«saylov-2021» tegli maqolalar


Bugun, 19:38

Alisher Qodirov Shavkat Mirziyoyevni saylovdagi g‘alabasi bilan tabrikladi

“Milliy tiklanish"dan nomzod Alisher Qodirov Shavkat Mirziyoyevni prezidentlik saylovida g‘olib bo‘lgani bilan tabrikladi. U “xalqning farovonligi yo‘lida qo‘lni-qo‘lga berib, birgalikda faoliyat ko‘rsatish lozimligini” ta’kidladi.

Bugun, 19:08

«„Yangi O‘zbekiston Strategiyasi“ xalqimiz qalbidan chuqur o‘rin egalladi» — Vorisova Mirziyoyevni g‘alaba bilan tabrikladi

XDPdan nomzod Maqsuda Vorisova Shavkat Mirziyoyevni prezidentlik saylovida g‘olib bo‘lgani bilan tabrikladi. U «saylov natijalarini to‘la-to‘kis tan olishini» aytdi. «Shavkat Mirziyoyev tomonidan ishlab chiqilib, e’lon qilingan „Yangi O‘zbekiston Strategiyasi“ xalqimizning qalbidan chuqur o‘rin egalladi», — deya qo‘shimcha qildi Maqsuda Vorisova.

Bugun, 17:56

«Menga ishonch bildirganingiz uchun ta’zim qilaman» — Shavkat Mirziyoyev

Prezidentlikka qayta saylangan Shavkat Mirziyoyev unga ovoz bergan saylovchilarga minnatdorchilik bildirdi. «Xalqimizning 80 foizdan ko‘pi saylovda ishtirok etgani, ularning yangi O‘zbekistondagi ertangi kuniga befarq emasligidan dalolat», — deya ta’kidladi davlat rahbari.

Bugun, 16:21

Shavkat Mirziyoyev 80,1 foiz ovoz bilan prezidentlikka qayta saylandi

Shavkat Mirziyoyev saylovchilarning 80,1% foiz ovozi bilan ikkinchi muddatga qayta saylandi, deya xabar berdi MSK rahbari Zayniddin Nizomxo‘jayev. U saylovda nomzodlar o‘rtasida xalqaro standaortlarga mos haqiqiy raqobat bo‘lganligini ta’kidladi.

Bugun, 10:33

Saylovda ovoz bergan va ishtirok etmagan fuqarolar saylov haqida nima deydi?

Har bir nomzodga omad tilagan professor, munosib deb bilgan nomzodiga yettita belgi qo‘ygan saylovchi, “kelajakda tinchlik, arzonchilik, mo‘l-ko‘lchilik” bo‘lishini istaydigan otaxon va taklifnoma olmagan fuqaro — “Gazeta.uz” prezident saylovida ovoz bergan va saylovda qatnashmagan fuqarolar bilan suhbatda bo‘ldi.

Kecha, 22:14

20:00 ga qadar 80,8% saylovchilar ovoz berdi

Soat 20:00ga qadar prezident saylovida ovoz berganlar 80,8%dan oshdi. Dastlabki natijalar ertaga e’lon qilinadi.

Kecha, 17:55

Saylovda ovoz berganlar 70%dan oshdi

Soat 17:00ga qadar prezident saylovida ovoz berganlar 71,8%dan oshdi. Qator davlatlardagi vakolatxonalarda ovoz berish tugadi. Vashington va Nyu-Yorkda saylov uchastkalari ochildi.

Kecha, 17:22

Senat raisi, hukumat rahbari, bosh prokuror, vazirlar va viloyat hokimlari prezidentlik saylovida ishtirok etdi

Oilasi bilan saylovda ovoz bergan Senat raisi va hukumat rahbari, bosh prokuror, vazir va viloyat hokimlarining saylovda ishtiroki, “kelajagi uchun ovoz bergan” Komil Allamjonov — “Gazeta.uz” ularning saylov uchastkasida olingan suratlarini to‘pladi.

Kecha, 16:50

Prokuraturaga qonun buzilishi holatlari bo‘yicha xabar kelgani yo‘q — bosh prokuror

Soat 15:00ga qadar prokuratura organlari prezident saylovlari jarayonida qonun buzilishi holatlari bo‘yicha xabarlar olgani yo‘q, deya xabar berdi bosh prokuror Nig‘matulla Yo‘ldoshev. U qonun buzilishlari haqidagi barcha ma’lumotlar ham prokuratura organlariga yetib bormasligi mumkinligini ta’kidlab, jurnalistlarni Bosh prokuraturaga bunday holatlar bo‘yicha ma’lumot berishga chaqirdi.

Kecha, 15:43

Saylovlarning o‘tkazilishi xalqaro standartlarga javob beradi — MDH PA

O‘zbekistonda prezident saylovlari xalqaro standartlarga mos o‘tkazilmoqda, deya ta’kidladi Rossiya Federal Kengashi qo‘mitasi raisining o‘rinbosari. Uning fikriga ko‘ra, nomzodlar ilgari surgan dasturlar umuman olganda «o‘zbek xalqining kutilmalariga javob beradi».

Kecha, 14:49

YeXHT vakili saylov haqidagi fikrlari bilan bo‘lishdi

YeXHTning maxsus koordinatori Reynxold Lopatka O‘zbekistondagi saylov jarayonining yaxshilanganini qayd etdi. «Sizlar to‘g‘ri. yo‘ldasizlar, lekin bu oxirgi qadam emas, navbatdagi qadamlarni ham qo‘yish kerak», — dedi u. Shu bilan birga u ayrim kamchiliklarga ham to‘xtalib o‘tdi.

Kecha, 12:43

Saylovlar o‘tgan deb hisoblanishi uchun yetarlicha saylovchilar ovoz berdi

Soat 11:00 ga qadar O‘zbekiston prezidenti saylovlarida 33,6% saylovchilar ovoz berishdi. «Demak joriy saylovlar o‘tgan deb hisoblanadi», — dedi MSK raisi o‘rinbosari Bahrom Qo‘chqorov.

Kecha, 11:55 1

Shavkat Mirziyoyev prezidentlik saylovlarida ovoz berdi (foto)

Amaldagi davlat rahbari Shavkat Mirziyoyev prezidentlik saylovlarida ishtirok etib, o‘z ovozini berdi (foto).

Kecha, 11:47

Qonun buzilishi holatlari haqida ma’lumotlar kelmadi — MSK rahbari

Prezident saylovi uchun tashkil etilgan birinchi uchastkalar Toshkent vaqti bilan Seul va Tokioda 4:00da ochildi. Oxirgi bo‘lib Nyu-Yorkdagi saylov uchastkasi 25 oktabr kuni ertalab yopiladi. MSK rahbari Zayniddin Nizomxo‘jayev qonun buzilishi holatlari haqida ma’lumot kelib tushmaganini ma’lum qildi.

Kecha, 11:42

Alisher Qodirov prezidentlik saylovlarida ovoz berdi

“Milliy tiklanish” partiyasidan prezidentlikka nomzod Alisher Qodirov 116-saylov uchastkasida ovoz berdi.

Kecha, 11:25

Bahrom Abduhalimov saylovda oilasi bilan ovoz berdi

Adolat partiyasidan prezidentlikka nomzod Bahrom Abduhalimov Toshkent shahridagi saylov uchastkasida ovoz berdi.

23 oktabr 2021, 11:00

Prezident saylovlarida ovoz berish. Qo‘llanma

Saylov uchastkasini qanday aniqlash mumkin? Saylov byulleteni qanday to‘ldiriladi va uni suratga olish mumkinmi? «Gazeta.uz» saylov kuni qanday va qayerda ovoz berish mumkinligi haqidagi savollarga javob beradi.

22 oktabr 2021, 15:49

Qariyb 422 ming fuqaro saylovda muddatidan oldin ovoz berdi

Markaziy saylov komissiyasi ma’lumotiga ko‘ra, 14−20 oktabr kunlari prezidentlik saylovlarida muddatidan oldin ovoz berish jarayonlarida jami 421 618 nafar fuqaro qatnashdi.

21 oktabr 2021, 17:25

«Biz yoqish uchun shirin gaplarni gapirmoqchi emasmiz» — Alisher Qodirov migrantlarni soliqqa tortish taklifiga izoh berdi

Alisher Qodirov migrantlardan soliq undirish borasidagi taklifi yuzasidan izohlarga munosabat bildirdi. U mamlakat haligacha mehnat resurslarini xorijga eksport qilishga majbur ekanligini ta’kidlab, mehnat migrantlarini bunga tayyorlash kerakligini aytdi. «O‘zbekiston fuqarosi nafaqat o‘zining qorni, balki O‘zbekiston, deb yashashi kerak», — deya ta’kidladi prezidentlikka nomzod.

21 oktabr 2021, 16:09

«Odamlar meni tushunmayotgan paytda g‘alabadan umidvor bo‘lishim mumkinmi?» — Alisher Qodirov

«Milliy tiklanish» partiyasi nomzodi toshkentlik saylovchilar uchrashuvda g‘alabadan umidvor emasligini, biroq, odamlar albatta o‘zgarishini ta’kidladi. «Odamlar meni tushunmayotgan paytda g‘alabadan umidvor bo‘lishim mumkinmi? Afsus bilan aytish kerak, agar odamlar meni tushunmayotgan bo‘lsa menga ovoz bermaydi», — dedi Alisher Qodirov. U saylov kampaniyasi boshida prezident saylovlarida g‘alaba qozonish niyatida ekanligini ma’lum qilgandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting