RF prezidenti Vladimir Putin yana O‘zbekiston va Qozog‘iston bilan gaz bo‘yicha hamkorlik masalasini ko‘tardi. Uning qayd etishicha, bu davlatlar iqtisodiyotida gazga bo‘lgan talab ortib bormoqda, shu bilan birga, eksport majburiyatlari ham mavjud.
Vladimir Putinning O‘zbekiston va Qozog‘iston bilan «uch tomonlama gaz ittifoqi» to‘g‘risidagi taklifi siyosiy shartlar evaziga gaz yetkazib berishni nazarda tutmaydi, dedi Rossiya prezidenti matbuot kotibi Dmitriy Peskov. «Bu tijorat manfaatlarini muvofiqlashtirish haqida», — dedi u.
Rossiyada endilikda aeroportlar, vokzallar, maktablar, universitetlar, kasalxonalar va cherkovlar yonidagi hududlarda mitinglar o‘tkazish taqiqlanadi. Tegishli qonun prezident Vladimir Putin tomonidan imzolandi.
Davlat dumasi spikeri Vyacheslav Volodin boshliq Rossiya parlament delegatsiyasi Qonunchilik palatasi rahbari Nurdinjon Ismoilov, Senat raisi Tanzila Narbayeva va O‘zbekiston prezidenti Shavkat Mirziyoyev tomonidan qabul qilindi. Volodin tashrifi davomida O‘zbekiston va AQSh hamkorligi yuzasidan fikr bildirdi.
Qozog‘iston prezidenti matbuot kotibining ta’kidlashicha, Qasim-Jomart Toqayev va Vladimir Putin «uch tomonlama gaz ittifoqi» (Rossiya + Qozog‘iston + O‘zbekiston) tuzish masalasini muhokama qilgan.
Yevroparlament Rossiya qo‘shinlarining Ukrainadagi tinch aholiga nisbatan vahshiyliklari uchun Rossiyani terrorizm homiysi sifatida tan oldi. Shuningdek, deputatlar Yevropa kengashini Rossiyaning «Vagner» xususiy harbiy kompaniyasi va «Qodirovchilar» polkini terrorchi tashkilotlar ro‘yxatiga kiritishga chaqirdi.
Rossiyaning Tambov viloyatida qiz bolani o‘ldirganlikda gumon qilinib 25 yoshli O‘zbekiston fuqarosi qo‘lga olindi. Qizning pichoqlangan jasadi Moskvada topilgan. Bir kun oldin jabrlanuvchi politsiyaga qo‘ng‘iroq qilib, ta’qib etilayotgani haqida xabar bergan.
Gaagada MN17 reysi Donbass osmonida halokatga uchragani (8 yil avval 298 kishi halok bo‘lgandi) ishi bo‘yicha hukm chiqarildi. Igor Girkin, Sergey Dubinskiy va Leonid Xarchenko sirtdan umrbod qamoq jazosiga hukm qilindi. Sud samolyot RF QKning «Buk» raketa tizimidan urib tushirilganini aniqladi.
Rossiya do‘konlaridan O‘zbekistonda ishlab chiqarilgan vakuumli qadoqdagi qaynatilgan makkajo‘xori olib tashlandi. Bunga Krasnoyarskda uch fuqaro zaharlangani sabab bo‘ldi.
Futbol bo‘yicha O‘zbekiston milliy terma jamoasi tarixda ilk bor FIFA va UEFA shafeligidagi barcha turnirlardan chetlashtirilgan Rossiya bilan o‘rtoqlik uchrashuvi o‘tkazadi, shuningdek, Qozog‘iston terma jamoasi bilan ham uchrashadi.
Rossiya Ukraina portlaridan qishloq xo‘jaligi mahsulotlarini eksport qilish kelishuvidagi ishtirokini to‘xtatgani, ukrainalik harbiylar britaniyalik mutaxassislar ishtirokida «don yo‘lagi»ni qo‘riqlayotgan Rossiya kemalariga hujum qilganini ma’lum qildi. Britaniya Mudofaa vazirligi bu iddaoni yolg‘on deb atadi.
Joriy yilning 9 oyida 395 mingdan ortiq Rossiya fuqarosi O‘zbekistonga keldi, ularning 80,5 foizi ichki ishlar organlarida ro‘yxatga olingan. Ayni paytda, rossiyaliklarning yarmidan ko‘pi so‘nggi uch oy ichida kirib kelgan.
O‘zbekistonning Moskvadagi elchixonasi 26 nafar o‘zbekistonlik chaqiruv qog‘ozini olganini tasdiqladi. Dipmissiya o‘zbekistonliklar chaqiruv qog‘ozi olayotgan shu va boshqa holatlarni «texnik xatolik» deb atadi va hujjatlar tekshiruvidan so‘ng safarbarlik uchun chaqiruv bekor qilinayotganini qayd etdi.
Rossiyadagi chiqindilarni qayta ishlovchi korxonada mehnat qilayotgan O‘zbekiston fuqarolariga safarbarlik uchun chaqiruv qog‘ozlarini topshirishdi. «Gazeta.uz» vaziyatga oydinlik kiritish maqsadida korxona rahbari bilan bog‘landi.
Rossiya radiokimyoviy himoya qo‘shinlari rahbarining ta’kidlashicha, bu kuchlar radioaktiv ifloslanish sharoitida vazifalarni bajarishga tayyor, chunki Ukraina bunda Rossiyani ayblash uchun go‘yoki “iflos bomba” dan foydalanishni rejalashtirmoqda.
17 oktabr kuni Rossiyaning Yeysk shahridagi turar-joy binosi hovlisiga Su-34 qiruvchi samolyoti quladi. Oqibatda 13 kishi halok bo‘ldi, 19 kishi yaralandi. Holat yuzasidan jinoiy ish qo‘zg‘atildi.
Rossiyaning Krasnodar o‘lkasi Yeysk shahridagi turar-joy binosi yaqiniga Su-34 qiruvchi-bombardimonchi samolyoti qulab tushdi. Yong‘in binoning beshinchi qavatgacha qismini qamrab oldi.
Ukraina shaharlariga raketa hujumlari kuchaygani ortidan O‘zbekistonning Kiyevdagi elchixonasi vatandoshlarni Ukrainani tark etishga va bu mamlakatga safar qilishdan tiyilishga chaqirdi.
10 oktabr tonggida Ukrainaning yirik shaharlari, jumladan, Kiyevda yirik portlashlar yuz berdi. Rasmiylarning xabar berishicha — poytaxtda 8 kishi halok bo‘ldi, boshqa shaharlarda ma’lumotlar aniqlanmoqda. Shuningdek, energetika infratuzilmasi obyektlariga ham zarba berilgani haqida xabarlar bor.
Qrim ko‘prigining avtomobillar yuradigan bo‘lagida yuk mashinasi portladi. Oqibatda ko‘prikning bir qismi qulab tushdi. Ko‘prikda harakat to‘xtatilgan.
Qo‘shimcha imkoniyatlarga ega bulish uchun saytda ro‘yxatdan o‘ting