Chorshanba kuni O‘zbekistonga nam va sovuq havo massasi kirib keladi. 8−9-noyabrda hududlarda yomg‘ir yog‘ishi kutilmoqda. Harorat kunduzi +13…+18, kechasi +3…+6 darajagacha pasayadi. Juma kuni havo biroz isib, yog‘ingarchilik kuzatilmaydi.
Botanika bog‘lari katta, ko‘p va moliyaviy baquvvat bo‘lishi, ularni nafaqat davlat, balki homiylar ham qo‘llashi kerak. Ayni vaqtda, ular velosiped uchiladigan park emas, balki shaharliklarni tabiatga yaqinlashtiruvchi yashil maktabdir, deb hisoblaydi xorijdagi tabiatsevar o‘zbekistonliklar.
O‘zbekistonda 1000 dan ortiq odam abonent raqamini saqlagan holda mobil operatorini o‘zgartirdi, deya ma’lum qildi raqamli texnologiyalar vaziri Sherzod Shermatov. U kelgusida ko‘proq abonentlar uyali aloqa operatorlarini o‘zgartirishini kutmoqda.
Toshkentda Iqtisodiy hamkorlik tashkiloti sammiti o‘tkazilishi sababli poytaxtning ayrim ko‘chalari 8−10-noyabr kunlari transport harakati uchun yopiladi. Shuningdek, 8−9-noyabr kunlari poytaxtga yuk mashinalarining kirishi qisman cheklanadi, shahar markazida esa ular harakatlanishi to‘liq to‘xtatiladi. Ro‘yxat.
Uzbekistan Airports Toshkentda aviaspotter bolalarning qo‘lga olinishi yuzasidan bayonot berdi. Kompaniya yosh avlodning spotting harakatini qo‘llab-quvvatlashini aytdi. Shahar IIBB hozircha holat yuzasidan bayonot bermadi. Hibsga olinganlarning aytishicha, ularga nisbatan munosabat yumshagan.
Toshkentda samolyotlarni suratga olayotgan maktab o‘quvchilari huquq-tartibot idoralari xodimlari tomonidan qo‘lga olindi. Xodimlar ularga baqirib, so‘kib, suratga olish jihozlarini olib ketishdi.
Anorli, sitrus, zanjabil va oblepixali choy, alkogolsiz “glintveyn” ichimligi, issiq shokolad va boshqalar — Zira.uz kuz mavsumiga mos mazali va foydali issiq ichimliklar retseptlari bilan bo‘lishadi.
Bosh prokuratura va Oliy sud mas’ullari Xorazmdagi mehribonlik uyi tarbiyalanuvchilari bilan jinsiy aloqa qilgan 2 sobiq amaldorga chiqarilgan hukm to‘g‘ri malakalanganini ta’kidladi. Protsessual harakatlarda nomusga tegish holati topilmadi, dedi bosh prokuror o‘rinbosari Svetlana Artikova.
“Dok-1 Maks” ichgan bolalar o‘limi haqida birinchi bo‘lib xabar bergan Samarqand viloyati bolalar ko‘p tarmoqli tibbiyot markazi bosh shifokori sudda guvohlik berdi. U etilenglikolning bolalar organizmiga ta’siri hamda shifoxonaga ertaroq yotqizish sog‘ayish imkoniyatlarini qanday oshirganini so‘zladi.
Oltita kinopremera, “Ayol yo‘li” festivali, Zokir Ochildiyev ishtirokidagi yumoristik shou, sirk tomoshalari, ko‘rgazmalar, spektakllar, ijodiy mahorat darslari va dam olish kunlaridagi boshqa qiziqarli tadbirlar — Afisha.uz jamlanmasida.
Yangi Air Samarkand aviakompaniyasining Airbus A330−300 samolyoti Samarqand xalqaro aeroportida kutib olindi. Yaqin kunlarda kompaniya parkini ikkinchi — o‘rta masofali Airbus A321 samolyotini bilan to‘ldiradi va yil oxiriga qadar 5 tagacha samolyotni qabul qilib, foydalanishga topshirishni rejalashtirmoqda.
“Gazeta.uz” tahririyati O‘zbekistonda korrupsiyaga qarshi kurashishda faol ishtirok etayotgan OAV sifatida e’tirof etildi. Eng faol jurnalist nominatsiyasida sovrinni Ablay Kamalov qo‘lga kiritdi. Shuningdek, “Komplayens-nazorat” tizimini samarali joriy etgan tashkilot ham aniqlandi.
OAVda chiqayotgan korrupsiyaga oid har bir material alohida nazoratga olinyapti, deya qayd etdi Korrupsiyaga qarshi kurashish agentligi direktori. “Jurnalistlar surishtiruvlar orqali korrupsiyaning yangi ko‘rinishlarini ochishda bizga yordam beryapti va ular jinoyat sifatida e’tirof etilyapti”, — dedi Akmal Burxanov.
O‘zbektelekom aksiyadorlik kompaniyasi bo‘lajak IPO doirasida potensial investorlar bilan biznes-uchrashuv tashkil etdi. Imzolash kampaniyasini 2023-yil oxirigacha yakunlash rejalashtirilgan.
O‘zbekiston Fransiyaning Airbus Helicopters kompaniyasidan 10 ta tibbiy vertolyot xarid qilishni rejalashtirmoqda. SSV rahbari Amrillo Inoyatov kompaniya rahbariyati bilan Yevropa standartlariga mos tibbiy aviatsiya xizmatini tashkil etish hamda soha mutaxassislarini tayyorlash kabi masalalarni muhokama qildi.
Poytaxtning Yashnobod tumanidagi ishlab chiqarish korxonasida yong‘in ro‘y berdi. Uni o‘chirishga 1 soatdan ortiq vaqt sarflandi. Hodisa oqibatida fuqarolar jarohat olgani va halok bo‘lgani to‘g‘risida xabar kelib tushmadi, deyiladi FVV xabarida.
Urganchdagi mehribonlik uyi tarbiyalanuvchilari bilan jinsiy aloqada bo‘lib kelgan ikki sobiq amaldorga sud hukmi o‘qildi. Xorazm viloyati adliya boshqarmasi va Yangiariq tumani FVBning sobiq boshliqlari uzil-kesil 3 yilga ozodlikdan mahrum qilindi.
Perfectum kompaniyasi maktab o‘quvchilari va ta’lim muassasalari, kollej va litseylarda ta’lim oluvchilar uchun yangi “O‘quvchi” tarifini ishga tushirdi.
O‘zgidromet O‘zbekistonga yana “oltin kuz” qaytgani, dam olish kunlari havo biroz bulutli bo‘lishi, yog‘ingarchilik kutilmasligi, shamol esa o‘rtacha tezlikda esishini ma’lum qildi. Harorat kechalari +5…+10 daraja, kunduzi +19…+24 daraja iliq bo‘ladi.
Bosh prokuratura Sherobod tumanidagi “Tallagan tepa”, “G‘o‘rintepa”, “Xushvaqtepa” va “Toshtepa” yodgorliklariga zarar yetkazilganini aniqladi. Bu manzillarda yo‘l, uy-joy, hojatxona va molxona qurilgan. 7 mlrd so‘mlik zarar yetgan ushbu holatlar bo‘yicha hokimlik mansabdorlariga nisbatan jinoyat ishi qo‘zg‘atildi.
Qo‘shimcha imkoniyatlarga ega bulish uchun saytda ro‘yxatdan o‘ting