Jamiyat
13-mart kuni e’lon qilingan eng muhim yangiliklar dayjesti
Texnik nosozlik tufayli kechiktirilgan “Tashabbusli budjet” jarayonlari, Afg‘oniston biznesi uchun yaratiladigan “shart-sharoitlar”, “madaniyatli insonlar” uchun bepul chiptalar, Uzbekistan Airways`ning bo‘yog‘i ko‘chib ketgan samolyotlari va boshqalar — “Gazeta.uz"ning kunlik dayjestida.
Uzbekistan Airways Boeing 787 Dreamliner samolyoti qanotidagi bo‘yoq ko‘chib ketganiga izoh berdi
Uzbekistan Airways`ning xabar berishicha, Boeing 787 Dreamliner samolyotining kompozit qismlarida bo‘yoqning ko‘chib ketishi muammosi bir necha yillardan buyon kuzatilmoqda. Boeing tavsiyasiga ko‘ra, ekspluatantlar samolyot qayta bo‘yalguniga qadar vaqtincha maxsus yopishqoq lentadan foydalanmoqda.
Yanvar-fevral oylarida tabiiy gaz va elektr energiyadan foydalanish bo‘yicha 215,6 mlrd so‘mlik zarar aniqlandi
2024-yilning yanvar-fevral oylarida iste’molchilar 88,5 mln metr kub tabiiy gaz (132,7 mlrd so‘m) va 77,3 mln kilovatt⋅soat elektr energiyasidan (qariyb 83 mlrd so‘m) noqonuniy foydalangani aniqlandi. Uning natijasida 215 mlrd 648 mln so‘m zarar yetkazilgan.
Xorazmda birinchi sinf o‘quvchisini kaltaklagan o‘qituvchi ishdan bo‘shatilib, jarimaga tortildi
Xonqa tumanidagi maktablarning birida birinchi sinf o‘quvchisini kaltaklagan o‘qituvchi ishdan olindi va ma’muriy javobgarlik bo‘yicha jarimaga tortildi.
Firibgarlik uchun qidirilayotgan shaxs Turkiyadan O‘zbekistonga deportatsiya qilindi
Firibgarlikda ayblanib qidiruvda bo‘lgan 35 yoshli erkak Turkiyadan O‘zbekistonga deportatsiya qilindi. Ushbu shaxsning xatti-harakatlaridan jabr ko‘rgan fuqarolardan Ichki ishlar vazirligiga murojaat qilishlari so‘raladi.
Prezident “Yangi O‘zbekiston” massivlari qurilishini jadallashtirish bo‘yicha ko‘rsatmalar berdi
Ayrim viloyatlarda “Yangi O‘zbekiston” massivlarini qurishda kechikish kuzatilmoqda. Prezident 1-iyulga qadar qurilish ishlarini jadallashtirish va 474 ta uyni foydalanishga topshirish bo‘yicha topshiriq berdi. “Ulkan marralarga erishish uchun uy-joy qurilishi hajmini har yili 20 foizga oshirib borishimiz kerak, — dedi u.
Madaniyat vazirligi “madaniyatli insonlar”ga ko‘ngilochar tadbirlar uchun bepul chiptalar sovg‘a qilmoqchi
Madaniyat vazirligi gaz va elektrdan qarzi yo‘q, ma’muriy javobgarlikka tortilmagan “namunali va madaniyatli insonlar”ni aniqlab, ularga ko‘ngilochar tadbirlarga bepul chiptalar sovg‘a qilmoqchi. “Loyiha hali to‘liq ishlab chiqilmagan, buning uchun biroz vaqt kerak”, — dedi vazirlik xodimi.
Prezident uy-joy qurish uchun qo‘shimcha yerlar auksionga qo‘yilishi haqida topshiriq berdi
Prezident uy-joy bozorida narx oshishining oldini olish uchun taklifni oshirish zarurligini aytdi. Buning uchun viloyat hokimlari uy-joy qurish uchun qo‘shimcha 20 gektar, poytaxtda 60 gektar yerni auksionga qo‘yishi kerak. Shuningdek, prezident aholi va pudratchilarga ham yangi imkoniyatlar berilishi haqida gapirdi.
Farg‘onada salkam 6 ming sifatsiz dorini Namangandagi dorixonalarga sotmoqchi bo‘lgan fuqaro ushlandi
Qo‘qon shahrida fuqaro 121 mln so‘mlik salkam 6 ming dona sifatsiz dori vositasini Namangandagi dorixonalariga sotib yubormoqchi bo‘lganda qo‘lga olindi.
Toshkentda voyaga yetmagan qizga shilqimlik qilgan yana bir taksi haydovchisi 5 sutkaga qamaldi
Toshkentda 15 yoshli qizga yo‘l bo‘yi shahvoniy xususiyatga ega bo‘lgan so‘zlar aytib, shilqimlik qilgan taksi haydovchisi 5 sutkaga qamaldi.
Yunusabad Residence Ramazon oyida har bir honadon sohibiga Umra yoki Dubay safari sovg‘a qiladi
Ramazon oyi munosabati Yunusabad Residence TJMdan xonadon xarid qilganlarga Umra safari yoki Dubayga ikki kishilik sayohat yo‘llanmasini sovg‘a sifatida taklif qilmoqda.
Toshkent viloyatida 2,2 mlrd so‘mlik elektr energiyasidan noqonuniy foydalangan maynerlar aniqlandi
Toshkent viloyatida mayning qurilmalarini umumiy foydalanishdagi elektr tarmog‘iga ulab, jami 2,2 mlrd so‘mlik elektr energiyasidan noqonuniy foydalangan shaxslar aniqlandi.
Xorazmda ayol farzandining maktabidagi ta’lim sifatidan shikoyat qildi. Ikki nafar o‘qituvchiga hayfsan berildi
Boshlang‘ich sinf o‘quvchilaridan birining onasi bolalar ombudsmaniga murojaat qilgach, Gurlan tumanidagi maktabning ikki o‘qituvchisiga hayfsan, direktoriga esa ogohlantirish berildi. Tekshiruv o‘qituvchilarning bilim darajasi pastligini tasdiqladi.
12-mart kuni e’lon qilingan eng muhim yangiliklar dayjesti
Rossiya san’atkorlarining O‘zbekistondagi konsertlari haqida gapirgan vazir, avtomashinalar narxini oshirayotgan UzAuto Motors, yangi tashkil etilayotgan Savdoni rivojlantirish kompaniyasi, “Bir million dasturchi” loyihasida talon-toroj qilingan mablag‘lar va boshqalar — “Gazeta.uz"ning kunlik dayjestida.
O‘zbekistonda “Tashabbusli budjet”ga ovoz berish boshlanmoqda
13-mart kuni “Tashabbusli budjet” loyihalariga ovoz berish boshlanadi. Fuqarolar mahalliy budjetning umumiy qiymati 3,02 trln so‘m bo‘lgan qismini taqsimlashda yo‘llar qurish, maktablarni ta’mirlash hamda jihozlash va boshqa loyihalar bo‘yicha 28 919 ta loyihadan biriga ovoz berish orqali ishtirok etishi mumkin.
Namanganda O‘zbekistondan Hindistonga 1,5 kg oltin olib o‘tishga uringan ikki shaxsga hukm o‘qildi
Namanganda O‘zbekistondan Hindistonga sotish uchun noqonuniy ravishda oltin olib chiqishni rejalashtirgan ikki shaxsga nisbatan sud hukmi o‘qildi. Musodara qilingan 30 dona tillaning og‘irligi 1 kilogramm 516 gramm, qiymati esa 1 milliard 400 million so‘mni tashkil etadi.
Farg‘onada gaz portlashi oqibatida uch nafar Hindiston fuqarosi jarohatlandi
Farg‘ona shahridagi yashash xonadonida gaz portlashi sodir bo‘ldi, oqibatda uch nafar Hindiston fuqarosi — Farg‘ona tibbiyot instituti talabalari jarohatlandi.
Angor tumani hokimi “Ayollar daftari” mablag‘laridan Captiva sotib oldi
Surxondaryo viloyatining Angor tumani hokimi “Ayollar daftari” mablag‘lari hisobidan Captiva 5 mashinasini sotib olgani aytilmoqda. Korrupsiyaga qarshi kurashish agentligi holat o‘rganilayotganini ma’lum qildi.
Reklamali tanaffus. Toshkent tashqi reklama bosqiniga qarshi qanday kurashmoqchi?
Raqamli rivojlanish departamenti Toshkentdagi tashqi reklamani nazoratga olmoqchi. Minglab reklama konstruksiyalarining egalari to‘lov qilmayapti. Muammo nimada, reklama dizayn-kodi qanday bo‘lishi va Toshkentni qay tariqa ko‘zni quvontiruvchi shaharga aylantirish mumkin — “Gazeta.uz” shu savollarga javob izladi.
Toshkent viloyatida 31 yoshli erkak poyezd urib yuborishi oqibatida vafot etdi
O‘rta Chirchiq tumanida temiryo‘lning belgilanmagan qismidan o‘tayotgan 31 yoshli erkakni poyezd urib yubordi. Oqibatda u voqea joyida halok bo‘ldi. Marhum farzandli bo‘lgani uchun ayolini tug‘ruqxonadan olib chiqishga tayyorgarlik ko‘rgani ketayotgan bo‘lgan.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Qirg‘izistondagi zilzila kuchi Namanganda ham sezildi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting