Jamiyat
“Ayollarga qo‘lidan hech narsa kelmaydigan odamdek qarashlari yoqmaydi”. Viloyatdan poytaxtga kelgan qizlar bilan suhbat (2-qism)
“Gazeta.uz” O‘zbekistonning turli hududlaridan Toshkentga kelib o‘qiyotgan va turli sohalarda faoliyat olib borayotgan hamda jamiyatda o‘z o‘rniga ega bo‘lib borayotgan qizlar bilan suhbatning 2-qismini havola qiladi. Qizlar poytaxtdagi qiyinchiliklar, o‘z yo‘llarini topishdagi ikkilanishlar va jamiyatda xotin-qizlarga bo‘lgan munosabatlar haqida so‘zlab berishdi.
1 oktabrdan O‘zbekistonda nimalar o‘zgaradi?
«Tonirovka»ga ruxsatnomaning faqat my.gov.uz orqali berilishi, eng yaxshi loyihalar uchun yoshlarga 54 mln so‘mgacha grant mablag‘larining berilishi, eksportyor korxonalarga $5 mlngacha bir martalik moliyaviy resurslarning taqdim etilishi, alkogol va tamaki mahsulotlarining ayrim turlariga soliq stavkalarining oshirilishi — 1 oktabrdan O‘zbekiston qonunchiligida qanday o‘zgarishlar bo‘ladi?
2 mln dan ortiq fuqaro haydovchilik guvohnomasini o‘zgartirmagan — DXA
DXA ma’lumotlariga ko‘ra, 3,6 mln haydovchi eski namunadagi haydovchilik guvohnomasini yangisiga o‘zgartirgan. 2 mln ndan ortiq kishi esa hali ham o‘zgartirmagan. Agentlik navbatlarning oldini olish uchun yaratilgan qulayliklarni yana bir bor eslatib o‘tdi.
Hafta oxirida havo harorati pasayadi
Hafta davomida O‘zbekistonda kuchsiz va biroz shamollar bilan barqaror quruq ob-havo saqlanib turadi. oktabr oyining birinchi kunlarida sovuq havo kirib kelishi O‘zbekistonning barcha hududiga tarqaladi. Havo harorati kunduz kunlari +15…+20 darajagacha pasayadi.
Toshkentda 1 gektar yer maydonini $200 mingga olib bermoqchi bo‘lganlar ushlandi
Yunusobod tumanida Toshkent viloyati, O‘rmon xo‘jaligi tasarrufidagi 1 gektar yer maydonini 200 ming AQSh dollari evaziga olib bermoqchi bo‘lganlar ushlandi. Firibgarlik va pora berish moddalari bilan jinoyat ishi qo‘zg‘atilgan.
Talabalarga ijara to‘lovining bir qismini qoplab berish tartibi belgilandi
Ijarada yashayotgan talabalarga oylik ijara to‘lovining bir qismini davlat budjetidan qoplab berish to‘g‘risidagi nizom tasdiqlandi. Unga ko‘ra, OTMning faqat kunduzgi ta’lim shaklida o‘qiydigan talablarga ijara to‘lovining bir qismi qoplab beriladi. Ijara to‘lovining bir qismini qoplab berish o‘quv yilining davomiyligiga qarab belgilanadi.
“Bu tizimni boshqa joylarda ham qilamiz”. Shavkat Mirziyoyev maktablarda bepul ovqatlanish haqida
Prezident Shavkat Mirziyoyev Samarqandda bo‘lib o‘tgan saylovoldi yig‘ilishida O‘zbekistonning boshqa hududlaridagi maktab o‘quvchilari uchun ham bepul ovqatlanish tizimini joriy etishga va’da berdi. “Biz buni autsorsing tizimida, korrupsiyadan xoli tashkil etishni ishlab chiqamiz”, — dedi u.
Toshkent viloyatida 5 gektar yerni $150 ming evaziga olib bermoqchi bo‘lganlar ushlandi
Toshkent viloyati Bo‘stonliq tumanida 5 gektar yerni 150 ming AQSh dollari evaziga olib berishni va’da qilgan shaxslar ushlandi. Juda ko‘p miqdorda firibgarlik va pora berish moddalari bilan jinoyat ishi qo‘zg‘atilib, fuqarolarga nisbatan «qamoqqa olish» tarzidagi ehtiyot chorasi qo‘llangan.
O‘zbekistonda velosport mahorat maktab-internati ochiladi
Prezident qarori bilan 2022/2023 o‘quv yilidan Respublika velosport mahorat maktab-internati tashkil etiladi. Muassasaga belgilangan sinov imtihonlardan muvaffaqiyatli o‘tgan o‘quvchilar har yili 5-sinfga qabul qilinadi. Jismoniy tarbiya va sport universitetining Nukus va Farg‘ona filiallarida velosport turlari bo‘yicha bakalavriat ta’lim yo‘nalishi ochiladi. Bo‘stonliq tumanida veloshosse sport majmuasi quriladi.
So‘nggi 1 hafta ichida O‘zbekistonda 26 kishi koronavirusdan vafot etdi
Juma kuni 508 kishida koronavirus infeksiya qayd etildi, 6 nafar bemor vafot etdi. So‘nggi 1 hafta ichida kasallikdan vafot etganlar 26 kishini tashkil qildi.
Nima tayyorlaymiz: qovoqli taomnoma
Quyuq sho‘rva, qovoqda pishirilgan jarkop, tatarcha burma, rulet, keks va somsa — Zira.uz qovoqdan tayyorlasa bo‘ladigan taom va desertlar retseptlari ro‘yxatini taqdim etadi.
Yarim yilda korrupsiya yetkazgan zarar qariyb 600 mlrd so‘mni tashkil etdi
2021 yilning birinchi yarmida 2544 nafar mansabdor shaxsga nisbatan korrupsiya huquqbuzarliklari bo‘yicha jinoiy ishlar qo‘zg‘atildi. Umumiy zarar miqdori 592,5 mlrd so‘mga baholandi, vaholanki bu ko‘rsatkich o‘tgan yil davomida 500 mlrd so‘mni tashkil etgan edi. Eng ko‘p holatlar — SSV, XTV va bank sektorida.
24 sentabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning samarqandlik saylovchilar bilan uchrashuvi, IIV xodimlari elektroshokerlardan foydalana boshlashi, “Adolat” partiyasi fraksiyasi tezlikni oshirganlik uchun jarimani kamaytirishni taklif qilishi — “Gazeta.uz"ning 24 sentabrdagi eng muhim xabarlari dayjestida.
Tabiiy ofat natijasida zarar ko‘rgan tadbirkorlar soliqlardan ozod etiladi
Qonunchilik palatasi deputatlari tabiiy ofatlardan zarar ko‘rgan tadbirkorlar va yerlari sho‘rlangan hududlarda yashovchi fuqarolarga soliq to‘lovlaridan yengilliklar yaratishni ko‘zda tutgan qonunni qabul qildi.
“20 yildan oshdi, qonun qabul qildik, lekin uni buzganlik uchun javobgarlik yo‘q” — deputat jurnalistlar himoyasi bo‘yicha qonundagi kamchilik haqida
Deputat Rasul Kusherbayev jurnalistlar himoyasiga oid qonunlarni buzganlik uchun javobgarlik belgilanmagani sohada ko‘plab muammolarni keltirib chiqarayotganini ta’kidladi. Uning aytishicha, Qonunchilik palatasi deputatlari bu masalada bir necha bor harakat qilib ko‘rishgan. “Biz, shaxsan men ham tarafdormanki, himoya qonunini qabul qildikmi, himoyani buzganga doir javobgarlik masalasini ham jinoyat kodeksida belgilab qo‘yishimiz shart”, — dedi deputat.
“Adolat” tezlikni oshirganlik uchun jarimani kamaytirishni taklif qildi. Mutaxassislar va jamoatchilik bunga qarshi
“Adolat” partiyasi fraksiyasi tezlikni oshirganlik uchun jarimani kamaytirishni taklif qildi. Jamoatchilik va ekspertlar haydovchilar uchun qulaylikdan ko‘ra, inson hayoti qadrining ustuvorligini eslatib, qarshi fikrlarni bildirishdi.
Namanganlik 21 yoshli harbiy xizmatchi snaryad qoldiqlari portlashi oqibatida halok bo‘ldi
Chirchiq shahridagi dala o‘kuv maydonida snaryad qoldiqlari portlashi natijasida sodir bo‘lgan ko‘ngilsiz hodisa oqibatida Milliy gvardiya muddatli harbiy xizmatchisi halok bo‘ldi. Holat yuzasidan jinoyat ishi qo‘zg‘atildi. Marhumning ota-onasi prezidentga videomurojaat yo‘lladi.
Nomzodlar maktab o‘quvchilariga bepul ovqat berishni va’da qilmoqdalar. Bu budjetdan qancha xarajatni talab etadi?
Saylovoldi tashviqotlarda boshlang‘ich sinf o‘quvchilarini bepul tushlik bilan ta’minlashga va’da berildi. “Gazeta.uz” ushbu tashabbusni amalga oshirish uchun davlat budjetining taxminiy xarajatlarini hisoblab chiqdi va bu fikrga qarshi bo‘lgan iqtisodchilarning fikrini keltiradi.
IIV xodimlari elektroshokerlardan foydalana boshlaydi
Ichki ishlar organlarining deyarli barcha bo‘linmalari elektroshoker qurilmalari bilan ta’minlandi. Ulardan yo‘l-patrul xizmatini va jamoat tartibini ta’minlash uchun maxsus ruxsatnomaga ega bo‘lgan xodimlar foydalanadi.
Samarqandni ijtimoiy-iqtisodiy rivojlantirish bo‘yicha besh yillik dastur tayyorladik — Shavkat Mirziyoyev
Shavkat Mirziyoyev samarqandlik saylovchilar bilan uchrashuvda viloyatda 450 mingta ish o‘rni yaratish orqali kambag‘allikni 2 barobarga qisqartirish eng ustuvor vazifa ekanligini aytdi. U Narpay tumani misolida viloyatda ishsizlik va kambag‘allikka barham berish bo‘yicha rejalarni ma’lum qildi. Tumanning ixtisoslashuvidan kelib chiqib, 12 ta mahallada quruvchi, chilangar, qandolatchilik, tikuvchilik, IT-soha kasblari bo‘yicha kasb-hunarga o‘qitish maskanlari tashkil etiligi aytildi.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting