20-iyul kuni mahalliy vaqt bilan tonggi soat 3:00 atrofida Rossiya qo‘shinlari Ukrainaning Nikolayev viloyati hududiga raketa zarbalari yo‘lladi, deya xabar bermoqda viloyat ma’muriyati rahbari Vitaliy Kim.
Raketa zarbasi oqibatida kamida 19 kishi jarohatlangan. 8 kishi tibbiy yordamga murojaat qilgan. Ulardan 2 nafari, jumladan, 1 bola kasalxonaga yotqizilgan.
Shuningdek, qurbonlar ham borligi aytilmoqda.
Vitaliy Kimning so‘zlariga ko‘ra, zarba oqibatida 3 qavatli binoning bir necha qavati vayron bo‘lgan va 450 kvadrat metr maydonda yong‘in kelib chiqqan. Yong‘in ertalab soat 7:45 da o‘chirilgan. Shuningdek, hududdagi bir qancha ko‘p qavatli uylarning oynalari singan, 15 ga yaqin garaj shikastlangan.
4-iyul kuni Rossiya tomonidan Ukrainaning Xarkov viloyati o‘qqa tutishi oqibatida kamida 30 kishi jarohat olgani, qurbonlar orasida 10 nafar bola, jumladan, ikki go‘dak ham borligi xabar qilingandi.
Bundan tashqari, 29-iyun kuni Ukrainaning Kramatorsk shahriga, 13-iyun kuni Krivoy Rog shahriga, 1-iyun kuni Kiyevga raketa zarbalari berilgan.
