DSQning Strategik rejalashtirish boshqarmasi boshlig‘i Timur Ismoilov aksar xorijiy mamlakatlarda soliq yig‘ish bo‘yicha yagona stavka qo‘llanmasligini ta’kidladi. “Vaqt o‘tishi bilan, tizim butunlay mustahkamlangandan so‘ng soliqqa tortishning progressiv shkalasiga o‘tish haqida o‘ylash mumkin”, — dedi u.
P️rezident to‘qimachilik sanoatini rivojlantirishga doir chora-tadbirlarni belgiladi. Jumladan, ayrim import xomashyolar 2027-yilgacha bojxona bojidan ozod etiladi. Yuqori toifadagi tadbirkorlarda soliq tekshiruvlari o‘tkazilmaydi. Made in Uzbekistan brendi ostida milliy mahsulotlar do‘konlari tashkil etiladi.
DXX Jizzax shahrida sudlanuvchiga yengil jazo tayinlatib berish uchun 10 ming dollar olishda gumonlangan advokatni ushladi. Uchqo‘rg‘on tumanida kompaniyaga jinoiy ish ochilmasligiga yordam berish evaziga 2 ming dollar talab qilgan MIB xodimlari qo‘lga olindi.
Elektron xizmatlar ko‘rsatuvchi xorijiy kompaniyalar, jumladan, Meta, Google, Apple, Netflix O‘zbekistondagi daromadlarini ikki barobarga oshirib, 635 mlrd so‘mga yetkazdi. 2023-yilda ular 2022-yilga nisbatan 1,5 barobar ko‘p soliq to‘ladi.
Soliq qo‘mitasi O‘zbekistonda 1-apreldan bekor bo‘ladigan QQS bo‘yicha ayrim imtiyozlar haqida eslatdi. Unga ko‘ra, tibbiy xizmatlar, dori vositalari, suv ta’minoti, kanalizatsiya issiqlik ta’minoti va yana bir qator sohalarda QQS qayta joriy etiladi.
Iqtisodiyot va moliya vazirligi e’lon qilgan 2024-yilgi soliq o‘zgarishlariga ko‘ra, bir qator soliq imtiyozlari bekor qilinadi, shakarli gazlangan ichimliklar uchun aksiz solig‘i, shinalar uchun utilizatsiya solig‘i, og‘irligi 10 tonnadan ortiq yuk avtomobillariga yo‘l yig‘imi va boshqalar joriy etiladi.
2024-yil 1-yanvardan soliq organlari tadbirkorlarning tanloviga ko‘ra, ayrim soliqlar, jumladan, QQS bo‘yicha hisobotlarni avtomatik tarzda shakllantiradi. Sotuv cheklaridagi texnik xatolarni tuzatish muddatlari ham uzaytirilmoqda.
Prezident 26 ta soliq inspeksiyasi rahbarlari, ikkita viloyat davlat soliq boshqarmasi boshlig‘ini ishdan bo‘shatish, shuningdek, Soliq qo‘mitasi rais o‘rinbosarlariga hayfsan e’lon qilish haqida topshiriq berdi. Soliq idoralari qo‘shimcha manba izlash o‘rniga “eski zamon kasaliga berilib ketishdi”, dedi u.
O‘zbekistonda har bir tadbirkorga muammolarni hal qilishga yordam beradigan soliq xodimi biriktiriladi, deya ma’lum qildi prezident. 1-sentabrdan boshlab tadbirkorlar yer va mol-mulk solig‘i bo‘yicha hisobotlarni taqdim etmaydi, 2024-yildan esa kichik biznes subyektlari elektron hisobot tizimiga o‘tadi.
Prezident qarori bilan jismoniy shaxslardan olinadigan mol-mulk solig‘i va yer solig‘idan qarzga hisoblangan penya summalari, oxirgi 6 oyda ishlamayotgan YATTlarning jismoniy shaxslardan olinadigan daromad solig‘i va ijtimoiy soliqdan qarzi hamda ularga hisoblangan penya va jarima summasi hisobdan chiqariladi.
O‘zbekistonda elektron xizmatlar ko‘rsatuvchi 42 ta xorijiy kompaniya tomonidan yanvar-aprel oylarida 32,4 mlrd so‘m soliq to‘langan. Ular ichida eng ko‘p soliqni Meta (12,1 mlrd so‘m), Google (9,3 mlrd so‘m) va Apple (6 mlrd so‘m) to‘lagan.
Endi «Soliq» mobil ilovasida keshbek olish uchun Face ID bo‘yicha identifikatsiyadan o‘tish talab qilinadi. Ilgari faqat 500 000 so‘mdan ortiq mablag‘ni olish uchun fotosurat yordamida shaxsni tasdiqlash talab qilinardi.
1 dekabr holatiga ko‘ra, O‘zbekistonda qurilish faoliyati bilan shug‘ullanuvchi 17 467 ta korxona tomonidan 6,6 trln so‘m soliq to‘langan. Xususan, umumiy soliq tushumlarining 41,1 foizi yoki 2,7 trln so‘mi Toshkent shahri hisobiga to‘g‘ri keladi.
To‘lov xizmatlari seshanba oqshomida ta’minotchilarga to‘lov, QR-kod bo‘yicha to‘lov va joylardagi to‘lov xizmatlarini qayta tikladi. Apelsin servisi hamkorlardan mahsulot va xizmatlarning identifikatsion kodlarini 15 noyabrga qadar taqdim etishni so‘radi.
Davlat soliq qo‘mitasi deyarli 4,5 mln o‘zbekistonlik mol-mulk va yer solig‘idan 2,7 trln so‘m qarzdor ekanini ma’lum qildi. Sohalar kesimida eng ko‘p qarzdorlik qishloq xo‘jaligi vazirligi tarkibidagi tashkilotlarda ishlovchi xodimlarda ekani ko‘rsatildi.
Prezident qarori bilan tadbirkorlik subyektlarida o‘tkaziladigan tekshiruvlar «Yagona davlat nazorati» axborot tizimida ro‘yxatga olinadi. Tizimda bo‘lmagan tekshiruvlarni o‘tkazish esa noqonuniy hisoblanadi. Qarorga ko‘ra, ayrim hollarda tadbirkor nazoratchilarni tekshiruv uchun hududiga qo‘ymaslikka haqli.
Fuqarolarning xususiy bog‘cha va maktablarga to‘laydigan 3 mln so‘mgacha mablag‘lari soliqdan ozod etiladi, mobil aloqa xizmatlari uchun soliq stavkalari 15 foizdan 10 foizga tushiriladi, tadbirkorlar va baliq yetishtiruvchilarga soliq imtiyozlari beriladi — Soliq kodeksiga qo‘shimcha va o‘zgartirishlar kiritildi.
Prezident farmoni bilan xonanda va ijrochilarga daromad solig‘ini deklaratsiya asosida to‘lash tartibi belgilandi. Shuningdek, to‘yxona va restoranlarda xizmat ko‘rsatuvchi ijrochilar 2024 yil 1 yanvargacha daromad solig‘ini to‘lashdan ozod etiladi.
DSQ endilikda masofaviy to‘lovlar uchun ham 1 foizlik keshbek to‘lanishini ma’lum qildi. To‘lov xizmatlari orqali to‘lov amalga oshirilganda QR-kodli chek hosil bo‘ladi va bu Soliq ilovasida avtomatik tarzda aks etishi kerak.
Moliya vazirligi O‘zbekistondagi 10 ta eng yirik soliq to‘lovchi tashkilot bo‘yicha prognoz ma’lumotlarini e’lon qildi. Unda Navoiy (20,2%) va Olmaliq (11%) kon-metallurgiya kombinati eng yuqori o‘rinlarni egalladi.
Qo‘shimcha imkoniyatlarga ega bulish uchun saytda ro‘yxatdan o‘ting