўйича соф савдо 25 тоннадан ортиқни ташкил этиб, биринчиликни эгаллаган Қозоғистондан икки баробар кам кўрсаткични қайд этди. Шунингдек, мамлакат декабрь ойида 9 тонна олтин харид қилди.
Исроил қурилиш ишларига Ўзбекистон фуқароларини ёлламоқчи
Исроил Ғазо секторидаги можаронинг кучайиши ортидан ишчи кучи танқислигига дуч келди. Расмийлар қурилиш соҳасидаги фаластинликлар ўрнини Ўзбекистон, Ҳиндистон ва Шри-Ланка мигрантлари ҳисобига тўлдиришни режалаштирмоқда. Учта давлатдан умумий ҳисобда 65 минг ишчи келиши кутилмоқда.
«Биз ҳар қандай импорт чекловига қаршимиз. У бизга зарар» — Жаҳонгир Ортиқхўжаев
Тошкент шаҳри собиқ ҳокими, тадбиркор Жаҳонгир Ортиқхўжаев ҳар қандай импорт чеклови қўйилишига қаршилиги, бундай чоралар унинг корхоналарига зарар эканини таъкидлади. «Биз тўлаётган солиқлар ҳам, импорт учун солиқлар ҳам „ноль“ бўлса, биз ютар эканмиз, кўпроқ фойда топар эканмиз», — деди у.
«Менда бошқа ғоялар ҳам бор, бу билан чегараланиб қолган жойим йўқ-ку?» Жаҳонгир Ортиқхўжаев — Magic City сотилгани ҳақида
Magic City боғига эгалик қилган Тошкент шаҳри собиқ ҳокими ва тадбиркор Жаҳонгир Ортиқхўжаев ушбу лойиҳа қандай пайдо бўлгани ва нима учун уни сотишга қарор қилгани ҳақида гапирди. «У ерда муаммо кўп. Аммо менда бошқа ғоялар ҳам бор, бу билан чегараланиб қолган жойим йўқ-ку?» — дея таъкидлади у.
Ўзбекистонда 1 апрелдан ҚҚС бўйича айрим имтиёзлар бекор қилинади
Солиқ қўмитаси Ўзбекистонда 1 апрелдан бекор бўладиган ҚҚС бўйича айрим имтиёзлар ҳақида эслатди. Унга кўра, тиббий хизматлар, дори воситалари, сув таъминоти, канализация иссиқлик таъминоти ва яна бир қатор соҳаларда ҚҚС қайта жорий этилади.
Ўзбекистон ЕОИИ дастур ва лойиҳаларидаги иштирокини кенгайтирмоқчи
Бош вазир Абдулла Арипов Ўзбекистон ЕОИИнинг кўп томонлама дастур ва лойиҳаларидаги иштирокини кенгайтириш ниятида эканини таъкидлади. Шунингдек, у яшил йўлакларни тўлиқ ишга тушириш ва қишлоқ хўжалиги маҳсулотлари эркин савдосини йўлга қўйиш бўйича чора-тадбирлар ишлаб чиқишни таклиф қилди.
Жаҳонгир Ортиқхўжаев — бизнес, ўқиш ва ишлаш ўртасидаги танлов ҳамда маҳсулотни тарғиб қилиш ҳақида
Тошкентнинг собиқ ҳокими, тадбиркор Жаҳонгир Ортиқхўжаев бизнес марафонда ёшларнинг саволларига жавоб берди. «Отам бизнесга киришимдан қўрқарди. Бир кун қамалиб кетасан дерди», — дейди у. Ортиқхўжаев, шунингдек, Artel рекламасига нега Баҳодир Жалолов танлангани ҳақида гапирди.
Президент НКМК, ОКМК, «Ўзметкомбинат» ва «Навоийуран»ни ривожлантириш лойиҳалари билан танишди
Президент Навоий ва Олмалиқ КМК, «Ўзметкомбинат» ва «Навоийуран»ни ривожлантириш масалаларини муҳокама қилди. НКМК олтин захираларини 1000 тоннага оширишни, ОКМК мис ишлаб чиқаришни 170 минг тоннага етказишни, «Ўзметкомбинат» эса ишлаб чиқариш таннархини 20 фоизга камайтиришни режа қилмоқда.
Жаҳонгир Ортиқхўжаев 7 та компаниясини сотганини маълум қилди. Ҳозир улар кимга тегишли?
Тошкент шаҳрининг собиқ ҳокими ва тадбиркор Жаҳонгир Ортиқхўжаев ўзининг 7 та компанияси, жумладан, Magic City парки ва Mediapark техника дўконлари тармоғини сотганини айтди. «Газета.uz» очиқ маълумотларга асосланиб, айни пайтда ушбу компаниялар кимга тегишли эканини ўрганиб чиқди.
Бухородаги туристик марказ аввал қаерда режалаштирилган бўлса, ўша ерда қурилади. Лойиҳа ҳақида нималар маълум?
Бухоро шаҳри марказида ўнлаб давлат объектлари, жумладан, ҳокимлик бинолари ва стадион жойлашган 32,6 гектар майдонда этнографик туризм маркази барпо этилади. Вилоят ҳокими Ботир Зарипов ўтган йили фуқароларнинг норозилигидан сўнг тўхтатилган лойиҳа тафсилотлари ҳақида гапирди.
Ўзбекистонда январь ойида инфляция 0,64 фоизни ташкил этди
Ўзбекистонда январь ойида озиқ-овқат маҳсулотлари нархи 0,7 фоизга, ноозиқ-овқат маҳсулотлари 0,4 фоизга, хизматлар 0,9 фоизга қимматлашди. Озиқ-овқат маҳсулотлари инфляциясида мева-сабзавотларининг нархи ошиши асосий омилга айланди. Шунингдек, чиқинди хизмати, бензин ва пропан нархлари ошди.
«Ташаббусли бюджет»нинг «Бир фуқаро — бир овоз» тизими қандай ишлайди? Вазирлик жавоби
Энди «Ташаббусли бюджет»даги лойиҳаларда «Бир фуқаро — бир овоз» тизими амал қилади. Яъни бир фуқарода бир неча телефон рақами бўлса ҳам, у фақат биттасидан овоз бера олади. Молия вазирлигига кўра, «SIM картани ким ишлатаётгани аҳамиятсиз, у кимнинг номидалиги муҳим». Батафсил.
Тадбиркорлар рейтинги қандай тузилади? Мезонлар
Ўзбекистонда тадбиркорларнинг барқарорлик рейтингини ҳисоблаш учун 23 та мезон, жумладан, 9 та жарима ва 4 та рағбатлантириш қўлланади. Бу компаниянинг фаолият даври, рентабеллик даражаси, кўчмас мулк ёки ер участкасининг мавжудлиги, ходимлар иш ҳақи ва бошқаларни ўз ичига олади.
Ўзбекистонда 2024 йилда 450 минг дона енгил автомобиль ишлаб чиқариш мақсад қилинмоқда
Ўзбекистондаги маҳаллий автомобилсозлик корхоналари томонидан 2024 йилда 450 минг дона енгил автомобиллар ишлаб чиқаришга эришиш ва ADM Jizzakh корхонаси негизида Кореянинг KIA бренди остида автомобилларни тўлиқ циклда ишлаб чиқариш мақсад қилинмоқда. Бу 2024 йилга оид давлат дастурига киритилган.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг