«rossiya - ukraina» tegli maqolalar
Rossiya Ukraina energetika obyektlariga keng miqyosli zarbalar berdi
Rossiya armiyasi Ukraina hududiga yuzdan ortiq raketa va dronlar uchirdi, asosiy zarba energetika obyektlariga berildi. Ukraina prezidenti Vladimir Zelenskiy hujumni urush davridagi eng yirik hujumlardan biri deb atadi va mamlakat energetika sektoriga “katta zarar yetkazilganini” ta’kidladi.
“Neytral va juda muvozanatli ekanidan minnatdormiz”. Putin — O‘zbekistonning Rossiya-Ukraina urushidagi siyosati haqida
Rossiya prezidenti Vladimir Putin Shavkat Mirziyoyevga Rossiyaning Ukrainadagi harakatlariga nisbatan O‘zbekistonning “neytral va o‘ta muvozanatli” siyosati uchun minnatdorlik bildirdi.
Qozog‘iston urushda ishlatilishi mumkin bo‘lgan 106 turdagi tovarni Rossiyaga eksport qilishni taqiqladi
Qozog‘iston 106 turdagi tovarning Rossiyaga eksportiga taqiq qo‘ydi. Ular urushda ishlatilishi ehtimoli bo‘lgan tovarlar guruhi hisoblanadi. Ro‘yxatda dronlar, mikroelektronika va boshqalar bor. Ukraina prezidenti ofisi mamlakatning bu qaroriga munosabat bildirdi.
Rossiya Odessaga raketa hujumi uyushtirdi, Preobrajenskiy kafedral sobori vayron qilindi
Rossiyaning navbatdagi raketa hujumi natijasida Ukrainaning Odessa shahrida bir kishi halok bo‘ldi, 19 kishi yaralandi. Zarba shaharning tarixiy markazidagi kamida 25 ta obidaga zarar yetkazgan. Odessadagi eng katta pravoslav cherkovi — Preobrajenskiy kafedral sobori vayron qilindi.
Nikolayev viloyatiga uyushtirilgan raketa zarbasi oqibatida 19 kishi jarohatlandi
Rossiya tomonidan Ukrainaning Nikolayev viloyati o‘qqa tutildi. Dastlabki ma’lumotlarga ko‘ra, 19 kishi jarohat olgan, qurbonlar ham borligi aytilmoqda. Raketa zarbasi 3 qavatli binoning bir necha qavatini vayron qilgan va 450 kvadrat metr maydonda yong‘in kelib chiqqan.
Kreml don bitimi “amalda bekor qilinganini” e’lon qildi
Rossiya prezidentining matbuot kotibi Dmitriy Peskov 17-iyuldan boshlab Turkiya hamda BMT ishtirokida Ukraina bilan tuzilgan don shartnomasi amalda tugatilganini ma’lum qildi. U bunga bitimdagi Rossiya talablari bajarilmaganini sabab sifatida keltirgan.
Qrim ko‘prigida portlash sodir bo‘ldi
Qrim ko‘prigida portlash sodir bo‘ldi va unda harakatlanish vaqtincha to‘xtatildi. Rasmiy ma’lumotlarga ko‘ra, voqea oqibatida ikki kishi halok bo‘lgan, bir nafar bola yaralangan.
Xersonning Rossiya nazoratidagi qismida GES to‘g‘oni vayron qilindi, aholi punktlarini suv bosishi mumkin
Xerson viloyatining Rossiya nazoratidagi qismida joylashgan Kaxovka GESi to‘g‘oni qisman vayron bo‘ldi. Tomonlar bir-birini to‘g‘onni portlatishda ayblamoqda. Quyi oqimdagi suv sathi 2,5 metrga ko‘tarilgan, 80 ta aholi punktini suv bosishi mumkin.
PMTI Rossiya-Ukraina mojarosining O‘zbekiston iqtisodiyotiga ta’sirini o‘rgandi
Prognozlashtirish va makroiqtisodiy tadqiqotlar instituti ekspertlari tomonidan Rossiya-Ukraina mojarosining O‘zbekiston iqtisodiyotiga ta’siri o‘rganildi.
Putin Rojdestvo bayrami munosabati bilan Ukrainadagi butun front chizig‘ida o‘t ochishni to‘xtatishni buyurdi
RF prezidenti Mudofaa vazirligiga 6 yanvar soat 12:00 dan 7 yanvar soat 24:00 gacha Ukrainadagi butun jangovar to‘qnashuvlar chizig‘i bo‘ylab o‘t ochishni to‘xtatish rejimini joriy etish bo‘yicha topshiriq berdi. Avvalroq Patriarx Kirill shunday murojaat bilan chiqqan edi.
Dunyo tartibini o‘zgartirgan urush: Ukraina — Rossiya mojarosida kim yutib, kim yutqizadi?
Rossiyaning Ukrainaga bosqinchilik urushi qachon tugashi noaniq. Ekspertlar front voqealaridan taxminiy xulosani chiqarmoqda: ba’zilar urushni qahraton qish hal etadi deydi, ayrimlar esa mutlaqo boshqa fikrda. «Gazeta.uz» The Guardian nashrida e’lon qilingan xulosalarni o‘zbek tiliga o‘girdi.
Pskovdagi o‘zbek talabalari «notinch vaziyat» tufayli prezidentga murojaat yo‘llashdi
Rossiyaning Pskov davlat universitetida o‘qiydigan o‘zbekistonlik talabalar «notinch vaziyat» sabab o‘qishlarini O‘zbekistondagi OTMlarga istisno tariqasida ko‘chirishni so‘rab prezident Shavkat Mirziyoyevga videomurojaat yo‘llashdi. «Pskov shahriga ham urush o‘z ta’sirini o‘tkazmoqda», deya ta’kidlagan ular.
Putin xorijliklarga Rossiya armiyasida xizmat qilishga ruxsat berdi
Rossiya Federatsiyasi prezidenti Vladimir Putin chet el fuqaroligiga ega shaxslarni RF armiyasida xizmatni o‘tashga ruxsat beruvchi farmonni imzoladi. Hujjatga ko‘ra, ikkinchi fuqarolikka ega bo‘lgan rossiyaliklar ham harbiy xizmatga chaqiriladi.
Rossiya qo‘shinlari Xerson shahrini tark etadi
Rossiya mudofaa vaziri Sergey Shoygu rus qo‘shinlarini mudofaa uchun Dneprning chap qirg‘og‘iga olib chiqish haqida buyruq berdi. Bu Rossiya Xerson shahrini tark etishini anglatadi.
Rossiya yana Ukrainaning energetika infratuzilmasiga og‘ir zarbalar berdi
31 oktabr kuni Rossiya Ukrainaning 10 viloyatidagi infratuzilma, asosan energetika obyektlariga raketa hujumlari uyushtirdi. Natijada 7 ta viloyatdagi yuzlab aholi punktlari elektrsiz qoldi. RF Mudofaa vazirligi Ukrainaning harbiy qo‘mondonlik va energetika tizimlariga zarbalar berilganini ma’lum qildi.
O‘zbekiston BMT Assambleyasida Rossiyaning Ukraina hududlarini anneksiya qilganini qoralamadi
BMT Ukraina hududlarining RF tomonidan anneksiya qilinishini qoralab, Moskvadan Ukrainaning Donetsk, Zaporoje, Lugansk va Xerson viloyatlari hududi maqomi haqidagi qarorni bekor qilishini talab qildi. Rezolyutsiyani 143 davlat qo‘llab-quvvatladi, 5 davlat qarshi, 35 davlat qatorida O‘zbekiston betaraf qoldi.
O‘zbekistonliklar uchun Rossiya-Ukraina urushida qatnashish harom hisoblanadi — fatvo
O‘zbekiston musulmonlari idorasi Rossiya-Ukraina urushiga targ‘ibotlar ortidan terroristik tashkilotlar jihodni da’vo qilayotganiga munosabat bildirdi. «Ushbu urushga „jihod“ nomini berish jaholatdan boshqa narsa emas», — deyiladi bayonotda. Idora bunday fitnalarga aralashish shar’an harom ekanligini qayd etdi.
RF Afg‘onistondan O‘zbekiston va Tojikistonga olib qochilgan harbiy samolyotlarning Ukrainaga o‘tib qolishidan xavfsiramoqda
Rossiya prezidentining Afg‘oniston bo‘yicha maxsus vakili Zamir Kabulov: «Afg‘onistonlik qo‘mondonlar va harbiy xizmatchilar qochib ketgan paytda O‘zbekiston va Tojikiston hududida qolgan harbiy vertolyot va samolyotlar Ukrainaga o‘tib qolmasligi biz uchun muhim», deya bayonot berdi.
Ukraina, Turkiya, Rossiya va BMT don bo‘yicha bitimni imzoladi
Istanbulda Ukraina, Turkiya, Rossiya va BMT o‘rtasida ukrain donini dengiz orqali eksport qilish bo‘yicha bitim imzolandi. «Bu butun dunyodagi millionlab odamlar uchun oziq-ovqat tanqisligi falokatining oldini olishga yordam beradi. Bu umid mayog‘idir», — dedi BMT bosh kotibi Antoniu Guterrish.
Xonanda Nargiz Zokirova Ukrainadagi urushni tanqid qilgani uchun 50 yilga Rossiyaga kirishi taqiqlandi
Xonanda Nargiz Zokirova Toshkentdan Moskvaning Domodedovo aeroportiga uchib borishi bilan qo‘lga olindi. U 2072 yilgacha Rossiyaga kirishi taqiqlandi va deportatsiya qilinishi mumkin. Xonandaning amakivachchasi Javohir Zokirov deportatsiyaga uning Ukrainadagi urush haqidagi izohi sabab bo‘lganini ma’lum qildi.
Eng ko‘p o‘qilgan xabarlar | So‘nggi yangiliklar
- Toshkentdagi musiqa festivalida ommaviy janjal yuz berdi (video)
- Para pauerlifting: Ro‘za Kuziyeva kumush medal sohibi bo‘ldi
- Paralimpiada: 11-kunda 3 nafar o‘zbekistonlik qatnashadi
- Taniqli bastakor Musaxon Nurmatov 56 yoshida vafot etdi
- Dzyudochi Kumush Xodjayeva Paralimpiada kumush medalni qo‘lga kiritdi
Qo‘shimcha imkoniyatlarga ega bulish uchun saytda ro‘yxatdan o‘ting