«ssv» tegli maqolalar
Hududlarga 110 ta Volkswagen Caddy tez tibbiy yordam mashinalari tarqatildi
Sog‘liqni saqlash vazirligi hududlarga tez tibbiy yordam xizmati uchun 110 ta Volkswagen Caddy mashinasini topshirdi. Shu paytga qadar «103» xizmatida 2938 dona avtomobil xizmat ko‘rsatib kelgan.
«Tasdiqlansa, to‘lanishi mumkin». SSV «Dok-1 Maks»dan o‘lgan bolalarning yaqinlariga kompensatsiya to‘lanishi haqida
«Dok-1 Maks» siropidan vafot etgan bolalarning yaqinlariga kompensatsiya to‘lab beriladimi? «Gazeta.uz» muxbirining ushbu savoliga javob berar ekan, SSV rahbari o‘rinbosari Elmira Basitxanova «hujjat bilan tasdiqlansagina, kompensatsiya to‘lash bo‘yicha yuridik jarayonlar boshlanishi mumkin», deya javob berdi.
SSV: 2022 yilda «Tez yordam»ga 13 milliondan ortiq chaqiriq kelib tushdi
2022 yil davomida «Tez yordam» xizmatiga 13 milliondan ortiq murojaat kelib tushgan, 1,1 million kishi kasalxonaga yotqizilgan. 2021 yilda bu chaqiriqlar soni 12,5 millionni tashkil etgandi.
Andijonda tez yordam inspektori pora olishi ortidan filial direktori ishdan bo‘shatildi
Respublika tez tibbiy yordam markazi Andijon filiali kadrlar bo‘limi inspektori fuqarodan 400 dollar pora olganda ushlandi. Muassasa xodimlari orasida yetarlicha tushuntirish ishlarini olib bormagani uchun filial direktori va kadrlar bo‘limi boshlig‘i lavozimidan ozod etildi. Tergov harakatlari olib borilmoqda.
IIV va SSV: Tez tibbiy yordam mashinalariga yozilgan jarimalar bekor qilinadi
Tez tibbiy yordam avtomobillariga jarima belgilanayotgani va ular bekor qilinmayotgani haqida xabarlar tarqaldi. IIV va SSV holat bo‘yicha qo‘shma bayonot e’lon qilib, ushbu turdagi jarimalar bekor qilinishini ma’lum qildi.
Anomal sovuq kunlari keksalar va bolalarning ko‘chaga chiqmasligi tavsiya etildi
O‘zbekistonga 9 yanvardan Volgabo‘yi hududlaridan sovuq havo massasi kirib kelishi boshlanadi. 10−15 yanvar kunlari anomal sovuq kuzatiladi. Bunday sharoitda keksalar va bolalarning ko‘chaga chiqmasligi tavsiya etildi. SSV, shuningdek, sovuqdan saqlanish bo‘yicha tavsiyalar berdi.
«Dok-1 Maks»dan bolalar o‘lgani haqida xabar bergani uchun ishdan olingan bosh shifokor lavozimiga qaytishi mumkin
«Dok-1 Maks»dan bolalar o‘lgani haqida xabar bergani uchun ishdan bo‘shatilgan Samarqand viloyati bolalar ko‘p tarmoqli tibbiyot markazi bosh shifokori Mamatqul Azizov lavozimiga tiklanishi mumkin. SSVga ko‘ra, bu jarayon yuzasidan yuristlar ish olib bormoqda. Keyinroq yakuniy rasmiy ma’lumot taqdim etiladi.
Toshkent shahri va Navoiy viloyatida tibbiy sug‘urta tizimi ishga tushadi
1 iyuldan Toshkent shahrida tibbiy sug‘urta tizimi mexanizmlari joriy etiladi. Poytaxtdagi 72 ta poliklinika va 40 ta shifoxona kompyuter jihozlari, zarur tibbiy uskunalar bilan ta’minlash uchun 30 mlrd so‘m beriladi. Navoiy viloyatida bu tizimni ishga tushurishni vazirlik o‘ziga majburiyat sifatida oldi.
O‘zbekistonda «Xonadon dori qutisi» nazoratdan o‘tkaziladi
SSVga ko‘ra, «Dok-1 Maks» dorisidan bolalarning ommaviy o‘limi kuzatilganidan so‘ng uyma-uy yurgan holda «Xonadon dori qutisi» nazoratdan o‘tkaziladi. Quramax Medical kompaniyasining barcha dori vositalarini qabul qilmaslik va iste’moldan chiqarish yuzasidan zarur choralar ko‘riladi.
SSV tizimida yana bir bor «Korrupsiyaga qarshi kurash yili» e’lon qilindi
Dekabr so‘ngida sog‘liqni saqlash vaziri lavozimiga tayinlangan Amrillo Inoyatov tizimda 2023 yilni Korrupsiyaga qarshi kurash yili deb e’lon qildi. «Ishonch telefoni sifatida o‘zimning shaxsiy raqamimni ham kiritaman», — dedi u. Vazirlik tizimida 2020 yil ham korrupsiyaga qarshi keskin kurash yili bo‘lgandi.
Sirdaryoda «Dok-1 Maks» siropi 7 nafar bolaga nojo‘ya ta’sir qilgani ma’lum bo‘ldi
Sirdaryo viloyati SSV rahbari o‘rinbosari «Dok-1 Maks» dori vositasi 7 nafar bemor bolaga nojo‘ya ta’sir qilganini ma’lum qildi. Hozirda ulardan 4 nafari sog‘ayib chiqqan, 3 nafari esa jonlantirish bo‘limida davo-muolajalarini davom ettirmoqda.
O‘zbekistonda yangi yilning birinchi kunida 2155 chaqaloq dunyoga keldi
2023 yilning birinchi kunida O‘zbekistonda 2155 chaqaloq dunyoga keldi. Ularning 1056 nafari qiz, 1099 nafari o‘g‘il bolalardir. Eng ko‘p go‘dak Farg‘ona viloyatida (252 nafar) tug‘ildi.
Sog‘liqni saqlash vaziri Yangi yilga o‘tar kechasi poytaxtdagi shifoxonalarga bordi
30 dekabrda lavozimga tayinlangan sog‘liqni saqlash vaziri Amrillo Inoyatov Yangi yilga o‘tar kechasi poytaxtdagi davolash muassasalariga bordi va shunday dedi: «Shifoxonalardagi muammolarni kabinetda o‘tirib hal qilib bo‘lmaydi». Inoyatovdan oldingi vazir Behzod Musayev ham faoliyatini shunday boshlagandi.
Bayram kunlari tibbiyot muassasalari uzluksiz ishlaydi
Yangi yil bayrami kunlari respublikadagi barcha tibbiyot muassasalari xodimlari navbatchilik asosida tunu kun ishlaydi. «Muassasalar zarur dori-darmonlar bilan ta’minlanib, zaxira o‘rinlari yaratilgan», — deyiladi SSV xabarida.
«Dok-1 Maks» kabi boshqa siroplarni ichish o‘lim holatlariga olib kelishi mumkinmi?
SSV Onalik va bolalikni muhofaza qilish boshqarmasi «Dok-1 Maks» kabi boshqa siroplar tarkibi ham chuqur o‘rganilayotganini ma’lum qildi. Shuningdek, boshqarma boshlig‘i bolalar orasida shamollash, diareya va tana harorati ko‘tarilishi kuzatilganida nima qilish kerakligi borasida tavsiyalar berdi.
SSV 19-o‘limdan keyingina aholini «Dok-1 Maks» dorisidan ogohlantira boshladi
O‘zbekistonda «Dok-1 Maks» dorisi oqibatida 19 nafar bola vafot etgandan so‘ng SSV aholini ommaviy ravishda ushbu dorini sotib olmaslik haqida ogohlantirishni boshladi. Lekin xabarda dori tarkibida zaharli modda — etilenglikol borligi qayd etilmagan.
Bolalar o‘limi haqida xabar bergan Samarqand viloyati bolalar tibbiyot markazi bosh shifokori ishdan bo‘shatildi
Sog‘liqni saqlash vazirligi Samarqand viloyati bolalar ko‘p tarmoqli tibbiyot markazi bosh shifokori, «Dok-1 Maks» siropini qabul qilib vafot etgan bolalar haqida birinchi bo‘lib xabar bergan professor Mamatqul Azizov ishdan bo‘shatilganini tasdiqladi.
«Dok-1 Maks» dorisi tarkibida zaharli modda — etilenglikol topildi
SSV 18 nafar bola «Dok-1 Maks» siropini ichib vafot etganini tasdiqladi. Aniqlanishicha, dori shifokor retseptisiz, mustaqil yoki farmatsevt tavsiyasi bilan sotib olingan va me’yordan ortiq dozada qabul qilingan. Holat o‘rganilgach, yetti nafar mas’ul ishdan olindi. Dori savdosi esa to‘xtatildi.
«Bodikamera himoya vositasi bo‘lolmaydi». SSV deputat taklifiga munosabat bildirdi
SSV vakili deputatning shifokorlarni bodikamera bilan ta’minlash haqidagi taklifiga munosabat bildirdi. Ta’kidlanishicha, bodikamera YPX xodimlarini himoya qilolmagandek, «tez yordam» xodimlariga ham yordam berolmaydi. «Bodikameraga qanchalik ehtiyoj borligini chuqurroq o‘ylab ko‘rishimiz kerak», — dedi u.
Toshkentdagi aholi gavjum hududlarda 170 ta mini-poliklinika ish boshlaydi
Poytaxtning 12 ta tumanidagi ko‘p qavatli uylar hududida 170 ta mini-poliklinika tashkil etiladi. SSV bu aholini oddiy ko‘riklar uchun ham poliklinikaga qatnash ovoragarchiligidan xalos qilishini ta’kidlamoqda. Loyiha natijalari tahlil qilingach, 6 oydan so‘ng boshqa hududlarga tatbiq etiladi.
Eng ko‘p o‘qilgan xabarlar | So‘nggi yangiliklar
- Chevrolet avtomobillarini endi yanada qulay shartlarda xarid qilish mumkin
- Urgutdagi tog‘da adashib qolgan fuqarolar qutqarildi
- Yo‘l qoidalari buzilganda vakolatli organ 15 kun ichida qaror chiqarmasa, haydovchi jarimaga tortilmasligi belgilanmoqda (xabar yangilandi)
- Chevrolet va Ipak Yo‘li Banki qulay shartlardagi avtomobil xaridini taklif qilmoqda
- O‘zbekistonga shu vaqtgacha Britaniyaning qaysi vazirlari kelib ketgan?
Qo‘shimcha imkoniyatlarga ega bulish uchun saytda ro‘yxatdan o‘ting