Jamiyat
$1 mlnni Qirg‘izistonga olib o‘tmoqchi bo‘lgan shaxs to‘xtatib qolindi
DXX Chegara qo‘shinlari 1 mln AQSh dollarining o‘zbek-qirg‘iz chegarasidan noqonuniy olib chiqib ketilishiga chek qo‘ydi.
Dam olish kunlari juda issiq bo‘lishi kutilmoqda
Dam olish kunlari Turkmanistondan O‘zbekistonga juda issiq va quruq havo kirib kelishi kutilmoqda. Buning natijasida havo harorati +45 darajagacha ko‘tariladi. O‘zgidromet 25 iyundan mamlakatda chilla boshlanishi va u 3 avgustgacha davom etishini ma’lum qildi.
Toyloqda Nexia 2 va Malibu to‘qnashuvida uch kishi, jumladan ikki nafar IIB xodimi halok bo‘ldi
Samarqand viloyatining Toyloq tumanida Nexia 2 va Malibu to‘qnashuvi natijasida uch kishi, jumladan ikki nafar IIB xodimi halok bo‘ldi, besh kishi jarohatlandi.
Toshkentdagi kovid-poliklinikalar qaytadan ochilmoqda
Toshkentning barcha tumanlarida COVID-19 bilan kasallangan bemorlar uchun maxsus poliklinikalar qaytadan ish boshlamoqda.
24 iyun kuni O‘zbekistonda sodir bo‘lgan eng muhim xabarlar dayjesti
Yo‘lo‘tkazgich qurish uchun davlat ehtiyojlari uchun olib qo‘yilgan «Qo‘yliq» bozori, hokimiga o‘rinbosari bo‘lish uchun $200 ming, «pilot»dan keyin kompyuter sovg‘asini olgan Chimboydagi IT-tanlov g‘oliblari, jinoyat kodeksidagi o‘zgarish va boshqalar — «Gazeta.uz» ning 24 iyundagi eng muhim xabarlari dayjestida.
«Qo‘yliq» bozori to‘liq buzilmaydi — Toshkent hokimligi
Toshkent hokimligi davlat ehtiyojlari uchun hududi tortib olinayotgan «Qo‘yliq» bozori to‘liq buzilmasligini ma’lum qildi. Yo‘lo‘tkazgich qurish uchun avtoturargohning bir qismi va bir nechta vaqtinchalik qurilmalarning o‘rni ajratiladi.
Toshkent davlat pedagogika universitetiga akademik mustaqillik beriladi
2023 yildan Nizomiy nomidagi Toshkent davlat pedagogika universiteti akademik, tashkiliy va moliyaviy mustaqil OTM bo‘ladi. 2024/2025 o‘quv yilida pedagogika ta’lim yo‘nalishlariga qabul vaqtida avval abituriyentlarning pedagogik kasbga moyilligi o‘rganiladi. Undan o‘tganlar kirish test sinovlarida qatnashadi.
«Yashil makon» hisobotida 6,2 mln ko‘chat qo‘shib yozilgani aniqlandi, 2,4 mln tasi qurib qolgan
Hisob palatasi «Yashil makon» loyihasidagi ko‘chat ekish hisobotlarida 6,2 mln ko‘chat qo‘shib yozilgani, 2,4 mln tupi qurib qolgani, shuningdek, sug‘orish va parvarish ishlari yaxshi tashkil etilmaganini aniqladi. Qo‘shib yozish holatlarini prezident ham tanqid qilgan edi.
2021 yil noyabr oyidan buyon Afg‘onistonga Termiz orqali 42 ming tonna mahsulot yetkazib berildi
2021 yil noyabr oyidan buyon Termiz orqali Afg‘onistonga 42 ming tonnaga yaqin oziq-ovqat mahsulotlari jo‘natilgan. O‘zbekiston TIV xalqaro sheriklarni Termiz logistika xabidan foydalangan holda mazkur davlatni qo‘llab-quvvatlashda faol hamkorlik qilishni taklif etdi.
O‘zbekistonda pedagogika yo‘nalishida 10 ta OTM tashkil etiladi
Prezident qarori bilan O‘zbekistonning 10 ta hududida pedagogika yo‘nalishi bo‘yicha 8 ta institut va 2 ta universitet tashkil etiladi. Bundan tashqari, pedagogik kadrlar tayyorlovchi OTMlarning 2−4-bosqich talabalari uchun «4+2» shaklidagi ta’lim jarayoni yo‘lga qo‘yiladi.
“Qo‘yliq” bozori yo‘lo‘tkazgich qurish maqsadida davlat ehtiyojlari uchun olib qo‘yilmoqda
Toshkent halqa yo‘lining kengaytirilishi munosabati bilan poytaxt hokimi “Qo‘yliq” bozori va savdo markazi joylashgan obyektlarni kompensatsiya to‘langanidan keyin jamoat va davlat ehtiyojlari uchun olib qo‘yishga ruxsat beruvchi qarorni imzoladi.
Toshkent viloyati hokimiga o‘rinbosar sifatida ishga kiritib qo‘yish evaziga $200 ming so‘ragan shaxslar qamaldi
Qibrayda yashovchi er-xotin yuqori lavozimdagi tanishlari orqali fuqaroni Toshkent viloyati hokimining o‘rinbosari lavozimiga $200 ming evaziga ishga kiritib qo‘yishga urindi. Ular avans sifatida $130 mingni olganida ushlangan. Sud erkakni 7 yilga, ayolni esa 5 yilga ozodlikdan mahrum qilish jazosini tayinladi.
MO davlatlari va Rossiya xavfsizlik kuchlari xalqaro narkoguruh faoliyatiga chek qo‘ydi
O‘zbekiston, Qozog‘iston, Qirg‘iziston va Rossiya huquq-tartibot idoralari xodimlari 6 oy mobaynida maxsus operatsiya o‘tkazdi. Natijada 8 ta narkolaboratoriya va qariyb 30 kg sintetik narkotik modda musodara qilindi. Oyiga 200 kggacha narkotik ishlab chiqargan guruhning 20 dan ortiq a’zosi qo‘lga olindi.
Tanqidlardan so‘ng Chimboyda o‘tkazilgan IT-tanlov g‘oliblariga kompyuterlar berildi
Qoraqalpog‘istonning Chimboy tumanida o‘tkazilgan «IT-bilimdoni» tanlovida dastlab «udlinitel» va klaviatura bilan taqdirlangan g‘oliblarga kompyuter sovg‘a qilindi. Alisher Sa’dullayev xodimlarni bunday kichik xatolar bilan mamlakat obro‘sini to‘kmaslikka va yoshlarning kayfiyatiga ta’sir qilmaslikka chaqirdi.
Qashqadaryoda ikki bola noma’lum kasallikdan vafot etdi, SSV brigada yubordi
G‘uzor tumanida 4 va 6 yoshli bolalar vafot etdi. Ijtimoiy tarmoqlarda shifokorlar ularga tashxis qo‘ya olmagani aytilmoqda. Sog‘liqni saqlash vazirligi vaziyatni o‘rganish uchun tumanga professorlardan iborat maxsus guruhni yubordi.
Jizzaxda Jiguliga o‘rnatilgan gaz balloni portlab ketdi
Jizzax viloyati Sharof Rashidov tumanida gaz quyish shoxobchasida yoqilg‘i to‘ldirilayotgan «VAZ-2106» rusumli avtomobilning gaz ballonida portlash sodir bo‘ldi. Bunga mashinadagi nosozlik sabab bo‘lgani aytilmoqda. Viloyat FVB hech kim jarohat olmagani va yong‘in kelib chiqmaganini ma’lum qildi.
Ijtimoiy tajriba: Andijonda nogironlik aravachasidagi yigit avtobuslarga chiqarilmadi
Farg‘onalik blogerlar viloyat markazida o‘tkazgan ijtimoiy tajribada avtobus haydovchilari nogironlik aravachasidagi yigitga panduslarni tushirib berishdan bosh tortishdi yoki uni ishlatishni bilishmadi. O‘nta avtobusdan faqat uchtasiga yo‘lovchilar yordami bilan chiqishga muvaffaq bo‘lindi.
Inson a’zosini ko‘chirib o‘tkazishga majburlaganlar 8 yilgacha qamalishi mumkin
Jinoyat kodeksiga kiritilgan o‘zgartishlarga ko‘ra, insonni a’zolarini ko‘chirib o‘tkazishga rozilik berishga majburlaganlik uchun 5 yildan 8 yilgacha ozodlikdan mahrum qilish jazosi belgilandi. Qolaversa, tana a’zolari oldi-sotdisi va ularni mamlakatdan tashqariga olib chiqishga ham javobgarlik tayinlanmoqda.
Payshanba kuni Farg‘ona va Xorazmdan tashqari barcha hududda kovid aniqlandi
Payshanba kuni yana 94 kishining kovidga topshirgan PZR-testi musbat natijani qayd etdi. Kun davomida 12 ta hududda virus yuqtirib olish holati kuzatilgan, shundan eng ko‘pi Toshkentda — 41 ta. Avvalroq, O‘zbekistonda omikronning eng yuqumli varianti — «Stels-omikron» aniqlangani ma’lum bo‘lgandi.
Andijonda avtomaktab o‘qituvchisi «prava» olib berishga uringanlikda gumonlanmoqda
Andijonda avtomaktab o‘qituvchisi mashg‘ulotlarda qatnashmasdan haydovchilik guvohnomasini olib berishga uringanlikda ayblanmoqda. Gumondor buning evaziga 5,8 mln so‘mni olganida qo‘lga tushdi. Unga nisbatan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
- “Bu hecham qahramonlik emas”. Toshkent xalq kutubxonasi xodimlari 1966-yilgi zilziladan so‘ng kitoblarni qanday qutqargani haqida
- Toshkent hokimi — tirbandlik, yo‘l va bekatlarning holati hamda mikromobillikka o‘tish haqida
- O‘zbekistonda 2025-yildan bukmekerlik faoliyatiga ruxsat beriladi
- “Bog‘ning menejeri davlat bo‘lishi noto‘g‘ri. Butun dunyoda shunaqa” — Toshkent hokimi (video)
Qo‘shimcha imkoniyatlarga ega bulish uchun saytda ro‘yxatdan o‘ting