Sport
19 yoshli erkin kurashchi Nodirbek Jumanazarov JCHda bronza medalini oldi
O‘zbekistonlik erkin kurashchi Nodirbek Jumanazarov yoshlar o‘rtasidagi jahon chempionatida 3-o‘rinni egalladi. Medal uchun kechgan so‘nggi bahsda u hindistonlik raqibini 10:0 hisobida mag‘lub etdi.
“Manchester Siti” UEFA Superkubogi g‘olibi bo‘ldi
2023-yilgi mavsumning UEFA Superkubogi uchun o‘tkazilgan o‘yinda “Manchester Siti” penaltilar seriyasida “Sevilya”ni mag‘lub etib, kubokni qo‘lga kiritdi. Shu tariqa “shaharliklar” o‘z tarixida ilk bor UEFA Superkubogida g‘olib bo‘ldi. Foto.
O‘zbekistonlik 5 nafar shaxmatchining barchasi Jahon kubogini tark etdi
O‘zbekistonning Jahon kubogidagi so‘nggi vakili, grossmeyster Javohir Sindarov 1/16 final bosqichida hindistonlik raqibiga imkoniyatni boy berib, turnirni tark etdi.
Dzyudochi Muzaffarbek To‘raboyev Masters turnirida oltin medalni qo‘lga kiritdi
Vengriyada o‘tgan Masters turnirida o‘zbekistonlik dzyudochi Muzaffarbek To‘raboyev g‘oliblikni qo‘lga kiritdi. So‘nggi bor bu turnirda terma jamoadan oltin medalni 2011-yilda Rishod Sobirov yutgandi. Bu yilgi turnirni O‘zbekiston 1 ta oltin va 2 ta bronza bilan yakunladi.
O‘zbekiston terma jamoasi futbolchisi Abbos Fayzullayev Rossiyaning SSKA klubiga o‘tdi
O‘zbekistonning eng yaxshi yosh futbolchisi Abbos Fayzullayev “Paxtakor” jamoasidan Rossiyaning SSKA klubiga o‘tdi. 19 yoshli yarim himoyachi bilan 3 yillik shartnoma imzolandi va ushbu muddat uzayishi mumkin.
O‘zbekistonlik og‘ir atletikachilar OCHda yana 13 ta medalni qo‘lga kiritdi
Nyu-Dehli shahrida og‘ir atletika bo‘yicha o‘smirlar va yoshlar o‘rtasidagi Osiyo chempionatida O‘zbekiston terma jamoasi yana 13 ta medalni qo‘lga kiritdi.
O‘zbekistonlik og‘ir atletikachilar OCHda 11 ta medalni qo‘lga kiritdi
Hindistonda o‘smirlar va yoshlar o‘rtasida o‘tkazilayotgan og‘ir atletika bo‘yicha Osiyo chempionatida O‘zbekiston terma jamoasi 11 ta medalni qo‘lga kiritdi. Musobaqa 5-avgustga qadar davom etadi.
“Roma” Eldor Shomurodovni “Kalyari”ga ijaraga berdi
“Roma” Eldor Shomurodovni A Seriyaning boshqa klubi — “Kalyari”ga keyinchalik sotib olish huquqi bilan ijaraga berdi. Shomurodov klubdagi birinchi o‘zbek futbolchisi hisoblanadi. O‘zbekiston terma jamoasi hujumchisining yangi jamoasi quyi ligada bir mavsum o‘tkazib, Italiyaning yuqori divizioniga qaytgandi.
O‘zbekiston milliy terma jamoasi a’zosi Abduqodir Husanov “Lans” klubi futbolchisiga aylandi
O‘zbekiston milliy terma jamoasi himoyachisi Abduqodir Husanov Fransiyaning “Lans” klubiga o‘tdi. Fransiya chempionati Yevropaning kuchli beshlik chempionatlaridan biri hisoblanadi. “Lans” klubi o‘tgan mavsum bu ligada vitse-chempion bo‘lgan va UEFA Chempionlar ligasi yo‘llanmasini qo‘lga kiritgan.
O‘q otish sporti bo‘yicha JCHda O‘zbekiston termasi ikkita kumush medalni qo‘lga kiritdi
Janubiy Koreyada o‘q otish bo‘yicha yoshlar o‘rtasidagi jahon chempionatida o‘zbekistonlik sportchilar 50 metr masofadan to‘pponchadan otish dasturida ikkita kumush medalni qo‘lga kiritdi.
Xitoylik Szyuy Venszyun shaxmat bo‘yicha jahon chempioni bo‘ldi
22-iyul kuni Xitoyda shaxmat bo‘yicha ayollar o‘rtasidagi jahon chempionati yakunlandi. Ley Tinsze va amaldagi chempion Szyuy Venszyun g‘oliblik uchun kurash olib bordi va unda Venszyun o‘yinni o‘z foydasiga hal qildi.
Qozog‘iston 2034-yilgi jahon chempionatini o‘tkazishni reja qilmagan
Qozog‘iston Sport vazirligi 2034-yilgi futbol bo‘yicha jahon chempionatini O‘zbekiston bilan birgalikda o‘tkazish rejalashtirilayotgani haqidagi ma’lumotni rad etdi. OAV xabariga ko‘ra, avvalroq Qozog‘iston futbol federatsiyasi rahbari shunday tashabbus bilan chiqqan.
O‘zbekistonlik yosh kurashchilar Osiyo chempionatini 20 ta medal bilan yakunladi
Iordaniyada o‘tgan sport kurashlari bo‘yicha U-20 yosh toifasidagi Osiyo chempionatida O‘zbekiston terma jamoasi jami 20 ta — 4 ta oltin, 6 ta kumush va 10 ta bronza medalini qo‘lga kiritdi.
Kurash bo‘yicha Osiyo chempionatida o‘zbekistonlik ayollar terma jamoasi uchinchi o‘rinni egalladi
O‘zbekistonlik ayol kurashchilar Iordaniyada o‘tgan sport kurashi bo‘yicha yoshlar o‘rtasidagi Osiyo chempionatida 7 medal: 2 kumush va 5 bronzani qo‘lga kiritib, umumjamoa hisobida uchinchi o‘rinni egalladi.
O‘zbekistonlik paraatletlar jahon chempionatida 17 ta medalni qo‘lga kiritdi
Yengil atletika bo‘yicha O‘zbekiston paralimpiya terma jamoasi Parijda o‘tkazilgan jahon chempionatida 17 ta medal — 6 ta oltin, 7 ta kumush va 4 ta bronza medalini qo‘lga kiritib, umumjamoa hisobida sakkizinchi o‘rinni egalladi. Sportchilar 2024-yilgi Paralimpiya o‘yinlariga 19 ta yo‘llanma oldi.
O‘zbekistonda professional futbol klublari ijtimoiy soliqdan boshqa barcha soliqlarni to‘lashdan ozod etildi
O‘zbekiston futbol assotsiatsiyasi, “Professional futbol ligasi” jamoat birlashmasi, futbol hakamlari markazi va professional futbol klublari 2026-yilgacha ijtimoiy soliqdan tashqari barcha soliqlarni to‘lashdan ozod etildi. Ular jalb qilgan chet el mutaxassislari va futbolchilari ham daromad solig‘i to‘lamaydi.
O‘zbekiston terma jamoasi Counter-Strike kibersporti bo‘yicha Osiyo chempioni bo‘ldi
Saudiya Arabistonida o‘tgan Counter-Strike:Global Offensive on Steam (CS:GO) kibersporti bo‘yicha Osiyo chempionatida O‘zbekiston terma jamoasi 1-o‘rinni egalladi. Sportchilar Jahon chempionatida qatnashadi. Shuningdek, jamoaga 7000 dollar pul mukofoti beriladi.
O‘zbekistonlik kurashchilar Osiyo chempionatida 8 ta medalni qo‘lga kiritdi
Yunon-rum kurashi bo‘yicha O‘zbekiston yoshlar terma jamoasi Iordaniyada o‘tkazilgan Osiyo chempionatida sakkizta medalni qo‘lga kiritib, umumjamoa hisobida ikkinchi o‘rinni egalladi.
O‘zbekistonlik yengil atletikachilar OCHni 4 ta medal bilan yakunladi
O‘zbekistonlik yengil atletikachilar Tailandda o‘tkazilgan Osiyo chempionatini 4 ta medal — 1 ta oltin, 2 ta kumush va 1 ta bronza bilan yakunladi.
O‘zbekiston para atletlari jahon chempionatida uchta medalni qo‘lga kiritdi
Parijda yengil atletika bo‘yicha o‘tkazilgan jahon chempionatida O‘zbekiston paralimpiya terma jamoasi 3 ta — 2 ta oltin va 1 ta bronza medalini qo‘lga kiritdi. Shu tariqa, paraatletchilar 2024-yilgi yozgi Paralimpiya o‘yinlariga to‘g‘ridan-to‘g‘ri litsenziya olishdi.
Eng ko‘p o‘qilgan xabarlar | So‘nggi yangiliklar
- “Final uchun rejamiz bor”. Timur Kapadze — Osiyo kubogi finalida Yaponiyaga qarshi o‘yin haqida
- Prezident futbol bo‘yicha yoshlar terma jamoasini Parijdagi Olimpiadaga yo‘llanma olgani bilan tabrikladi
- “Maqsadimizdan kechmaymiz. Ishonch bilan o‘ynanglar”. Kapadze Indoneziyaga qarshi o‘yin oldidan shogirdlariga nima degandi?
- O‘zbekistonlik hokkeychilar U-18 Osiyo va Okeaniya kubogi chempioni bo‘ldi (video)
Qo‘shimcha imkoniyatlarga ega bulish uchun saytda ro‘yxatdan o‘ting