Jamiyat
Uychi tumanining 4 ta sektor rahbari lavozimidan ozod qilindi
Xalq deputatlari Namangan viloyati Kengashining yig‘ilishida prezident Uychi tumani 4 ta sektor rahbarlari — tuman hokimi, prokurori, IIB boshlig‘i hamda tuman bosh soliqchisini vazifasidan ozod qilishga ko‘rsatma berdi.
Dam olish kunlari yomg‘irli ob-havo bo‘lishi kutilmoqda
Dam olish kunlari respublika bo‘yicha yomg‘ir yog‘adi. Qoraqalpog‘istonda, Xorazm, Buxoro, Navoiy viloyatlarida yog‘ingarchilik bo‘lishi ehtimoli kamroq. Havo harorati kechalari 2−7° iliqgacha, kunduz kunlari 8−13° iliqgacha pasayadi.
«O‘sha uyda yotasizlar, ishini qilib, keyin chiqib ketasizlar». Prezident rahbarlar aholi muammolarini qanday yechishi kerakligini aytdi
O‘zbekiston prezidenti aholini kasbga o‘rgatish va ish bilan ta’minlashga to‘xtalib, «endi pul berilmasligini, kim nimaga qodirligiga qarab imkoniyat yaratilishini» ta’kidladi. Shavkat Mirziyoyev vazir va davlat idoralari rahbarlariga muammoli hududlarda aholi bilan birga yashab, masalalarni hal etishni buyurdi. «O‘sha uyda yotasizlar, yotib, o‘sha uyni ishini qilib, keyin chiqib ketasizlar», — dedi u.
Toshkent metropoliteni «O‘zbekiston temir yo‘llari» tarkibidan chiqariladi
Toshkent metropoliteni «O‘zbekiston temir yo‘llari» tarkibidan chiqariladi. Shuningdek, Transport vazirligi Toshkent shahar transport boshqarmasi negizida Toshkent shahar transport bosh boshqarmasini tashkil etish rejalashtirilgan.
Alisher Usmonov o‘z hisobidan O‘zbekistonga 500 ming vaksina olib beradi
Alisher Usmonov o‘z hisobidan O‘zbekiston xarid qilayotgan 1 mln vaksinadan teng yarmini olib beradi. Birinchi bosqichda 1 mln vaksina olib kelinishi rejalashtirilmoqda.
«Mahalla raisi islohotchi bo‘ladi» — prezident Namangandagi yangi tajriba haqida
Shavkat Mirziyoyev mahalla raislarini yoshlar orasidan saylashni taklif etdi. Bundan tashqari, prezident Namangan shahri to‘rtta sektor rahbarining taqdiri majlisdan so‘ng, mahallalarni aylanish vaqtida hal bo‘lishini aytdi. «Moshinaga o‘tirib, o‘zim xohlagan mahallaga boraman. Shunga qarab shaharning 4 ta sektor rahbari masalasi hal bo‘ladi», — dedi davlat rahbari.
«Namanganliklar tartib-intizomni yaxshi ko‘radi» — Shavkat Mirziyoyev
Prezident Shavkat Mirziyoyev Namangan viloyatini va uning aholisini nega boshqa hududlarga namuna sifatida ko‘rsatishi haqida gapirdi. «Namanganliklarda tadbirkorlik, birlashish, natijaga ishlash degan odat bor. Ish uslubi madaniyati juda yuqori», — dedi u. Davlat rahbari pandemiya davrida viloyatning yalpi ishlab chiqishi 5 foizdan oshganini qayd etib, «hech qaysi viloyatda bunday natija bo‘lmaganini» aytdi.
Adliya vazirligi «Gazeta.uz»da e’lon qilingan maqolaga javob berdi
Adliya vazirligi NNTlar sohasidagi byurokratik muammolar to‘g‘risida «Gazeta.uz»da e’lon qilingan maqolaga javob berdi. Vazirlikning fikriga ko‘ra, NNTni ro‘yxatdan o‘tkazishni «rad etish uchun ko‘plab sabablar bo‘lishi mumkin» va «ularning barchasi qonunchilikda qayd etilgan».
Xonobodda radiatsiya borligi mutaxassis bo‘lmagan odamlarning fikri — Mudofaa vazirligi
«Qarshi-Xonobod» harbiy zonasida radiatsiya mavjudligi masalasiga Mudofaa vazirligi munosabat bildirdi. Vazirlikka ko‘ra, ushbu harbiy zonadagi barcha aholi va harbiylar doimiy tibbiy tekshiruvdan o‘tkaziladi. Tibbiy xizmat polkovnigi Nodir Fozilov aholi orasida nur kasalligi bilan bog‘liq bo‘lgan kasalliklar qayd etilmaganligini qayd etdi. «Bu mutaxassis bo‘lmagan odamlarning fikri ekanligi ko‘rinib turibdi», — dedi Mudofaa vazirligi matbuot kotibi.
BAAning O‘zbekiston qishloq xo‘jaligiga investitsiyasi oshadi — BAAlik investor prezidentga
Prezident Yangiqo‘rg‘on tumanida joylashgan BAAning «Sura General investment» korxonasi rahbari Abdulbariya Aymanga «BAA bilan do‘stlik ko‘prigimizga juda katta hissa qo‘shganingizdan minnatdorman», dedi. Tadbirkor O‘zbekistonga may oyida amirliklardan investorlarning katta guruhini olib kelishini ta’kidladi.
Ellikqal’ada eshaklar qabristoni topildi
Ellikqal’a tumanida so‘yilib, 3 ta maydonga tashlangan eshak suyaklari topildi. Eshaklar tajribali qassob tomonidan so‘yilgani va qovurg‘a suyaklaridan go‘shtlar silliq ajratib olingani aytilmoqda. Eshaklarning qovurg‘a suyaklaridan tashqari kallasini, quloqlarini ko‘rish mumkin.
Aholini ijtimoiy himoya qilish milliy strategiyasi konsepsiyasi tasdiqlandi
Prezident farmoyishi bilan 2021−2030 yillarda aholini ijtimoiy himoya qilish milliy strategiyasi konsepsiyasi tasdiqlandi. Hujjatga ko‘ra, ijtimoiy nafaqa olish jarayonini soddalashtirish rejalashtirilgan. 2030 yilda davlat byudjetining ijtimoiy himoyaga yo‘naltirilgan xarajatlari YAIMga nisbatan 1,5%ga yetkaziladi. Ijtimoiy himoya sohasida yagona mas’ul organ tuziladi.
Qurilish vazirligi Toshkentda noqonuniy qurilayotgan beshta bino haqida ma’lumot berdi
Qurilish vazirligi Toshkent shahrida ekspertiza organlarining ijobiy xulosasi bo‘lmasdan va qurilish-montaj ishlarini boshlash yuzasidan vakolatli organni xabardor qilmasdan qurilishi davom etayotgan binolar haqida ma’lum qildi.
Jahongir Otajonovning prezidentlikka nomzodini qo‘ymoqchi bo‘lgani demokratiya yo‘lida ekanligimizni anglatadi — Rasul Kusherbayev
Deputat Rasul Kusherbayev Jahongir Otajonovning prezidentlikka nomzodini qo‘ymoqchi bo‘lgani — bu demokratlashuvning ko‘rinishi ekanligini aytdi. «Otajonov prezidentlikka nomzodini qo‘ymoqchiman degani fojea emas. Men xursand bo‘ldim. Vanihoyat, O‘zbekistonda ham qo‘rqmasdan, odamlar men prezident bo‘lishni xoylayman, deb erkin ayta olish darajasiga yetib kelibmiz. Bu bizning yutug‘imiz emasmi?» — dedi deputat. Kusherbayev bu prezident olib borayotgan siyosatining natijasi ekanligini ta’kidladi.
Bo‘stonliq tumani hokimining sobiq o‘rinbosari pora evaziga tadbirkorga yer olib bergan
Bo‘stonliq tumani hokimining sobiq o‘rinbosari o‘z lavozimida ishlagan vaqtida tuman hududidan tadbirkorga 30 sotix yer maydoni ajratilishi uchun hokim qarorini chiqartirib berib, evaziga undan 35 ming dollar olgan. U olingan pulning bir qismini qaytarib berayotganida qo‘lga olindi. Bundan tashqari, Toshkent viloyatidagi yerlarni noqonuniy ravishda sotmoqchi bo‘lgan boshqa shaxslar ham ushlandi. Ulardan biri Parkent tumanida 5 gektar yerni 1 mln dollarga sotmoqchi bo‘lgan.
«Mahalla, tuman va shaharlar kriminogen vaziyatdan kelib chiqib, uch toifaga bo‘linadi» — IIV
Po‘lat Bobojonov boshchiligida bo‘lib o‘tgan videoselektor yig‘ilishida prezidentning 12 fevral kuni bergan topshiriqlari ijrosini ta’minlash choralari muhokama qilindi.
Shavkat Mirziyoyev Namangan viloyatiga jo‘nab ketdi
Prezident Shavkat Mirziyoyev Namangan viloyatiga yo‘l oldi. Tashrif davomida sanoat korxonalari, qishloq xo‘jaligi loyihalari, bunyodkorlik ishlari bilan tanishish rejalashtirilgan.
Jizzax viloyatida kuchsiz zilzila sodir bo‘ldi
Ertalab Jizzax viloyati Forish tumani hududida, Tuzkon ko‘li yaqinida kuchsiz zilzila sodir bo‘ldi. Jizzaxda uning kuchi 3 ball, Samarqandda 2 ball atrofida sezildi.
Qashqadaryoda mashinasida o‘quvchini urib yuborgan IIB xodimiga jinoyat ishi qo‘zg‘atildi
Qashqadaryo viloyati Chiroqchi tumanida katta tezlikda piyodalar o‘tish yo‘lidan o‘tayotgan o‘quvchini urib yuborgan IIB xodimiga jinoyat ishi qo‘zg‘atildi.
Ekologiya qo‘mitasi «Qarshi-Xonobod» bazasini zararli moddalarga tekshirmoqda
Davlat ekologiya qo‘mitasi 2001−2005 yillarda amerikalik harbiylar xizmat qilgan «Qarshi-Xonobod» aviabazasini inson hayoti uchun xavfli moddalarga tekshirmoqda. Donald Tramp o‘z prezidentligining so‘nggi kunida zararli moddalar va radiatsiya ta’siriga tushishi mumkin bo‘lgan amerikalik harbiy xizmatchilarning sog‘lig‘ini tekshirish bo‘yicha topshiriq bergan edi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting