«ssv» tegli maqolalar
“Aksariyat holatlarda pora bergan odam jazolanmayapti” — SSV rahbari
“Har bir tizim boshida turganlarning o‘zi va jamoasida korrupsiyaga qarshi kurashish bo‘yicha xohish bo‘lishi kerak”, — dedi SSV rahbari Asilbek Xudayarov. Aksariyat holatlarda porani bergan odam jazolanmay qolayotganini aytgan vazir v.b. uning jamoasi korrupsiyaga qarshi kurashishga tayyor ekanini ta’kidladi.
Andijon viloyati SSBga yangi rahbar tayinlandi
Shohruxmirzo Mamajonov Andijon viloyati sog‘liqni saqlash boshqarmasi boshlig‘i etib tayinlandi. Tayinlovga qadar u SSV Fan-ta’lim va innovatsiyalar boshqarmasi Malaka oshirish va qayta tayyorlash bo‘limi boshlig‘i sifatida faoliyat ko‘rsatib kelayotgan edi.
Yozda quyosh urishidan qanday himoyalanish mumkin?
SSV yoz faslida oftob urishi, xalq tilidagi dam o‘tishi holati ko‘p uchrashini inobatga olib, undan saqlanish bo‘yicha bir necha tavsiyalar berdi. Ko‘proq suyuqlik ichish, yopiq joylarda bo‘lish, ochiq rangli liboslar va bosh kiyim kiyish shular jumlasidandir.
O‘tkir diareyadan qanday saqlanish mumkin? SSV tavsiyalari
SSV yozda aholi, ayniqsa, bolalar o‘rtasida avj oladigan o‘tkir diareya belgilarini sanab, qanday qilib kasallikning oldini olish mumkinligi bo‘yicha tavsiyalar berdi. Gigiyenaga rioya qilish, qaynatilgan suv ichish, shifokor maslahatisiz antibiotiklarni qo‘llamaslik shular jumlasidan. Batafsil.
“Tez yordam”ga 3 oyda 3,1 mln murojaat kelib tushdi
2024-yilning dastlabki 3 oyi davomida “Tez yordam” xizmatiga 3,1 millionta murojaat kelib tushgan. Ularning 812 247 tasi surunkali kasalliklar, 19 114 tasi esa tug‘ruqlar uchun chaqirilgan.
Farg‘onada yangi tug‘ilgan chaqaloq xaltaga solinib, yerga tashlab qo‘yilgani aniqlandi
Farg‘ona viloyati Quva tumani tibbiyot birlashmasida bir kunlik chaqaloq polisintetik xaltada yerga tashlab qo‘yilgani ma’lum bo‘ldi. SSVning qayd etishicha, chaqaloq muddatidan avval tug‘ilgani sabab vafot etgan. Uning onasi dispanser nazoratida turmagan va homilani yashirib yurgan. Holat nazoratga olindi.
Uchta viloyatdagi tez tibbiy yordam xizmatlariga 30 ta Volkswagen Caddy avtomobili topshirildi
Qashqadaryo, Samarqand va Xorazm viloyatlaridagi tez tibbiy yordam xizmatlariga 30 ta Volkswagen Caddy avtomobili topshirildi. 2023-yilda Respublika tez tibbiy yordam markaziga 685 ta shunday avtomobil yetkazib berilgan, 2024-yil martiga qadar markaz avtoparki yana 170 ta mashina bilan to‘ldiriladi.
Prezident dorilarni elektron retsept asosida berish va 300 ta klinik protokolni yangilash bo‘yicha topshiriq berdi
Prezident mutasaddilarga 300 ta klinik protokol va standartlarni xalqaro mezonlarga moslashtirish bo‘yicha topshiriq berdi. Shuningdek, “Elektron poliklinika”, “Elektron shifoxona” va “Elektron tibbiy karta” tizimini ishga tushirish, dorilarni elektron retsept asosida berishni yo‘lga qo‘yish vazifasini topshirdi.
Alisher Shadmanovning betobligi sababli SSV rahbarining birinchi o‘rinbosari lavozimi Davron Sultonovga yuklatildi
Sog‘liqni saqlash vazirining birinchi o‘rinbosari Alisher Shadmanov uzoq muddatli davolanish uchun mehnat ta’tiliga chiqdi. Uning vazifasini vaqtinchalik Prezident administratsiyasi vakili Davron Sultanov bajaradi.
Yangi yil bayrami va dam olish kunlari tibbiyot muassasalari tunu kun ishlaydi — SSV
Sog‘liqni saqlash vazirligi O‘zbekistonda 30-dekabrdan 2-yanvargacha bo‘lgan dam olish kunlarida tibbiyot muassasalari 24 soat ishlashini ma’lum qildi.
O‘zbekistonda mavsumiy kasalliklar sabab o‘quv muassasalarini vaqtincha yopishga asos yo‘q — SES
O‘zbekistonda mavsumiy kasalliklar sabab o‘quv muassasalarini vaqtincha yopishga asos yo‘q, dedi Sanepidqo‘m raisi birinchi o‘rinbosari Nurmat Atabekov. Tarmoqlarda vaziyatni yaxshilash uchun muassasalarni yopish taklif qilingandi. Mutaxassis yangi pandemiya va epidemiya boshlangani haqidagi mish-mishlarni rad etdi.
O‘zbekistonda 9 oyda onalar o‘limi 100 ming tirik tug‘ilishga nisbatan 14,1 promillini tashkil etdi
O‘zbekistonda 9 oy davomida onalar o‘limi ko‘rsatgichi 100 ming tirik tug‘ilishga nisbatan 14,1 promillini tashkil etdi. Bu ko‘rsatkich 2022-yilning shu davriga nisbatan 13,1 promilliga teng bo‘lgan. Xususan, Sirdaryo viloyatida ko‘rsatkich 11,6 promillidan 45,6 promilliga oshgan.
O‘zbekiston Fransiyadan 10 ta tibbiy vertolyot xarid qilishni rejalashtirmoqda
O‘zbekiston Fransiyaning Airbus Helicopters kompaniyasidan 10 ta tibbiy vertolyot xarid qilishni rejalashtirmoqda. SSV rahbari Amrillo Inoyatov kompaniya rahbariyati bilan Yevropa standartlariga mos tibbiy aviatsiya xizmatini tashkil etish hamda soha mutaxassislarini tayyorlash kabi masalalarni muhokama qildi.
Qarshidagi Ona va bola salomatligi tibbiyot markazida Belarus boshqaruv tizimi joriy etiladi
Qashqadaryodagi Ona va bola salomatligi tibbiyot markazida Belarus boshqaruv tizimini joriy etish, viloyatdagi 900 nafar doyani ushbu davlat ta’lim standartlari asosida o‘qitish rejalashtirilmoqda. Shuningdek, Belarus vakillari O‘zbekiston sog‘liqni saqlash kodeksini ishlab chiqishda yordam berishini bildirdi.
SSVning sobiq rahbari Alisher Shadmanov ta’lim sohasidagi xizmatlari uchun taqdirlandi
Shavkat Mirziyoyev sog‘liqni saqlash vazirining birinchi o‘rinbosari, Toshkent tibbiyot akademiyasi rektori, sobiq sog‘liqni saqlash vaziri Alisher Shadmanovni “Fidokorona xizmatlari uchun” ordeni bilan taqdirladi.
“Bu mavzuga chuqur kirmanglar”. SSV rahbari jurnalistlarga “Antistrumin” dorisi bo‘yicha maslahat berdi
SSV rahbari Amrillo Inoyatov seshanba kuni jurnalistlar bilan uchrashuvda “Antistrumin” dorisi mavzusiga chuqur kirmaslikni maslahat berdi. “Bu mavzu bilan shug‘ullanayotgan odamlar bor. Nima bo‘lsa ham, o‘zi tekshiradi, o‘zi javobini beradi. Bu mavzuga chuqur kirmanglar”, — dedi vazir.
SSV Prezident administratsiyasi intervyu berishni taqiqlamaganini ma’lum qildi
O‘zbekiston SSV Prezident administratsiyasi vazirga “Antistrumin” qabul qilgan bolalarda nojo‘ya ta’sirlar kuzatilayotgani bilan bog‘liq vaziyat haqida intervyu berishni taqiqlamaganini ma’lum qildi. Bu haqda avvalroq jurnalistlarga o‘zini vazir yordamchisi deb atagan shaxs aytgan edi.
Jurnalistlardan yuzlab bolalarning kasalxonaga yotqizilishi masalasini “kovlamaslik” so‘raldi
Namanganda jurnalistlar shifoxonaga yotqizilgan bolalar bilan bog‘liq vaziyatni yoritish bo‘yicha rasmiylar bilan tortishdi. O‘zini SSV rahbari yordamchisi sifatida tanishtirgan shaxs vazirga intervyu berish taqiqlanganini aytdi. “Bolalar kasallanayotgan paytda sukut saqlab bo‘lmaydi”, deb javob berdi jurnalistlar.
O‘zbekistonda ko‘kyo‘tal emlanmaganlar orasida tarqalmoqda va bu tabiiy hol — Nurmat Otabekov
Sanitariya-epidemiologik osoyishtalik va jamoat salomatligi qo‘mitasi raisi o‘rinbosari Nurmat Otabekovning aytishicha, ko‘kyo‘tal kasalligi mavsumiy bo‘lib, asosan emlanmaganlar orasida tarqaladi. “Shu bois ko‘kyo‘tal kam miqdorda bo‘lsa-da, aholi o‘rtasida qayd etib turilishi tabiiy hol”, — dedi u.
O‘zbekiston tibbiyotini rivojlantirish jamg‘armasi tashkil etiladi
Sog‘liqni saqlash vazirligi huzuridagi mavjud to‘rtta jamg‘arma birlashtirilib, Tibbiyotni rivojlantirish davlat maqsadli jamg‘armasi tashkil etiladi.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Futzal JCH: O‘zbekiston durang bilan boshladi va birinchi kunning boshqa natijalari
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
- “Kelgusi Paralimpiya o‘yinlarida kuchli o‘ntalikka kirish bosh maqsadimiz bo‘ladi” — prezident
Qo‘shimcha imkoniyatlarga ega bulish uchun saytda ro‘yxatdan o‘ting